النسر الضارب
عريـــف
الـبلد : 
المهنة : طالب
المزاج : طفشان
التسجيل : 01/12/2013
عدد المساهمات : 72
معدل النشاط : 85
التقييم : 3
الدبـــابة : 
الطـــائرة : 
المروحية : 
|  موضوع: من روائع الشعر النبطي - يقول من عدى على راس عالي - قصيدة للشاعر محمد السديري  الإثنين 19 مايو 2014 - 7:52 | |
| القصيده هذي من اقوى القصائد النبطيه وابياته من ذهب الابيات الي عجبتني بالون الاحمر يقول مِن عدَّّى على راس عالي = رجمٍ طويلٍ يدهله كِلِّ قِرناس في راس مرجومٍ عسير المنالِ = تلعب به الأرياح مع كِلِّ نسناس في مهمهٍ قفرٍ مِن النَّاس خالي = يشتاق له مِن حسِّ بالقلب هوجاس قعدت في راسه وحيدٍ لحالي = كنِّي براس الرِّجم مذهب وحرَّاس متذكِّرٍ في مرقبي وش جرا لي = وصفقت بالكفين ياسٍ على ياس أخذت أعد أيامها والَّليالي = دنياً تِقلَّب ماعرفنا لها قياس
كم فرَّقت مابين غالي وغالي = لو شفت مِنها ربح ترجع للإفلاس
يقطعك دنياً مالها أول وتالي = لو ضحكت للغبن تقرع بالاجراس
المستريح الَّلي من العقل خالي = ماهو بلجَّات الهواجيس غطَّاس
ماهوب مِثلي مشكلاته جلالي = أزريت أسجلهن بحبرٍ و قرطاس
حملي ثقيل وشايله بإحتمالِ = وأصبر على مُرّ الِّليالي والأتعاس
وارسي كما ترسي رواس الجبالِ = ولايشتكي ضلعٍ عليه القدم داس
لاخاب ظنَّي بالرِّفيق الموالي = مالي مشاريهٍ على نايد الناس
لعل قصرٍ مايجيله ظلالِ = ينهدِّ من عال مبانيه للساس
والبوم في تالي هدامه يلالي = جزاك ياقصر الخنا وكر الأدناس
لاصار ماهو مدهلٍ للرجالِ = وملجا لمن هو يشكي الضيم والباس
حسناك يامنشي حقوق الخيالي = ياخالق أجناسٍ ويامفني أجناس
متى تربِّع دارنا والمفالي = وتخضر فياضٍ عقب ماهيب يبَّاس
ونشوف فيها الديدحان متوالي = مثل الرِّعاف بخصر مدقوق الألعاس وينثر على البيدا سوات الزوالي = يشرق حماره شرقة الصبغ بالكاس كلمات / محمد الأحمد السديري |
|
سعودي والعز عنواني
مســـاعد
الـبلد :
المهنة : رئاسة الاستخبارات والعمليات العسكرية
المزاج : اعالج الحالات النفسية التي تدعو للضحك
التسجيل : 01/01/2014
عدد المساهمات : 408
معدل النشاط : 356
التقييم : 14
الدبـــابة : 
الطـــائرة :
المروحية :
| | موضوع: رد: من روائع الشعر النبطي - يقول من عدى على راس عالي - قصيدة للشاعر محمد السديري الإثنين 19 مايو 2014 - 20:45 | |
| من اجمل ماقرات من اقوال الشاعر كدمان بن محمد بن زامل البكري
والامير بن دهمان والامير سديري وخلف بن هذال وبن جدلان
ومحمد بن عون العتيبي |
|
