انا ارسلت لك رساله على الخاص ..لا اعلم ان ارسلت لان النت عندى بطىء جدا ..ارجو ان تخبرنا باكبر قدر من المعلومات عن هذه الرياضه ..بصراحه لا استطيع ان اكتب من الحماسه !!!

Night Baron كتب:

انا ارسلت لك رساله على الخاص ..لا اعلم ان ارسلت لان النت عندى بطىء جدا ..ارجو ان تخبرنا باكبر قدر من المعلومات عن هذه الرياضه ..بصراحه لا استطيع ان اكتب من الحماسه !!!

وصلت و مراكز التدريب بالقاهره فى النوادى الاتيه

الغابه

الشمس

الجلاء


و سيتم فتح فى نوادى اخرى هليوبوليس النصر و المقاولون

و بالاسكندريه قريبا ان شاء الله نوادى سموحه سبورتنج و الطيران

بالنسبه للتداريب بتختلف من نادى لنادى لكن الكورس الكامل بالقفزه بالجزمه(جزمه خاصه للصدمات) بيعمل حوالى 900 ج رقم تقريبى ممكن اغلى او ارخص على حسب النادى الى انتا فيه و السعر ده بيبقى شامل سعر القفزه 500 ج

اى معلومات تانى انا تحت امركوا.

الرياضه برعاية الاتحاد المصرى للمظلات و العاب الهواء


الاشتراك الاتصال بلاتحاد المصر للقفز بالمظلات
المستندات المطلوبة للانضمام هى
1- عدد 4 صورة شخصية
2- عدد 2 صورة شهادة الميلاد
3- سحب استمارة عضوية من الاتحاد بمبلغ 125 جنيه فقط
مع تمنياتى بالتوفيق

نمر الاتحاد لو عايزين اى استفسار للاستفسار 24172284 - 24181839 - 0118587640

اولا شكرا على المعلومات الجميله لكن انا هتقل عليك شويه , معلش انا استهوتنى الرياضه وتملكتنى الفكره ..طبعا اولا محتاج لياقه بدنيه وانا الحمد لله من ساعه ما دخلت كليه الطب المباركه ضاعت اللياقه وزاد وزنى ...فيه شروط بدنيه اولا ...ثانيا بدايه لازم اولا اشترك فى الاتحاد المصرى للمظلات؟؟؟ ليه هو انا هابقى بطل اوليمبى !!! ...وبعد كده اقدم فى احدى تلك النوادى ,الطبيعى ان المدربين هيبقوا عسكريين ,النوادى دى تبع الجيش؟؟؟ ..و مده الكورس قد ايه ؟ وهى قفزه واحده ولا ايه ؟؟؟؟ واهم حاجه بما اننا كمصريين بنعشق الشهادات الورقيه عشان نعلقها ..فيه شهاده؟؟؟؟

Night Baron كتب:

اولا شكرا على المعلومات الجميله لكن انا هتقل عليك شويه , معلش انا استهوتنى الرياضه وتملكتنى الفكره ..طبعا اولا محتاج لياقه بدنيه وانا الحمد لله من ساعه ما دخلت كليه الطب المباركه ضاعت اللياقه وزاد وزنى ...فيه شروط بدنيه اولا ...ثانيا بدايه لازم اولا اشترك فى الاتحاد المصرى للمظلات؟؟؟ ليه هو انا هابقى بطل اوليمبى !!! ...وبعد كده اقدم فى احدى تلك النوادى ,الطبيعى ان المدربين هيبقوا عسكريين ,النوادى دى تبع الجيش؟؟؟ ..و مده الكورس قد ايه ؟ وهى قفزه واحده ولا ايه ؟؟؟؟ واهم حاجه بما اننا كمصريين بنعشق الشهادات الورقيه عشان نعلقها ..فيه شهاده؟؟؟؟

لأ تعالى مفيش شروط بدنيه المدربين بيبقوا عاملين حسابهم على كده و انتا صدقنى و بأمانه بعد 5-6 تدريبات هتلاقى مستوى لياقتك ارتفع لأ مش لازم تشترك انتا تيجى النادى تدرب بتاع اسبوع و لا اسبوعين و الكابتن هيديك استماره تملاها و تعمل كشف طبى و تديه الصور و 125 ج و هوا هيخلص الاتحاد و ده حواره سهل و ليه كارنيه كمانو الحمد لله المدربين مش عساكر لكن هما واخدين شهادتهم كمدربين من ضباط فى الجيشو لأ فى نوادى تبع الجيش زى الجلاء و لكن الغابه و الشمس نوادى خاصه و بالمنسابه سواء تبع جيش او لأ انتا بتدفع للتمرين و بس لأن المظلات مش لازم تكون مشترك و الكلام ده الكورس بيبقى تقريبا شهرين و تاخود شهاده بأتمام دورتك ده كمان غير الكارنيه و بعدين بقى يا بطل بعد ما تستلم الشهاده بيبقى من حقك تقفز القفزه الى نفسك فيها ياعنى لو فيه 4 قفزات فى السنه ممكن تقفز الاربعه بس قبل كل قفزه الكابتن بيكلمك تيجى تتمرن اسبوع عشان تفتكر

شكرا جزيلا على المعلومات الجميله ..فيه امراض معينه تمنع من القفز بالمظلات ..الحساسيه الصدريه مثلا ..والشكل العام لتدريبات القفز بالمظلات عامل ازاى ؟؟؟؟ كورس التدريبات شهرين غير القفزه اليس كذلك ؟؟؟؟..تنصحنى بأى نادى فيهم ؟؟؟؟..التدريب ليه مواعيد معينه فى السنه ولا طول السنه ..لان مش هينفع الا الاجازه ..والقفز بالمظلات ليه مسابقه ؟؟؟؟على اساس ايه الفوز ..انا عارف انى تاعبك معايا , وممكن اقعد اسأل اسئله للسنه القادمه ..اساسا حماستى انى كنت اتمنى طول عمرى اكون طيار ..للاسف سأصبح طبيب بدلا من ذلك ..فعلى الاقل ان المس جسم الطائره معشوقتى واصعد معها درجات سلم الارض لاحلق عاليا ...يااااااااه فعندى احساس بالدنيا كلها ..وانت اكيد جربت القفز بالمظلات ,شعورك ايه اثناء القفز ؟؟؟؟؟...اشعر بالحماسه لمجرد التفكير فى الامر كما لو اننى مراهق حالم

شكرا جدااا على المعلومات اللى قدمتها عن الرياضة دى

و كالعاده يبقى الصعيد مهملا و مدفونا دائما و به كل معظم المواهب و الجواره^^

Night Baron كتب:

شكرا جزيلا على المعلومات الجميله ..فيه امراض معينه تمنع من القفز بالمظلات ..الحساسيه الصدريه مثلا ..والشكل العام لتدريبات القفز بالمظلات عامل ازاى ؟؟؟؟ كورس التدريبات شهرين غير القفزه اليس كذلك ؟؟؟؟..تنصحنى بأى نادى فيهم ؟؟؟؟..التدريب ليه مواعيد معينه فى السنه ولا طول السنه ..لان مش هينفع الا الاجازه ..والقفز بالمظلات ليه مسابقه ؟؟؟؟على اساس ايه الفوز ..انا عارف انى تاعبك معايا , وممكن اقعد اسأل اسئله للسنه القادمه ..اساسا حماستى انى كنت اتمنى طول عمرى اكون طيار ..للاسف سأصبح طبيب بدلا من ذلك ..فعلى الاقل ان المس جسم الطائره معشوقتى واصعد معها درجات سلم الارض لاحلق عاليا ...يااااااااه فعندى احساس بالدنيا كلها ..وانت اكيد جربت القفز بالمظلات ,شعورك ايه اثناء القفز ؟؟؟؟؟...اشعر بالحماسه لمجرد التفكير فى الامر كما لو اننى مراهق حالم

لأ و لا يهمك بص بالنسبه للحساسية الصدر انا معرفش بس الحاجات ديه هتبان فى الكشف الطبى و بالنسبه للنوادى يا سيدى الجلاء و الشمس قافلين التسجيل دلوقتى لذا لو هتلعب عليك بالغابه انا عن نفسى فى الغابه بقالى شهر و نص تقريبا التمارين بتبقى بالاسبوع تلات مرات فى الاسبوع كل مره فى حدود ساعتين و بتاخود الدوره شهرين و ممكن لو عايز تحافظ على لياقتك تدرب باقى السنه القفز بالمظلات ليه بطولات و منتخب و فيه ان شاء الله بطولة الجمهوريه هتبقى فى شهر 2 2012 و بتبقى عباره عن قفزه و لياقه بدنيه هكذا بيتم تقيمك و مش تاعبنى معاك و لا حاجه انتا زى انا باردوا نفسى اطلع طيار و بحب المخاطره جددددا جدا عشان كده هتلاقينى راشق فى اى حاجه زى ديه و ممكن كمان يا سيدى لو ليك فى الطيران اقولك خبر جامد اخر حاجه انا نادى الهوئيات تقريبا فى مطار 6 اكتوبر و لو عايز تطلع رخصة طيران هواه بتبقى عباره عن 12 ساعه طيران 6 شراعى و 6 محرك و النادى بيفتح كل يوم جمعه من الساعه 11 لحد مغيب الشمس و ممكن طبعا بعد ماتخلص كليتك تتعلم طيران لمدة سنه و نص و تتخرج تبقى طيار لأن الطيارين ملهومش سن محدد و معظم الناس بيخوشوا بعد الجامعه و اى استفسار تانى انا تحت امرك.

انت بتتدرب فى الغابه تمام ,اولا نادى الغابه فين بالظبط لانى مش من ابناء القاهره بدرس في جامعه القاهره وبس؟؟؟؟تقييمك ايه لنادى الغابه ومدربك على مقياس من 1 الى عشره ؟؟؟ هو فيه عدد كبير بيروح التدريبات ؟؟؟هتعبك معايا وتسألى ساعه الكشف الطبى الخاص بك او الطبيب اللى كشف عليك على الحساسيه الصدريه تمنع او لا ؟؟؟؟؟؟؟ وتسألى على ميعاد فتح التدريب من جديد ؟؟؟تدريباتك ساعتين فى اليل ولا النهار اصلها تفرق ؟؟؟الشكل العام للتدريبات عامل ازاى يعنى بتتدرب ازاى ؟؟؟ كورس التدريب دفعت كام ؟؟؟؟؟؟ المظله بتشتريها ولا ايه ؟؟ولا الحذاء فقط ؟؟؟؟؟؟؟؟انا عندى فضول ممكن اسألك لغايه ما تتعب !!!!!!!!!!همتك معانا بقى يا بطل...وانا اخترتك اكثر مراقب استفدت منه ولسه شويه وهيكون عندى تقييم وهقيمك ..وعلى فكره انا حفظت لينك الموضوع على المودزيلا عشان لما احتاج المعلومات استرجعها تانى .

Night Baron كتب:

انت بتتدرب فى الغابه تمام ,اولا نادى الغابه فين بالظبط لانى مش من ابناء القاهره بدرس في جامعه القاهره وبس؟؟؟؟تقييمك ايه لنادى الغابه ومدربك على مقياس من 1 الى عشره ؟؟؟ هو فيه عدد كبير بيروح التدريبات ؟؟؟هتعبك معايا وتسألى ساعه الكشف الطبى الخاص بك او الطبيب اللى كشف عليك على الحساسيه الصدريه تمنع او لا ؟؟؟؟؟؟؟ وتسألى على ميعاد فتح التدريب من جديد ؟؟؟تدريباتك ساعتين فى اليل ولا النهار اصلها تفرق ؟؟؟الشكل العام للتدريبات عامل ازاى يعنى بتتدرب ازاى ؟؟؟ كورس التدريب دفعت كام ؟؟؟؟؟؟ المظله بتشتريها ولا ايه ؟؟ولا الحذاء فقط ؟؟؟؟؟؟؟؟انا عندى فضول ممكن اسألك لغايه ما تتعب !!!!!!!!!!همتك معانا بقى يا بطل...وانا اخترتك اكثر مراقب استفدت منه ولسه شويه وهيكون عندى تقييم وهقيمك ..وعلى فكره انا حفظت لينك الموضوع على المودزيلا عشان لما احتاج المعلومات استرجعها تانى .

و لا تاعبنى و لا حاجه بص يا سيدى نادى الغابه هتكون صلتك الوحيد بيه التراك لأن ده مكان التدريب و النادى فى مصر الجديده ميدان ترايمف بالنسبه للمدرب على العموم هما اتنين مدربين مش واحد و الاتنين بسم الله ما شاء الله ناس متميزه جدا فى شغلها و لو روحت اى نادى تانى هتلاقيهم باردوا بيدربوا فيه تقيمى هيبقى 10 من 10 و اعداد الناس بيبقى على حسب كل دوره ياعنى انتا بتخلص دورتك و تقفز ز لو حبيت تتمرن تانى لياقه و جرى و النظام ده اهلا و سهلا فى الدوره الحاليه فيها حوالى 10-12 شخص فى التدريب و لو الدورات القديمه انضمت لينا عشان فى قفزه او اى حاجه ممكن العدد يوصل 60-70 فى الحدود ديه التدريبات بتبقى كالاتى جرى بيبقى حوالى ساعه الا ربع 8-12 لفه فى التراك و ده 400 متر ياعنى حولى 5 كلم جرى منهم كيلو هتفتحه سبرينت و بعد كده و انتا جسمك سخن بتشتغل لياقه بدنيه ضغط و بطن و اطاله و الكلام ده و بعدين عوقله و بعد كده راحه تلت ساعه و بعدين تدريبات الارض ياعنى ازاى تنزل من الطياره ازاى تتعامل لو الباراشوت مفتحش و ازاى تستقبل صدمة النزول على الارض و تمتصها و التمرين بيطلعك عصب و عضلات عشان تقدر تتحكم فى الباراشوت لأن وزنه تقيل كورس التدريب نفسه ب100 ج لمدة شهر (ممكن تزود انتا عن شهر) و الاشتراك فى الانحاد ب125 ج و القفزه ب500 ج و الحذاء ده بس الى بتشتريه بيبقى بحوالى 75 الى 100 ج المظله بتستلمها فى مطار شرق(المطار المخصص للقفز) و منطقة القفز بتبقى فى طريق مصر اسماعليله جنب العبور كده و التدريبات بتبقى بليل من 7 الى 9 ايام الثلاثاء و الخميس و الجمعه

بالنسبه لموضوع حساسية الصدر انا عندى تدريب انهارده هسألك الكابتن و لو عايز تبدأ فى مجموعه من المبتدأين هيبدأوا الجمعه الجايه

تقييم ليك يا كبير+++++ على الموضوع الجميل ..اعتقد ان كل واحد هيقرأه هيستفاد ..جزاك الله خيرا على مجهودك معانا

انا عايز اسال سوال انا لابس نضارة عادى يعنى ولا ايه

وكمان انا عندى 16 سنه عادى بردوه

mahmoud kassem كتب:

انا عايز اسال سوال انا لابس نضارة عادى يعنى ولا ايه

وكمان انا عندى 16 سنه عادى بردوه

عادى و السن مناسب و اه فكرتنى بالنسبه للشباب الى فى سنك و ثانوى ليهم 4% حافز رياضى لو دخلوا بطولة الجمهوريه.