أهلا وسهلا بك زائرنا الكريم، اذا كانت هذه زيارتك الأولى للمنتدى، فيرجى التكرم بالاطلاع على القوانين بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة المواضيع التي ترغب.
موضوع: تفاصيل كشف الهيئة فى حلمية الزيتون : السبت 15 ديسمبر 2012 - 22:15
تفاصيل كشف الهيئة فى حلمية الزيتون :
بص يا سيدى اقولك على اللى حصلى مع شويه نصائح كدا تساعدك 1- املا الورق اللى انت خدته من منطقه التجنيد و مش لازم التفاصيل الممله و انا اقصد حكايه العمات و الاعمام و الخلات و الاخوال و تواريخ ميلادهم اضرب اى تواريخ بس فى المعقول لان الورق ده مبيبصشى فيه اصلا 2- روح براحتك يعنى و لا واخرى اوى و لا بدرى اوى يعنى على 8:30 كدا و هتلاقى عالم هناك من 7 او قبل 7 كمان بس طبعا هيكشف و هيتنيه قاعد لحد الساعه 10.30 لحد ما اللوء يجى علشان المقابله 3- تقدر تاخد موبايل معاك عادى و هتسيب البطاريه بتاعته فى الامانات اللى هناك علشان تبقا تطمن اهلك 4- نيجى للمهم و هو الكشف طبعا هتخوشوا صاله كبيره بها حوالى 15 صف و فى الصف حوالى من 50 كرسى و الكشف هيبداء من الصف الاخير و هيدخل دكتور شاب كدا و يقعد يقول شويه تعليمات كلاتى الكشف ده للجميع سواء لجنه عليا او غيره ( يعنى اللى واخد لجنه عليا هيكشف عادى زى اللى مش واخد ) و الكشف ده اخر فرصه للى بيشتكى من حاجه يقول عليها و شويه كلام تعبان و هيجى رتبه و بعد ما الدكتور ما يخلص هيقولكم كل واحد يقلع هدومه و يحطها على الكرسى اللى قاعد عليه و يقعد ساكت و طبعا هيحاول يصطاد واحد او اتنين منكم بيكلموا او لسه مقلعوش و هياخد الورق بتاعهم و يقطعه علشان الباقى يخاف ( و نصيحه اقلع على طول علشان متسمعشى كلام وحش من نوعيه انتى مكسوفه يا حلوه و كدا يعنى )و طبعا تعمل حسابك تكون رايح بشورت نص بدل ما تفضل قاعد مستنى دورك بالبوكسر او الشورط القصير و الجو هيبقا تلج و ممكن يرخم و يشغل المراوح اما الكشف بقا يا سيدى فهو اى كلام فاضى و كرواته و مفيش مقارنه بينه و بين الكشف اللى فى المنطقه و طبعا هتطلعوا صف صف و الصف يحتوى على حوالى 50 او 40 واحد و مش هياخد دقيقه فى الكشف و على فكره اماككن الكشف هيكون امام الغرف اللى فى الصاله يعنى الكشف هيبقا قصاد الكل يعنى سايبين مسافه امام الصف الاولانى و حاطين طرابيزات و الدكاتره وراها هتطلع تروح عند البطنه و القلب و الصدر طبعا الدكتور هيمضى لائق حتى لو بتشتكى من اى حاجه تمشى خطوتين بالجنب تلاقى طرابيزه الرمد طبعا اى واحد كان حاطط امل يطلع رمد ينسى خالص لان لو مابتشوفشى هيديك لائق لان ناس معانا -4 و خد لائق ازاى مش عارف و طبعا هيحطلك قطره و هيخليك تلف و تخش من جار الطرابيزه و تخش الغرفه هناك دكتور رخم بيدى كله لائق فى الرمد الكلام ده للى هيشتكى من الرمد اما لو ما بتشتكيش هيمضيلك لائق و يقولك خش على الطرابيزه اللى جارى اللى هى انف و اذن هيمضيلك لائق على طول حتى لو قلتله انك عندك ودن مخرومه هيقولك طيب مانت بتسمع بالتانيه اهوه و هتخش على الطرابيزه اللى جاره و دى اللى هى الجراحه و الدكتور هيسئلك بتشتكى من حاجه فى الجراحه لو قلت لا هيمضى لائق و يقولك خش على الطرابيزه اللى جارى اللى هى عظام و تخلص على كدا يعنى ولا هتقلع تانى ولا حاجه اظن فاهمنى . اما لو اشتكيت هيخليك تعدى من جار الطرابيزه و يدخلك للدكتور تكشف و زى ما انا قلت الطرابيزه اللى بعد الجراحه هى العظام و نفس الحكايه هتحصل بتشتكى من حاجه لو قلت اه هيدخلك الغرفه تكشف غير كدا هيمضى لائق و الطرابيزه اللى بعدها هى النفسيه بيمضى لائق و فيه كمان طرابيزه للجلديه و واحده كمان للاسنان بس كلهم اى كلام و بيمضوا لائق و بعدين يسمعوا انت بتقول ايه و هتلاقى نفسك وصلت لحد الجدار هناك واحد هيختملك الورق الصفرا و الحمرا و يقولك البس علشان تروح تكشف هيئه شويه ملحوظات مهمه على الكشف - اى حد رمد يعرف انه هياخد لائق مهما كانت الاسباب - الحاجه الوحيده اللى ممكن تخليك تاخد اعفاء هى العظام و الجراحه يعنى لو دراعك كان انكسر من زمان قوله كان انكسر و لسه بيوجعنى لو شيلت حاجه او لو عملت اى عمليه عظام عيش عليه او تقوس فى حدود 10 سم بيطلع و الجراحه طبعا اى حد عنده بثور او اى حاجه هيطلع على طول حتى لو كشف فى المنطقه و خد لائق غير كدا مفيش حاجه هتطلعك - اى حد عنده حروف يقول لدكتور النفسيه هيكتب له لائق ب يبقا عسكرى على طول - اى حد سنانه مش راكبه على بعضها او عنده ضب كبير و طالع بره او فكه السفلى امام فكه العلوى يقولهم و هياخد اعفا - اى حد معاه اشعه او تحاليل او اى حاجه تثبت اى حاجه عنده ياخدها معاه
اما كشف الهيئه هتقفوا فى صف و هيجى عسكرى قصير رزل هيرخم عليكم رخموا عليه طالما محدش غيره واقف و سيبك من اللى بيقوله اما لو لاقكم خوفتم منه هيقعد يرخم عليكم لحد ما تدخلوا الصاله التانيه اللى فيها مكتب القائد هتخشوا الصاله دى و هيتلم منكم ورق 110 جند علشان يرتبه بترتبكم على الكمبيوتر علشان لما تخش عند القائد تظهر بيانتك عنده و هيعدى عسكرى يدبسلك الورق لو مكنشى ادبس اللى هو الورقه الصفرا و وثيقه التعارف و بطاقه ترشيح ظابط احتياط و هيعدى عسكرى تانى هيلم الورق ده يمضيه و يرجعوا يقعدوكم بالترتيب فى نفس الصاله على حسب 110 جند ما اتلمت يعنى سلم الورقه ورا زمايلك اللى عايز تخش معاهم الهيئه و انتوا داخلين الصاله و متقفشى فى اول الصف علشان هيخلوك تلف تلم اى حاجه من اللى فى صفك ماعدا 110 طبعا خليها على جنب هتخشوا طبعا غرفه كشف الهيئه هتلاقى اللواء رئيس الكليه قاعد و قصاده شاشه تاتش و جاره رتبتين و واحد من المخابرات علشان هو الوحيد اللى لابس بدله هتقول اسمك و طولك و وزنك فقط لاغير و لو سائلك على حاجه رد على قد السؤال فقط و هيعلم على الشاشه قصاده و يمضى على الورق اللى كان اتلم منكم و هتطلع تختم 110 جند و تروح بيتكم بالسلامه ان شاء الله و متنساش تاخد بطاريه الموبيل لو كنت حاططها عندهم فى الامانات شويه ملاحظات بردك على الهيئه - غالبا بيكون على يمين الشاشه عسكرى و الشمال ظابط يعنى لو ضغط على الشاشه ناحيه اليمين هتبقا عسكرى اما الشمال ظابط و الله اعلم - اى حد وزنه زياده عن 100 او 95 او حتى 90 هيبقا عسكرى الا اذا كان طويل و الوزن ماشى مع الطول - اى حد خد لائق ب ماعدا التخصص هيبقا عسكرى و النهارده كنا هندسه المنوفيه و طنطا و الزقازيق و الاسكنداريه و طبعا ندهوا على التخصصات اللى كانت مطلوبه و دخلوهم الاول و ورا بعض و طبعا انا مدنى و مش مطلوب و دخلت مع حوالى 20 واحد فى الاوضه واقفين صفين و كان بيضغت لكله يمين ماعدا واحد بس و طبعا كان فينا التوخان و اللى واخدين لائق ب و اللى عنده تحاليل يعنى عساكر ان شاء الله و طبعا كنت عملت حاجه كدا فى الكشف علشان ابقا عسكرى ** اخر نقطتين - اى حد عايز من تجاره او حقوق او اى كليه و عايز يبقا ظابط و لو ابوه او امه ظابط داخليه او فى الشرطه او الجيش و لو حتى على المعاش يخليه يجبله جواب من شغله و ياخده معاه و دول لو عدوا الطبى هيبقوا ظباط بنسبه كبيره اوى و بردك اللى هيبقا معيد يجيب قرار تعينه هينزل عسكرى و هيختمهوله هناك لحفظ الوظيفه - اى حد ابوه امه اخوه اخته عمه عمته خاله خالته متجوز من اجنبيه او معاه الجنسيه يصور الجواز بتاعه او ياخد منه اى حاجه تثبت صحه كلامه و مبروك عليه الاعفا - اى حد ابوه جماعات او اخوه او عمه او خاله حتى لو كان زمان و معاه اى اثبات مبروك عليه الاعفا او حتى من غير اثبات يقولهم هينزلوه على الاقل عسكرى حاجه اخيره نسيتها انه و انتوا قاعدين فى الصاله قبل كشف الهيئه هيقوللكم اى حد عايز يبقا ظابط ياخد ورقه يمكتب فيها بياناته و ارغب و طبعا محدش خد الورقه دى غير 2 بس من اللى كانوا قاعدين معانا من حوالى 60 او 70 شخص
موضوع: رد: تفاصيل كشف الهيئة فى حلمية الزيتون : الإثنين 23 سبتمبر 2013 - 21:36
بالنسبة لكشف الاسنان هل الاسنان الامامية المكسورة ياخد اعفاء ؟ والغير لائق في الكشف دا بيطلع اعفاء ولا بينزل عسكري ؟ سؤال تاني معلش انا عندي مشكلة في الكلية ومعايا اشعة وتحاليل ,, مشاكل الكلية تطلع ؟ شكرا
موضوع: رد: تفاصيل كشف الهيئة فى حلمية الزيتون : الثلاثاء 24 سبتمبر 2013 - 4:45
tetoeko كتب:
طيب النظر كام ؟ وهل بيجمعوا الاستجماتيزم علي الضعف ؟
الاستجماتيزم تقريبا مبيخرجش ولا بيبصو عليه ! انا قريت ان اللى عنده 3 المفروض يخرج و انا عندى عين 3.5 و عين تانية 3 المهم قولت يمكن 3.5 دى مش باينة قابلت واحد عنده 5.5 و مخرجش ! تخيل تقريبا الكشف بتاع العدسه اللى بيعملوة دا مبيبينش الاستجماتيزم
موضوع: تفاصيل كشف الهيئة فى حلمية الزيتون : 
السبت 15 ديسمبر 2012 - 22:15
