ما سمعتش قبل كدة عن حاجة أسمها الأحلام المشوشة
مجرد حجات بتفكر فيها وبتتخزن فى عقلق
وممكن تكون نسيتها .

الحجات دى كلها عقلك بيصورها ليك أثناء النوم .

وبصورة أدق هنا فى المنتدى
بتشوف مواضيع عن كون سلاح الجو بدون الأمرام ويقولك ان دى مشكلة
وتجد ردود ان لو طيارة أسرائيلى معاها الأمرام وطيارة مصرى معاه مش عارف أية
وكلام كتير كتير ويقولك فى النهاية علشان كذا كذا كذا  الموقف الأقوى
للطائرة الأسرائيلى !!

انت ممكن ترد وتدافع وتجيب مصادر وتبنى نتائج تهدم به السيناريوا بتاعه
لكن من جواك فى لحظة معينة أثناء قرائة الكلام بتحصل حالة قلق
وحالة عدم أئطمئنان ولو فى نسبة 1% خشية من أن يكون
هذا الكلام صحيح ..

هتلائى نفسك موتر ودة شئ طبيعى لأى واحد بيخاف على بلدة
انه يقلق من كلام زى دة .. وبعد كدة ممكن أنت نفسك تفنى الأسس
اللى بنى عليها أفتراضاتة وتتمكن من الرد على محاورك .. لكن لحظات القلق
دى بتتخزن فى عقلق الباطن حتى لو أنت نسيتها
وبتتراكم وممكن اوى تظهر فى صورة حلم .

_________________________________

لاحظ فى حلمك الأتى

1 - الطيران الأسرائيلى بادر بالهجوم على أرتفاع منخفض
سيناريوهات قرئتها فى المنتدى عشرات المرات .

2 - الصواريخ المصرية انطلقت بدورها وأسقطت الطائرات الأسرائيلية
كلام فى المنتدى عن قوة الدفاع الجوى المصرى .. تخيل لو كان الحلم دة لواحد سعودى
كان هيشوف الأف 15 والتايفون أنطلقت باعداد كبيرة أسقطط الطائرات الأسرائيلية

لاحظ ان سيناريوا الحلم بتاعك مجاش فيه ان الطائرات المصرية هى من تدخلت بالتصدى
لكن الدفاع الجوى المصرى هو من قام بهذا الدور .. دة كله عبارة عن معلومات المنتدى
اللى بتقرئها بتتخن فى مخك وبيصورها ليك فى صورة حلم .

حالة الشك وعدم اليقين موجودة سبق ان تعرضت لها
من مواضيع المنتدى والدليل فى رؤيتك للحلم ان قدرة صواريخنا على أسقاط
الطائرات الأسرائيلية لا يمكن أن تكون حقيقة  وان طائراتنا التى تسقط هى المقبولة
لان فى المنتدى سبق الحديث عن ضعف سلاحنا الجوى ودة طبعا كلام فارغ  ..

سياناريوا الحلم بالكامل هو عبارة عن ملخص للمواضيع السلبية
عن سلاح الجو المصرى فى منتدى الجيش العربى .

يا عزيزى هذا حلم مشوش هناك قلق بالفعل فى تلك الأيام
حديث عن عقوبات عسكرية وان امريكا هتوقف توريدنا للسلاح
وأن اوربا مش هتدينا سلاح وهتوقف المعونات ومعندناش امرام
وتلاقى واحد طالع يقولك سلاح الجو بتاعنا ضعيف .

 كل دة بيعمل تراكمات وهى بالأصل كلام فارغ .

___________________________________

سيبك من كل دة خليك واثق من نصر الله
وثقتك كبيرة فى قوتنا وصلابة جيشنا يا عزيزى جيشنا
قوى عتيد .. قوتنا العسكرية كبيرة وضخامة وتسليحنا يشهد له
العدو قبل الصديق وتذكر اننا بالميج 21 هزمنا الفانتوم

جيشنا تاريخيا هو مسطر للمعجزات العسكرية
هذة حقيقة واخرها تحطيم أسطورة خط بالريف

ولو رجعت من معارك طرد الهكسوس
الذى كانوا بيتمركزوا فى قلاع عبارة عن أسوار عالية قائمة على خنادق
وهذة معجزة عسكرية فى ذلك الوقت .. ستجد انه لا يختلف كثيرا عن صد التتار
ولا عن مواجهة الحملات الصليبية وصولا الى تحطيم خط باليف

نحن المصريين مقاتلين بالفطرة .

قال تعالى فى سورة محمد
(يا أيها الذين أمنوا ان تنصروا الله ينصركم ويثبت أقداكم )
يا عزيزى لا تقلق من نصر الله .. لازم يكون عندك أيمان فى دة

وطالما الحلم عن أسرائيل
عاوز تطمن نفسك أكثر واكثر
ربنا وعدنا بالنصر على بنى أسرائيل فى كتاب الله
أقرا فواتح سورة الأسراء

شوف الأية السادسة بتصف حالهم الأن
( ثم رددنا الكرة عليهم وأمددناكم بأموال وبنين وجعلناكم أكثر نفيرا ) أى ان الله
قبل وعد الأخرة لهم امدهم باأموال والبنين وجعهلم أكثر نفيرا أى أكثر جاهزية للحرب .. لكن
البشرى التى ننتظرها نحن الأن فى الأية السابعة ( ان أحسنتم أحسنتم لأنفسكم وأن اسئتم فلها فأذا جاء
وعد الأخرة ليسوءوا وجوهكم وليدخلون المسجد الذى دخلوه اول مرة وليتبروا ما علوا تتبيرا )
فواتح سورة الأسراء واحدها كافية لرفع معنواياتنا ففيها تأكييييييييييييييييييييييييييييد من الله
سبحانة وتعالى لنا بأن النصر حليفنا وهذا شئ غير قابل للتغير ولا التبديل فهذا هو قضاء الله
ان تكون الغلبة لنا ..

لو انت مؤمن بدة خلاص انتهت القضية .. فانت تعرف نهاية المطاف .