السلام عليكم ورحمة الله وبركاته
انا كشفت يوم 5/2  واخدت لجنة عليا مسالك بولية  واستلمت ال 110 ومرشح ضابط احتياط
طبعا هستني نتيجة الارجاء عشان اكشف اللجنة العليا
انا شفت المرض اللي بعاني منه علي الورق اللي متعلق  علي الحائط وهو الكلية المزدوجة وحصوات الحالب
السؤال هو ما هي احتمالية  الدخول او الخروج وشكرا

اتمني الافادة .. وشكرا

هو السؤال صعب للدرجة دي ؟!

هما يوم الارجا هخيتاروا اللي هيفضلوا مرشحين ضباط احتياط واللي هينزلوا عساكر ولو انت فضلت مرشح ضابط احتياط هتروح تكشف في حلمية الزيتون في القاهرة ولو انت نزلت عسكري هتتحول برده لجنة عليا تكشف هناك في القاهرة 
واذا كان فعلا تعبك موجود في الصور اللي على الحائط وحالتك الصحية لا تسمح لك بممارسة تدريبات وغيره  ففي احتمال كبير جدا انك تاخد اعفا

شكرا علي الاهتمام والرد
هو انا معرفش بصراحة هي مؤثرة ولا لا,, بس هي من ضمن الامراض اللي مكتوبة وليها دلالة عندهم ,, حتي لما قلت للدكتور قالي موضوع الكلية دا مهم
فايه موقفي ؟

لما تروح لجنة عليا في حلمية الزيتون ان شاء الله هتقول تعبك تبع اي قسم والدكتور المتخصص هيكشف عليك ولو كانت حالتك واضحة وعندك مشكلة كبيرة هيديك اعفا مباشرة  واذا كانت حالتك كويش ومفيش اي معوق لاداءك الخدمة هيكتبلك لائق طبي ولو احتار في حالتك هيحولك طبي  بس موضوع الكلية محتاج كشف وتحاليل ففي الغالب اما هيديك اعفا مباشرة او هيحولك كومسيون طبي وهناك هيكشف عليك دكاترة كبار بالتفصيل

شكرا علي الافادة
سؤال اخير ,,, هي الامراض اللي بتكون مكتوبة في غرفة التلقيين الطبي دي بتطلع ؟

لا شكر على واجب
انا كنت زيك كده من شهرين بكشف طبي في منطقة التجنيد وفي الحلمية  وسألت هنا في المنتدى ومحدش رد عليا  وزعلت لكن بعد كده اكتشفت ان الاهتمام بالقسم ده اهتمام قليل
بالنسبة لسؤالك  ايوه لو ثبت ان عندك اي مرض من اللي متصورين ومتعلقين على الحائط المفروض تاخد اعفا  بس على حسب درجة المرض عندك يعني الرمد مثلا في منه درجات بتطلع ودرجات بلبس في الجيش بس بياخد لائق ب  يعني خدمته بتبقى محدودة وفي اماكن مش محتاجه مجهود

اشكرك  جدا :)
هو فعلا الاهتمام قليل والرد برضه
وجزاك الله كل خير
وربنا يوفق .. ويوفقنا
المرض اللي عندي عيب خلقي في الكلية  فمفيش منه درجات , بس معرفش هما هيقرروا ايه

ان شاء الله ربنا يوفقك ويقدر لك خير