السلام عليكم ورحمه الله وبركاته
اولا انا اعيز اعرف نظام اكاديميات التأهيل العسكرى اد ايه هاتفيدنى
و هاتأثر على دراستى علشان انا فى 3 ثانوى وعلمى رياضيات :P
ولا هى نشاطها صيفى لغايه التقديم
وهيفيدنى اكتر لو يرد عليا واحد كان فيها
انا طولى 180 ووزنى مابين 65 و 70
العقله ممكن اجيب 10 و البطن ماتعدش
بس للاسف بعمل 25 ضغط بالعافيه اول ما اقوم من النوم بس مش عارف ليه !!!
وانا ان شاء الله عايز ادخل الكليه الجويه ولو مدخلتهاش ممكن انتحر
وشكل اهلى هما اللى هيخلونى انتحر علشان بيحبطونى ... مش رافضين بس بيحبطونى وخلاص
وياريت حد يرد عليا حتى لو ادى رأى
شكرا.

ياريت حد يرد عليا ان شاء الله يكح حتى !!

http://www.wabacademy.com/

لو تم قبولك جوية ستكون فى المروحيات لسبب طولك او ان تكون مراقبل جوى او  اى عمل من تلك الاعمال لان المقاتل يشترط فيه ان يكون قصير القامة ليتحمل المناورات العالية 

او اذا رسبت فى الجوية سيتم تحويلك مباشرتا الى الكلية الحربية و اذ كنت علمى رياضة يمكنك ان تقدم فنية عسكرية و اذا قبلت ان شاء الله سيكون لك فرصة ان تكون مهندس طيران 

لاكن بالنسبة لوزنك فيفضل انك ترفعه 5 : 10 كجم 

ربنا يوفقك 

فى امل انك تكون طيار لاكن اقدر اقولك بنسبة تصل الى 40 % ان شاء الله لما تدخل الجوية لاكن لا ترمى عليها امل كبير 

ثانى حاجة ان المقاتلين يكونوا اول الدفعة و نادرا لما يكون اول الدفعة يختير ليكون غير مقاتل يعنى حسب مجموعك فى الكلية و قال هذا الكلام اللواء طيار احمد الجواهرجى

اقتباس :

إلتحقت بالكليه الجويه سنه 1960 , و تخرجت و أنا عمرى عشرون سنه  و كنت الأول على الدفعه فى الطيران و الثانى فى الترتيب العام ( الدفعة 14 طيران  ) و تم توزيعى على تشكيلات القاذفات ، و لها حكايه .

عاده من يوم إنشاء كليه الطيران و حتى الآن  دائما أول  الطيران يتم توزيعه على  المقاتلات ، و قد فوجئت  قبل التخرج بحوالى شهر  (وأنا فى نهائي ) سنة 63 بطائرة ضخمه كبيره جميله شكلها مرعب تهبط عندنا في قاعده بلبيس  وعندما تسائلنا عنها ،

أخبرونا بأنه قائد لواء القاذفات TU 16 المقدم / محمد حسني مبارك ، جاء لينتقي الطياريين اللذين سيتم ضمهم تحت لوائه في القاذفات  ( كانت الـ TU 16  وصلت مصر عام 62 )  ، و بعد أن إنصرف ،أستدعاني مدرسي و قائد السرب / وقال لى(إنت أول الدفعه و حسني مبارك حياخدك في القاذفات )، فحزنت جداً و توجهت إلى كبير المعلمين أساله ( حصل كذاو كذا ) !!! قال لي بالفعل هو محتاج طيارين مستواهم في الطيران عالي وهو كان مدرس فى كلية الطيران  وجاء لكي يختار أسماء الطيارين الذين سيأخذهم و كان إختياره اول الدفعه هذه السنه و قال لى ” إنت مستواك مرتفع ً  و مستقبلك في المقاتلات ” FIGHTERS ”  و ما الداعي لذهابك لتشكيلات القاذفات ؟.

والدي   لواء طيار / محمد صادق الجواهرجي تقلد عده مناصب .

 قائد لواء لانكستر( قاذفات)  / قائد لواء الكوماندو(مواصلات) و بدأ حياته فى سلاح الطيران الملكى فى أسراب الجلادييتور(المقاتلات) ، و في فتره تخرجى كان رئيس شعبة العمليات في القوات الجويه ( رئيس شعبة العمليات في الوقت ده كان الكل فى الكل)

و أشار علي كبير المعلمين بأن أطلب من الوالد التدخل فى أعاده توزيعى و الموضوع لن يكلفه سوي مكالمه تليفونيه ، فذهبت إليه و أخبرته بما حدث (( تم توزيعى على القاذفات و مش ده مستقبلي..))  و فؤجئت به بيقول  لي” أن الخيرة فيما إختاره الله ” و نصحني  ” إن ما يريده الله هو ما سيكون و ليس ما تريده أنت فلا تحاول إن تسيطر أنت على قدرك دعه لأنه ملك لله . الله يرحمه 

من المجموعة 73 مؤرخين

73 مؤرخين

قدم و لو ربنا كاتب ليك انك تكون طيار هتكون طيار مهما كان لاكن ثق دائما ان الله  كاتب لك الخير سواء اذا كنت طيار او ضابط عادى و على فكرة انت ممكن تدخل كلية حربية و ممكن اى كلية اخرى سواء عسكرية او مدنية و صدقنى ان انك مش هتدخل كلية الا و ربنا كاتبلك انك تدخلها مهما كانت الظروف او العقبات لاكن اهم شئ توكل على الله 

طيب الكلام ده قديم اوي حاليا يتم تحديدك طيار مقاتل او مروحيات او نقل او مراقبة حسب الكشف الطبي 

تاني حاجه الطول ملوش اي علاقه وانا متاكد من كلامي بنسبة 100% واحد طوله 185 سم واترشح طيار مقاتل وهو دلوقتي في سنة 2 جوية الدفعة 82 جوية

لكن للاسف فيه اشاعه ان الكلية الجوية لازم يكون اقل من 170 وده ملوش اي اساس من الصحة كل ما في الموضوع انها بتسمح لمن هم اقل من 170 سم بالدخول وده مش معناه ان اللي اعلى من كده ميدخلش المهم اللياقة الطبي هو ده الفيصل واللي هيتحدد عليه طيار ولا مراقب

اما الترشيح من الحربية اللي اقل من 170 بيترشح جوية لانه ملوش اي امل غير الجوية لان كله بياخد اعلى من 170 

اما اللي طوله اكبر من 170 هيكمل حربيه لحد النظر لو كان 6/6 في كل عين هيترشح جوية وهيروح يعيد الكشوفات من الاول تاني في المجلس الطبي الجوي وفي الاخر هيروح يقف قدام طبيب كبير بيقرا نتايج الطبي بتاعه وبيكلم معاه شوية وبعدين يحددله اذا كان مقاتل او مراقبه او .. الخ ويعتمد نجاحة في الكشف الطبي الجوي وبعدين يكمل باقي الاختبارات 

ربنا يوفقك

اتمنى ان يكون كلامك صحيح فكل ما انا قلته كان على غرار كلام اللواء الجواهرجى فانا اتمنى ان يكون كما قلت و ادعو الله ان يوفقه 

لاكن حاول ان ترفع لياقتك البدنية اكبر من ذلك و التحق بمركز تاهيل كالروبى مثلا او المركز الرياضى الدولى 

توكل على الله و هيكون ربنا معاك ان شاء الله 

معنديش فكره والله انا جايب الكلام ده من صحبي اللي في جوية مسالتوش عن التحويل لحربية بس تقريبا من حقك انك تطلب ترجع حربية لان الدكتور اللي بيمضيلك في الاخر وبيحددلك انت وضعك ايه بيتكلم معاك ويقولك مثلا عايز تبقى طيار ليه ويدردش معاك شوية فا ممكن انت تقوله انك عايز حربية بس مش متأكد الصراحة ممكن يتوافق على طلبك ولا لأ

Egypt 777

تمام ؛ بس ممكن قصد اللواء طيار عالمقاتلات مش قاذف هو قال ان الاول بيختاروه مقاتلات زي mig 21 مثلا وبعد كده اللي اقل منه بيتوزعوا مثلا على القاذفات زي F4 و TU 16 لكن في الاخر طيار مقاتلات او قاذفات تصنيفه طيار مقاتل من وهو في الكلية

لا اخى انا قرات كلامه و حكايته كلها هو قال انه بعد التخرج و ان تخرج الاول على الدفعة جاء المقدم محمد حسنى مبارك رئيس الجمهورية فيما بعد و هو الان رئيس سابق و اختاره قاذفات مع انه كان من حقه ان يكون مقااتلات 

ايوه ماهو الطيار المقاتل ممكن يبقى على طائرات قاذفات او مقاتلات او متعددة المهام بس في الاخر اسمه طيار مقاتل علشان مفيش حاجه في قسم الطيران في الكليه اسمه طيران قاذفات هم 3 بس طيار مقاتل ؛ مروحيات ؛ نقل