تجربتي مع استخراج البطاقة العسكرية بالصور , اتمني انها تكون مفيده ليكم :



البطاقة العسكريه امر ضروري لازم كل فرد في اي دوله و بشكل خاص في مصر بيحتاجه انه يستخرجه لكي يقدم اوراق التجنيد , وان شاء الله في تجربتنا اليوم هشرح ليكم تجربتي في استخراج البطاقة العسكريه بالصور و بكامل التفاصيل .

تجربتي مع استخراج البطاقة العسكرية :

- بداية التجربه لما كنت في الجامعه بسأل علي التجنيد و تقديم الاوراق , فطلب مني الموظف اني استخرج بطاقة عسكرية من القسم الي تابع ليه و قالي اسمها ( نموذج 7 جند ) .

- تاني يوم توجهت لقسم الشرطة الي انا تابع ليه ( قسم شرطة عين شمس ) , دخلت سألت احد افراد الامن عن البطاقة العسكرية , قالي روح عند مكتب التجنيد هناك , روحت عند شباك التجنيد و سألت العسكري الي واقف في الشباك عني البطاقة العسكرية , قالي المطلوب استخراج البطاقة العسكريه :

الاوراق المطلوبه :

1 – صورة قيد الميلاد ( من السجل المدني ) .

2 – نموذج 7 جند ( من ادارة التجنيد ) .

طبعا السجل المدني كان موجود داخل القسم نفسه , وقفت في الطابور و طلبت من الموظف ( صورة قيد الميلاد ) و ثمنها 7 جنيه بالظبط .



بعد كده طلعت علي ادارة التجنيد في منطقة حلمية الزيتون عند كوبري التجنيد , سألت العسكري بره عن نموذج ال 7 جند , ودخلت جوا الاداره و تحصلت عليه و ثمنه 50 قرش فقط لا غير .



بعد كده توجهت للقسم مره اخري و رجعت لمكتب التجنيد داخل القسم , سلمت العسكري صورة قيد الميلاد و نموذج ال 7 جند , قام العسكري بملء النموذج من بيانات صورة قيد الميلاد و سلمني الحاجه و قالي اروح مكتب جنبه عند ظابط بيختم النموذج ال 7 جند و بعد كده رجعتله تاني ختمه و انتهي الموضوع .

وبكده تحصلت علي البطاقة العسكرية بحمد الله .

http://tgrba.com/general-experiences/military-id-card-extraction.html

تم نقل الموضوع الي المنتدي ، ونقل الي قسم الكليات والمعاهد العسكرية بمعرفتي .