السلام عليكم

انا خريج كليه الاداب قسم اللغه العبريه دفعه 2013 بتقدير جيد جدا (الثالث على الدفعه)  - الحمد لله -

انا متردد اقدم ضباط متخصصين ولا لأ لعده اسباب
اولها الواقع
 اننا فى بلد كل حاجه ماشيه بالوسايط والى معهوش واسطه يركن فى جنب.... وانا الحمد لله معيش غير ربنا

ثانى حاجه انى عندى بعض المشكلات معرفش هتعيق دخولى ولا لأ
فياريت تردوا عليا وتقولولى هتبقى فيه مشكله ولا لأ

1- انا نظرى 6 على 9
2- انا عندى من صغرى حاجه كدا فى الانفم عباره عن جزء من اللحم فى الداخل (تشوه خلقى بسيط جدا).... الموضوع ملوش اى تأثير خالص ولا حتى ظاهر ولا اى حاجه بتاتا ... دكتور الانف قالى وانا صغير انها ممكن تشال عادى مفيش مشكله ولو مشالتش عادى مش هتأثر فى حاجه
وطبعا اكرر انها مش عامله اى تاثير بتاتا (انا ذكرتها فقط لانى عارف انهم بيتلككوا على كل حاجه)
3- انا عمى كان معتقل فى فتره التسعينيات ... اعتقل تقريبا سنه بس بدون اى سند قضائى (قانون الطوارئ) وزى ما بيتقال كده انه اتاخد فى الرجلين وملوش اى علاقه باى حاجه.... وطلع بعد كده ومفيش اى مشكله
4- عندى حاجه فى رجلى ... انا حاولت ادور واسأل عليها بس مش عارف دى ايه
الانسان الطبيعى لما يقف رجله بتكون خط مستقيم... انا كده عادى فعلا
بس انا ممكن ارجع رجلى لورا اكتر  ههههههههههههههههههه عامل زى ET كده بس مش باينه فى الوقفه لانى بقف عادى جدا


هل النقاط دى كلها فيها مشاكل
انا عارف انها مشاكل اصلا ههههههههههههههههههه بس هل هتاثر ولا لأ ؟؟؟؟؟؟؟

1- ضباط متخصصين مفيش مشكلة
2- عادى
3- لو مش مثبوت فى الملفات عندهم انة سياسى او جنائى يبقى عادى
4- مش فاهم بس دة اية ثأثيرة فى الوقوف او الجرى والتمرينات