بدون اطالة ان شاء الله عندى كشف طبى للتجنيد الشهر الجاى 
المشكلة:
انا كان عندى قطع كامل فى وتر اكيلس وكان حصل فجوة فى الوتر بسبب تأخر العملية 5 سم..
المهم الدكتور محذرنى من اى مجهود على رجلى ...عشان ميحصلش التهابات او اقطع تانى لا قدر الله فى الوتر
المهم انا مش عارف هل الكلام ده يخرجنى من الجيش ولا لا؟وهل هما بيقدرو حاجة زى كده
واخد معايا الاشاعات والتقارير الطبية وانا رايح الكشف ولا ملهاش لازمة؟؟؟؟؟
ياريت ياجماعة حد يرد عليا وشكرا مقدما
والحمد لله على كل شىء

KeMoZ كتب:

لو الدكتور اللى بيكشف عليك شايف ان حالتك متستحملش المجهود ولا التعب

مش هتخش الجيش القرار الاول والاخير للدكتور اللى هناك :)

شكرا علىى الرد
اتمنى انه يقدر ان شاء الله
اخد معايا الاشاعات والتقارير اللى عاملها بره ولا ملهاش لازمة؟

اول كشف طبي لك سيكون في منطقه التجنيد وسيكون كشف غير دقيق اي في حاله ان كنت تشتكي من شئ ظاهر سيتم تحويلك علي التخصصي ومن ثم تحويلك علي لجنه عليا ولكن ان كنت تشتكي من شئ غير ظاهري في هذه الحاله تحتاج الي اشعه وتحاليل ولكن للعلم القوات المسلحه لا تعترف بأي اشعه او تحاليل الا ان كانت من مستشفه عسكري لذلك فبعد تحويلك الي لجنه عليا سيتم تحويلك الي مستشفي عسكري لاجراء الاشعه والتحاليل اللازمه
ولكن ان لم تحصل علي لجنه عليا (وهذا يحدث كثير خصوصا ان كانت شكواك غير ظاهره) قم بعمل تظلم  في حاله ترشيحك ضابط (بعد سماع الارجاء )ستقوم بتقديم التظلم في حلميه الذيتون اثناء كشف الهيئه
ولكن ان رشحت جندي ستقوم بعمل تظلم من منطقه التجنيد وان رفض هذا التظلم اذهب مباشرة الي حلميه الذيتون بالقاهره وقم بعمل تظلم

بعض النصائح ( قم بتصوير شهاده الميلاد والمؤهل الدراسي والبطاقه الشخصيه 5 صور   واحضر معك بعض الصور الشخصيه بالاضافه الي الاشعه والتحاليل وايضا حلاقه الشعر والذقن جيدا وان لم تقم بذلك سيتم حلاقه شعرك داخل منطقه التجنيد

Islam Fawzy
شكرا على الرد...استفدت جدا منه 
وربنا يسهل ان شاء الله