الموضوع بالنسبه ليا مهم جدا جدا  ويعتبر حياه او موت  فعلا فياريت الي عنده اي معلومه يقولها الله يباركله ,, انا خريج كليه التربيه قسم انجليزي بتقدير جيد ,دخلت الكليه وانا مش عارف دخلتها ليه ومكنتش فارقه معايا تربيه من غيره لكن  اكتشفت  وانا ف الكليه اني كاره للتدريس بدرجه فوق الوصف وطبعا التدريس يعتبر المجال الوظيفي الوحيد المتوفر لخريج الكليه ف عندي حاله احباط مايعلم بيها الا ربنا حاليا  ,

الكليه الحربيه منسباني جدا بعض النظر عن الوظيفه والمرتب  لكن انا بحب الحياه العسكريه جدا ويشرفني اني انضم ليهم  ف انا  مستني التخصصات بتاعت الكليه الحربيه تظهر  ,دلوقت قدامي حوالي 4 اشهر لغايه لما التخصصات تظهر ,فتره طويله جدا 
, مش عارف اروح ادور ع شغلانه مؤقته ف العاشر مثلا ( التجنيد بتاعي لسه عليه سنه او اكتر ف يعتبر مش ورايا اي حاجه  ) ولا اروح الجيم واعمل جسم كويس ( طولي 170 وزن 58) واتعلم السباحه واخد كورسات لغه تفيدني شويه علشان اكون مستعد ل اختبارات الكليه لو طلبوا التخصص ؟ (محدش عنده اقتراح  ؟؟؟؟)

بالنسبه للتمارين انا ممكن اجيب 40 بطن  ف حوالي دقيقتين  و40 ضغط حوالي دقيقه وحوالي 6 عقله   ومبعرفش اعوم والتخصص بتاعي الي  هوا الانجليزي يعتبر زفت مش فاكر اي حاجه علشان يعتبر مدرستش حاجه ف الكليه اصلا 

انا عارف انها قسمه ونصيب ولو فيها خير ليا ف هدخلها لكن لازم اعمل الي عليا 

انا ان شاء الله عايز اجيب الدرجات النهائيه ف الكشف الرياضي علشان تعمل فرق معايا ف كشف الهيئه وتعوض التقدير ( انا جايب جيد بنسبه 76% والجيد جدا من 80% )

انا والدي ووالدتي معاهم دبلوم صناعي ,موهل متوسط , والدي حاليا معاش كاانت وظيفته موجه بالتربيه والتعليم  ووالدتي اداريه ف مدرسه ,, الموهل بتاعهم كويس ولا لازم مؤهل عالي للوالد ع الاقل؟؟ووالدي مربي دقنه من زمان لكن ملوش اي علاقه ب اي جماعات سياسيه او الاخوان , ممكن دقنه تعمل مشكله ولا عادي؟


وبالنسبه للواسطه ؟ضروريه ولا لا(معنديش واسطه لكن ممكن ادور  ) ؟


بالاضافه للاستفسارات الي فاتت دي ممكن لو حد يعرف مراحل التقديم للمتخصصين يعني مثلا: اختبار قدرات للتخصص -سمات-طبي-رياضي-هيئه-عرض عام ؟واخر حاجه لو مثلا اقدر اكشف ع حاجه معينه ف جسمي اقدر اعاجلها دلوقت ومتظهرش ف الطبي  لقدر الله 


واسف جدا جدا ع الاطاله ولو حد عنده اي معلومه عن اي استفسار من دول يتفضل  

بص يا بوب 
اولا قضي ا 4 اشهر دول وادرب كويس في الجيم وحاول تزود العقلة والضغط والبطن 
ثانيا لازم تاخد كورسات او تراجع علي الانجلش بأي طريقة لان لازم مستواك اللغوي قبل مستواك الرياضي واللياقي 
ثالثا مش مهم واسطة عشان في الظباط المتخصصين بعتمدوا علي الكفاءة فقط عشان كدا بقلك لازم تبقي جيد جدا في الانجلش كأتقان للغة 
وربنا يوفقك بأذن الله

بالنسبة للاختبارت وهتبي ازاي وكدا انا معنديش عنها معلومات 


تحياتي

egyptian @rmy كتب:

بص يا بوب 
اولا قضي ا 4 اشهر دول وادرب كويس في الجيم وحاول تزود العقلة والضغط والبطن 
ثانيا لازم تاخد كورسات او تراجع علي الانجلش بأي طريقة لان لازم مستواك اللغوي قبل مستواك الرياضي واللياقي 
ثالثا مش مهم واسطة عشان في الظباط المتخصصين بعتمدوا علي الكفاءة فقط عشان كدا بقلك لازم تبقي جيد جدا في الانجلش كأتقان للغة 
وربنا يوفقك بأذن الله

بالنسبة للاختبارت وهتبي ازاي وكدا انا معنديش عنها معلومات 


تحياتي

 تمام ياباشا شكرا لردك انا هاخد برأيك ان شاء الله بس بالنسبه لموضوع المؤهل المتوسط والدقن ده معندكش معلومات عنه؟