أهلا وسهلا بك زائرنا الكريم، اذا كانت هذه زيارتك الأولى للمنتدى، فيرجى التكرم بالاطلاع على القوانين بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة المواضيع التي ترغب.
موضوع: هل كنت تحلم ان تكون ضابط بالجيش؟؟ الخميس 19 يونيو - 3:22
السلام عليكم ورحمة الله
اخوانى اعضاء منتدى الجيش العربى كل منا وهو صغير كانت له هوايه او لعبه معينه فمثلا هناك من كانت كل لعبه عبارة عن مسدسات وطائرات ... وبعضنا كان يتمنى ان يكون ضابط وظل الحلم امام عينه حتى الان .. فانا اليوم خطر على بالى سؤال مهم جدا واتمنى ان يجيبنى عليه اكبر قدر من الاعضاء
هل كنت تحلم ان تكون ضابط؟؟ ماهو الغرض من هذه الامنيه؟؟ ماهو شعورك عند عدم اجتيازك اختبارات القبول؟؟ ماهو شعورك عندما رايت زميلك ضابط وانت لا؟؟
اسئلة بسيطه اعتقد ان نسبه كبيرة منا قد مرو بهذه المرحله
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 3:35
موضوع فى الجون يا عمدة بالنسبة ليا انت عارف انا من صغرى كل لعبى كانت طيارات و شوية رشاشات كدة على الماشى وانا حلم عمرى انى اكون طيار فى القوات الجوية وغرضى من انى اطلع طيار كذا حاجة 1- انا بعشق كل مايتعلق بالطياران و العلوم الجوية 2- نفسى ادافع عن البلد وعن كل الشعب ضد اى حثالة عايز يلمس تراب البلد 3-انال الشهادة اذا كتبهالى ربنا بالنسبةة لموضوع لو معدتش انت عارف يا عمدة انى هخش الاختبارات السنة دية لو لاقدر الله محصلش بجد مش عارف هعمل اية فى نفسى بس انا عندى ثقة غير محدودة فى الله و فى نفسى وانا الحمد لله عندى جميع مقومات الطيارين فاضل التوفيق من عند ربنا بالنسبة لة شفت صاحبى ضابط وانا لا اكيد هزعل بس هبقى مبسوط علشان صديقى ضابط موضوع جميل يا عمدة ادعيلى و النبى
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 3:54
1: طبعا حلم حياتي كان ان اكون ضابط في القوات المسلحة 2: طبعا في ناس كتير بتخدها منظرة وجاه وحضرة الضابط جه وكدة يعني بس ابدا انا عمري ما بصيت لها كدة نهائي انا كان نفسي اكون جندي من جنود مصر في الصفوف الامامية بس حصل خير 3:شعور وحش بصراحة بس الدفاع عن البلد مش محتاج اني اكون ضابط هيا بتسهل انك تكون مدرب وفي الصفوف الامامية بس التطوع موجود ومحدش هيمنعني اني اشارك في الدفاع عن وطني 4:معنديش حد من صحابي عدى غير واحد بقى في البحرية واتخرج وربنا يوفقه يا رب ويكون حوت من حيتان البحرية واشكرك يا سيادة الفريق اركان حرب المنتدى على الموضوع الجميل الي بيدينا الفرصة نفتح قلوبنا
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 6:59
هل كنت تحلم ان تكون ضابط؟؟ اكيد كان نفسي ابقي ضابط بالجيش
ماهو الغرض من هذه الامنيه؟؟ تحقيق ذاتي ماهو شعورك عند عدم اجتيازك اختبارات القبول؟؟ احساس لا يوصف (فشل ) ماهو شعورك عندما رايت زميلك ضابط وانت لا؟؟ اللي لية ظهر لا يضرب علي بطنه - كوسه وفي الاخر بقول ربنا مش عاوزني ضابط
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 7:32
هل كنت تحلم ان تكون ضابط؟؟
كان حلم حياتي
ماهو الغرض من هذه الامنيه؟؟
مش عارف بس طول عمري بحب الحروب و الجيش و البهدلة و الكلام دا انت عارف يا عمليات انا كنت بتدرب على السباحة من و انا عندي 5 سنيين و كنت بعد ما اخلص التدريب و الله كنت بعمل انا و اخويا و اصحابي نعد نعمل فيلم طريق الي ايلات و كنا نتخيل اننا هما و اكننا في الصاعقة و ...............
ماهو شعورك عند عدم اجتيازك اختبارات القبول؟؟
اول مرة كنت اعيط في الشارع او قدام حد
ماهو شعورك عندما رايت زميلك ضابط وانت لا؟؟
كنت هتمنى اكون مكانة بس عمري ما كنت احقد علية يعني مهما كان
سؤال بقى ليك يا عمليات
انا دلوقت في كلية التجارة ماشي , ان شاء الله لما اخلص و اقدم اكادمية عسكرية هكون ظابط مكتبي فقط و لا
هشارك في التدريبات و اكون قائد وحدة و كلام من دا ؟
(واية رايك في الصورة الجديدة دي) _____________________
اذا رأيت الاسود تركت الصحراء رعبا و خوفا من المجهول فاعلم ان رجال الصاعقة يصيحون
عدل سابقا من قبل karem في الخميس 19 يونيو - 7:46 عدل 1 مرات
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 7:37
يا جماعه الهمليه مش صعبه اللي معاه واسطه بيتقبل ليا الكثير من اصحابي تم قبولهم والبعض الاخر لا والاختلاف بينهم ان الذين تم قبولهم معاهم واسطه واللي مقبلوش معاهمش واسطه بالرغم من تفوقهم الرياضي
وبالنسبه لرغبتي في ان اكون ضابط الان لا لكن في حاله الحرب اه
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 8:06
sniper2008007 كتب:
يا جماعه الهمليه مش صعبه اللي معاه واسطه بيتقبل ليا الكثير من اصحابي تم قبولهم والبعض الاخر لا والاختلاف بينهم ان الذين تم قبولهم معاهم واسطه واللي مقبلوش معاهمش واسطه بالرغم من تفوقهم الرياضي
وبالنسبه لرغبتي في ان اكون ضابط الان لا لكن في حاله الحرب اه
وشكرا علي الموضوع
اكيد الوسطة موجودة في كل حاجة بس مش لدرجة انك تجزم بهذا و تقول الي مش معاة ميخشش
طيب و ريني الي معاة وسطة ممكن يعدي من الكشف الطبي ازاي الطبي بالذات و الله لو معاة ال..... مش هيعدي
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 9:24
اقتباس :
3-انال الشهادة اذا كتبهالى ربنا بالنسبةة لموضوع لو معدتش انت عارف يا عمدة انى هخش الاختبارات السنة دية لو لاقدر الله محصلش بجد مش عارف هعمل اية فى نفسى بس انا عندى ثقة غير محدودة فى الله و فى نفسى وانا الحمد لله عندى جميع مقومات الطيارين فاضل التوفيق من عند ربنا
لو لاسمح الله لم توفق يا ايهاب في القبول في الكلية الجوية في مصر
انا اعرف ان شروطهم معقدة في حل بديل
ممكن تدرس على حسابك في كلية حربية خارج مصر
مثلا كلية توب جن الامريكية الخاصة بطيران البحرية اسمع انهم يقبلو طلاب برسوم مادية بشرط
موافقة الكلية او كلية ويست بوين - جناح طيران الجيش
او في كلية روسية وهي الاسهل
في القبول تتدرب طيارين حربيين وطائرتها ميج 25 و ميج 31 و ميج 29 ومدة الدراسة فيها 3 سنين
وليس لها شروط في القبول مثل الكليات الامريكية يعني تدفع تدرب وتصبح طيار
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 10:01
اقتباس :
هل كنت تحلم ان تكون ضابط؟؟ ماهو الغرض من هذه الامنيه؟؟ ماهو شعورك عند عدم اجتيازك اختبارات القبول؟؟ ماهو شعورك عندما رايت زميلك ضابط وانت لا؟؟
1- بالنسبه لموضوع الحلم ده
انا لم احلم بان اكون ظابط ......لكن كنت احلم بان اكون طيارا .....لان الميري بالنسبه للطيار خفيف جدا ليس كمثله باي سلاح اخر ......
2- الغرض من هذه الامنيه ....حبي للطيران و طلبا للشهاده في سبيل الله واخذا بثار من قتلوا ابن خالي الشهيد باذن الله والكثير من شباب المسلمين
3- لم اتقدم من الاساس للكليات العسكريه لاني اعلم باني لن اجتاز الاختبار الطبي للطيران ( حساسيه انف واعوجاج بسيط بالحاجز الانفي ......90 % من الناس عندهم الاعوجاج ده )
4- لما رايت بعضا ممن اعرفهم دخلوا كليات عسكريه .... صعبوا عليا ههههههه لانهم كانوا بيحسدوني علي كليتي المدنيه وانهم محبوسين لا يقدرون علي الخروج او حتي ياكلوا ما يحبونه ......وقد شاهدت ذلك بنفسي اثناء تجنيدي باحد الكليات العسكريه ....غلابه قوي
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 17:28
والله يا شباب انا سعيد جدا بالتعليقات دى وعاوز اقول لكم بس شئ صغير بما انكم كلكم اخوانى بلا استثناء ان مش الضابط بس اللى له دور فى الدوله كل شخص له دور يعنى المهندس له دور والدكتور له دور والمحاسب له دور حتى الزبال اللى فى الشارع له دور لولا هؤلاء لما قامت الدوله من الاساس فدور المهندس والطبيب والمحاسب ...الخ هو بناء الدوله ودور الجيش هو الحفاظ على ما بناه هؤلاء الرجال يعنى الموضوع كله منظومه وكلنا فيها تروس لو عطل ترس واحد يبقى المنظومه وقفت انا كنت بشوف قدامى امثله عجيبه كنت بشوف واحد لابس بدلة طلبة الكليه الحربيه وماشى فى الشارع وبصراحه كان اخر شياكه وهو اساسا مش ضابط ودبلوم صنايع كمان يفضل يلف فى الشوارع ويروح يتصور ويروح يتعرف على بنات على اساس انه فى الكليه الحربيه ...وواحد تانى كان ضابط احتياط وكان مفهم الناس كلها انه ضابط متخصص والمشكلة انه عندهم سوبر ماركت وكنت كل ما اعدى من قدام السوبر ماركت القى الشخص ده واقف يبيع جبنه ولنشون وزيتون ...انا كنت عارف انها مسافره منه على الاخر بس كنت مطنش ..وشفت واحد كان ضابط صف فى الصاعقه وراح يخطب وقال لاهل خطيبته انه رائد فى الصاعقه وخطب بالفعل والناس صدقوه وبعدين حصلت ظروف واتعرف انه متطوع وخطيبته جالها انهيار عصبى شديد وكانت هتموت... وواحد تانى بياخد بدلة اخوه فى سلاح المشاة وبينزل يلف بيها فى الشارع ويركب عربيته ويتعارك مع الناس على انه ملازم اول فى المشاة..... كنت بشوف بلاوى بعينى ...وكنت نفسى اعرف ايه سبب ان الناس بتلسع اوى كده وبعدين قعدت مع واحد مره متقمص دور الضابط برده والراجل فتح لى قلبه وقالى انه كان نفسه يكون ضابط ومفيش قدامه غير طريقه انه يلبس بدلة ضابط ويمشى فى الشارع عشان يشبع رغبته ..والحمد لله قدرت اقنعه ان كده غلط ولو اتمسك هيتحبس وهينسى اسمه وانه اخصائى اجتماعى ده شئ يشرفه مش يهرب منه وينتحل شخصية ضابط
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 17:30
karem كتب:
هل كنت تحلم ان تكون ضابط؟؟
كان حلم حياتي
ماهو الغرض من هذه الامنيه؟؟
مش عارف بس طول عمري بحب الحروب و الجيش و البهدلة و الكلام دا انت عارف يا عمليات انا كنت بتدرب على السباحة من و انا عندي 5 سنيين و كنت بعد ما اخلص التدريب و الله كنت بعمل انا و اخويا و اصحابي نعد نعمل فيلم طريق الي ايلات و كنا نتخيل اننا هما و اكننا في الصاعقة و ...............
ماهو شعورك عند عدم اجتيازك اختبارات القبول؟؟
اول مرة كنت اعيط في الشارع او قدام حد
ماهو شعورك عندما رايت زميلك ضابط وانت لا؟؟
كنت هتمنى اكون مكانة بس عمري ما كنت احقد علية يعني مهما كان
سؤال بقى ليك يا عمليات
انا دلوقت في كلية التجارة ماشي , ان شاء الله لما اخلص و اقدم اكادمية عسكرية هكون ظابط مكتبي فقط و لا
هشارك في التدريبات و اكون قائد وحدة و كلام من دا ؟
(واية رايك في الصورة الجديدة دي) _____________________
اذا رأيت الاسود تركت الصحراء رعبا و خوفا من المجهول فاعلم ان رجال الصاعقة يصيحون
يا كيمو موضوع تكون ضابط ميدانى او ضابط ادارى دى بيبقى لها عوامل كثيرة اولا هل انت تمارس لعبه رياضيه ؟؟ هل حاصل على بطولات رياضيه؟؟ هل الجيش محتاجك تكون ضابط ميدانى ام لا
والصورة جميلة الحقيقه بتفكرنى بنفسى لما اكون متنرفز
Relentless Mayhem
مســـاعد أول
الـبلد : العمر : 35المهنة : رئيس مجلس إدراة شركة "المصرية للصناعات العسكرية"المزاج : بارد إلى أقصى الحدودالتسجيل : 28/05/2008عدد المساهمات : 563معدل النشاط : 25التقييم : 4الدبـــابة : الطـــائرة : المروحية :
موضوع: رد: هل كنت تحلم ان تكون ضابط بالجيش؟؟ الخميس 19 يونيو - 18:00
bany_bony كتب:
اقتباس :
3-انال الشهادة اذا كتبهالى ربنا بالنسبةة لموضوع لو معدتش انت عارف يا عمدة انى هخش الاختبارات السنة دية لو لاقدر الله محصلش بجد مش عارف هعمل اية فى نفسى بس انا عندى ثقة غير محدودة فى الله و فى نفسى وانا الحمد لله عندى جميع مقومات الطيارين فاضل التوفيق من عند ربنا
لو لاسمح الله لم توفق يا ايهاب في القبول في الكلية الجوية في مصر
انا اعرف ان شروطهم معقدة في حل بديل
ممكن تدرس على حسابك في كلية حربية خارج مصر
مثلا كلية توب جن الامريكية الخاصة بطيران البحرية اسمع انهم يقبلو طلاب برسوم مادية بشرط
موافقة الكلية او كلية ويست بوين - جناح طيران الجيش
او في كلية روسية وهي الاسهل
في القبول تتدرب طيارين حربيين وطائرتها ميج 25 و ميج 31 و ميج 29 ومدة الدراسة فيها 3 سنين
وليس لها شروط في القبول مثل الكليات الامريكية يعني تدفع تدرب وتصبح طيار
لكن للاسف لا اذكر اسم الكلية
بجد يا بونى بانى ؟؟؟؟ طب تكلفتها كاام ده؟؟؟؟ و معناها إن بعد كده هكون طيار فى الجيش الروسى؟؟ ... تبقى جامدة أسوق السوخوى 47 و أغيظ الكل
موضوع: هل كنت تحلم ان تكون ضابط بالجيش؟؟ 
الخميس 19 يونيو - 3:22
