السلام عليكم ورحمة الله وبركاته ... كل سنة وانت طيبين واحب ارحب بنفسي كعضو جديد معاكم هنا  ودي اول مواضيعي
هوه اولا انا كنت مقدم بعد الثانوية فنية عسكرية وخرجت طبي بدوالي الخصيتين مع انها خفيفة وكنت عاوز اعملها قبل الاعادة بس خفت  دي حاجة غبية بس خلاص عدت الحمد لله
دلوقتي بقا انا هتخرج من هندسة قسم عمارة ونظرا للاحداث المعينة اللي حصلت فيا لكلية وكده كل الدفعة انحط عليها وشيلنا مواد وبتاع فانا لسا عندي دور تاني ان شاء الله هعدي يعني هبقى خريج دور تاني بتقدير عام مقبول او جيد لسا معرفش ده معوق وله لأ ؟!

تاني حاجة في النظر انا عندي عيني الشمال ناقصة درجة ونص واليمين ناقصة درجة واحدة ده عادي وله ايه ؟ انا سمعت ان مسمحولي لدرجة ونص مش اقل من كده وناس بتقول 2 ؟

تالت حاجة انا كنت بلعب كارتيه بس كنت مغامر شوية ومش بلبس البتاعة اللي بتحمي السنان دي رحت واخد بوكس في وشي طيرتلي سنة اللي قدام   ركبت سنة ؟
وكمان كنت باكل على ضرسي لحمة ضاني بقا وكانفيه حتة عظمة مستخبية راحت كسرت ضرسي !!!! فيه مشاكل وله ايه ؟

ولسا معملتش العملية بتاعت الدوالي بس هعملها ان شاء الله اليومين دول ...... ! ده غير اني هبدأ انتظم في الجيم او مركز تأهيل عشان اظبط اللياقة عشان بقالي اكتر من 3 سنين من يوم ما جبت العربية وانا مبعملش اي رياضة يعني !!
فيه كده حاجة تمنعني من التقديم وايه هيا والعلاج لو سمحتم ... ( انا ابن عمي في القوات المسلحة وانصاب في سيناء عشان لو قولتولي الاولوية للي ليهم اقارب في القوات ) !

ياريت كل  واحد يقول رأيه وكده ويدعيلي وانا ان شاء الله هبدأ اخد بالنصايح بس محدش يبخل عليا الله يكرمك   وبالتوفيق لنا جميعا ان شاء الله

هوه محدش هيقدر يفيدني :(

kioo كتب:

يا حجوج التقديم اللى انت عاوزه أسمه الأكاديمية الحربية

تحت مسمى الضباط المتخصصين وبتفتح مرتين فى السنة الواحدة

فى شهر اكتوبر او بداية شهر نوفمبر وبتفتح تانى فى شهر مارس يعنى انت هتلحق هتلحق ما تقلقش

ثانيا بالنسبة للنظر ما تفرش لأنك متخصص

ثالثا بالنسبة للأسنان طالما انت ضبطها عادى ولو فى سنة أو اقل مش مدمرة يعنى بيعديها وبيقولك فى الكشف صلحها كلام وخلاص

رابعا بالنسبة لدوالى الخصية للاسف لو عملت العملية هتبان دا اساسى لانها بتكون تحت الحزام وباينة وممنوع على متقدمى لأكاديمية انهم يكونوا اتجوزوا من قبل او عاملين اى عملية مثل الدوالى او المرارة او ......

ولو ما عملتهاش هيبان فى كشف الجراحة برضو زى ما بانت فى الاول

وما تصدقش اللى بيقولك انهم بيتهاونوا فى كشف الاكاديمية هما بيتهاونوا نسبيا فى الكشف الرياضى او الطبى فلأ 

اتمنى ليك حياة مدنية جميلة ومستقبل محترم ان شاء الله

شكرا يا باشا على الرد .... بس هيا مش هتبان ولا حاجة ولا هتأثر على ادائي حتى ابن عمي عملها قبل ما يقدم الكلية الحربية ب 5 شهور تقريبا وعدى ودلوقتي رائد أهه .... انا ممكن اعملها واقدم في السنة اللي بعدها فكده هتأثر وله ايه ؟! يعني انا طبيعي هكتب في الاوراق اني خرجت من الدوالي والعمليات عملت العملية !! مش عارف بقا

يا باشا ربنا يوفقك مبدائيا ويرزقك بالي فيه الخير 
لكن اسف انت فيك كل العبر هتعدي من ايه ولا ايه ؟؟؟
النظر ضعيف + السنان مكسورة +عندك دوالي ع الخصية + تقديرك مقبول + لياقتك لسة هتظبها 
بص انت تقدم وتسيها علي الله

egyptian @rmy كتب:

يا باشا ربنا يوفقك مبدائيا ويرزقك بالي فيه الخير 
لكن اسف انت فيك كل العبر هتعدي من ايه ولا ايه ؟؟؟
النظر ضعيف + السنان مكسورة +عندك دوالي ع الخصية + تقديرك مقبول + لياقتك لسة هتظبها 
بص انت تقدم وتسيها علي الله

انت حسستني بفيلم الجميلة والوحش اه والله ,,,,, لا يا عم انا مش متدمر كده والله مش ميت اكلينكياً يعني بروح وباجي وبعيش وبتعايش زي بقيت خلق الله اه والله  

بص النظر مش ضعيف ده عادي عند اي حد في هندسة وخصوصا عمارة نظر وأتب كمان  السنان مش مكسورة كلها ده سنة وضرس ! الضرس الدكتور هيحشيه وهيكمل الكسر بسيط والسنة متظبطة
التقدير مقبول دي بقا مشكلة بس مش اوي لانهم طالبين تقدير مقبول فأعلى من تخصصات هندسة وطب واللياقة مش هظبطها اللي هوه خلاص في الضياع لا يا عم ده شهر تدريب وارجع تاني ان شاء الله زي الاول ( انا مهتم باللياقة من غري على فكرة )
مشكلتي في الدوالي بجد بس انا كده كده هعملها يعني هعملها مفيش مفر  السؤال انا مش عارف هتقبل وله لأ خصوصا اني مش عاوز اجيب واسطة ومش هجيبها انا عندي اترفض احسنلي !!

بص من الاخر عاوز تتقبل هات واسطة 
مفيش واسطة هتحصل حبايبك هنا 
الواسطة هتعديك من كل دا غير كدل تقديرك في ناس جايبة جيد وجيد جدا بيبقي الاختيار علي حسب الكفاءة يعني هما كدا كفائتهم احسن منك تقديرهم اعلي

انت جبت من الاخر والله ... لو واسطة وبكرسي بعجل هتعدي هههههه بجد انا عندي واحد قريبي زفت صايع وبايظ وساقط وحالته بلا وكان واخد مطوة في جنبه وسايبه علامة وبتاع ودخل الشرطة زي الفل بالواسطة .... الفكرة اني انا بستحرمها مش اكتر بحس اني باخد حاجة مش حقي

انت بتستحرمها غيرك مبيستحرمهاش وبيدخل بالواسطة وللاسف متلقيش حد بياخد حقه كله بيدخل بالواسطة وبياخد حق غيره

ما ده اكتر حاجة بتقلقني على مستقبل بلدنا والمستقبل بيد الله بس دي سياسة غلط في غلط ... انا معنديش مشكلة اني مقبلش انما المشكلة الكبيرة لما يرفضوا واحد بكفاءة ( وما اقصدش انا طبعا هههه ) ويتقبل واحد عديم الكفاءة والثقة عشان معاه واسطة