بعد أجتماع مجلس امنة اعضاء المنايفة بالمنتدى
قررنا بقبول أعتزارك والعفو عنك .. ودة بيدلل على
مدى رقى الأعضاء المنايفة وسعة صدرهم .
    

وانت اكثر يا غالى والله
وعلى فكرة أنا بهزر طبعا

بس قوللى أيه جو الوداع دة ؟؟
انت ناوى تسيبنا ولا أية ؟؟

هكلمك بمنطقى الخاص

أنا حاليا بحضر دراسات عليا فى الأثار
ووقتى مضغوط جدا ومشغول جدا

وعندى أولويات واضحة
والطبيعى ان دخولى على المنتدى هيكون فى وقت الفارغ
على مدد بعيدة نوعا ما .. وممكن تلاحظ فى الأونة الاخيرة أن دخولى للمنتدى
صار قليل نوعا ما .

فى الفترات القادمة هيكون دخولى أقل نظرا لتعمق الدراسة
وممكن أنقطع عن المنتدى لفترة .

الموضوع بالنسبة لى حسب الأولويات
والمنتدى تصنيفة فى اولوياتى هو شئ ترفيهى
زى ما فى ناس بتحب ترفة نفسها بالمسلسلات والأفلام
وفى أخرين بيرفهوا عن نفسهم بمشاهدة المسرحيات وفى
اللى بيحب يتفرج على المصارعة أو الملاكمة أو غيره

هو المنتدى بالنسبة لى " متعة " بتشبع رغبتى الترفيهية
لكن هناك أولويات بالنسبة لى تجعلنى أتخلى عن جانب المتعة والترفية
مثل الدراسة .

وكذلك أنت وحدك اللى تضع ترتيب أولوياتك
وانت عارفك مصلحتك فين .. لاحظ أننا فى العالم الوهمى
لا أحد منا يرى الأخر ولا أحد منا أحتك بعلاقة مع الأخر عن قرب
كل ما يربطنا سلسللة شخصيات وهمية تععودنا عليها وهذا هو طبيعة
هذة البيئة " الوهمية " .. بمعنى ( هذا المكان ) أى العالم الوهمى  لازم يكون
رقم 2 فى ترتيبات الأولوية لنفسك ودة بالنسبة لأكثر شخص
أرتباطا بالشبكة العنكبوتية عموما .


الهدف نم هذا الكلام
قرارك فى ترك المنتدى أو تقليل ساعات تواجدك فى الكمنتدى
او أستمرار تواجدك فى المنتدى على الوضع الحالى

قائم على ترتيبك لاولوياتك .

وفى النهاية تحياتى لك يا عزيزى
 ولأهل راقودة كلهم ..



كابوو

المفروض انك أسكندرانى وتعرف أكتر منى

بص يا غالى

راقودة دى تسمية ظهرت فى كتابات المسعودى والمقريزى عن الأسكندرية
وهى تلك القرية التى زارها الأسكندر الأكبر وقرر بناء الأسكندرية عليها ..

فى كتابات البطالمة ظهرت باسم راكوتيس
وفى لوحة أسمها لوحة الستراب جاءأسم الأسكندرية فيها بأسم راكوتيس

راكوتيس هى النطق اليونانى لأسم مدينة مصرية على ساحل البحر التوسط
أسمها رع قدت وتعنى ( رع يبنى ) الاغريق لما دخلوا مصر أطلقوا عليها راكوتيس
الأسكندر أعجب بيها وقرر بناء مدينة الأسكندرية على موقع مدينة راكوتيس

العرب فى كتابتهم " زى المسعودى والمقريزى " نطقوها بالعربية
على أسم راقودة .. وراقودة دى هى أصل مدين الأسكندرية .


عموما فى ناس بتقول ان الأسكندر هو اللى بنى الأسكندرية
ودة طبعا خطئ

الأسكندرية هى بالأصل مدينة فرعونية أسمها راقودة ظهرت أهميتها التجارية
فى الأسرة 19 نظرا لتطور العلاقات التجارية من جزر بحر أيجة وكان فيها
أسطول صيد مصرى ويقال ان كان فيها حامية عسكرية وكانت راقودة على أهمية لدرجة
ان هناك 16 قرية أحيطة بها ونشئت لتواجد راقودة ودة دلالة على اهمية تلك المدينة

كل ما حدث هو أن الأسكندر اعجب براكودة تلك المدينة الفرعونية الهامة على البحر المتوسط
والجميلة أيضا وقرر أعادة تنظيمها وتوسيعها على الظراز الأغريقى وغير من أسمها وأسماها على أسمة
وأنهى على الميناء القديم وقام ببناء طريق من راقودة الى جزيرة تقع فى مواجهة راقودة أسمها جزيرة فاروس
الطريق دة أسمة طريق هيبتا ستاديوم وبعد الأنتهاء من طريق ال هيبتا ستاديوم بين راقودة وجزيرة فاروس
تكون الميناء الشرقى والميناء الغربى للأٍسكندرية .

يكفى هذا القدر وأتمنى أنك تكون أستمتعك بهذا القدر السيط عن تاريخ بلك
مدينة الأسكندرية أو راقودة بالأصل المصرى .. تحياتى لك يا عزيزى .