واول ما وصل قال تمام يا فندم زي ما علموه في مركز التدريب .... واستلم السلاح ووقف انتباه من حديد

وجفت جنب زميلي في الخدمه لجيت على وشه الدموع ... جولتله ما تسترجل ياد ولا انت اشتجت للرجوع

جالي يا دفعه الداخل هنا مفقود ... جولتله يا فرج الله احنا هنحارب اليهود

جاللي لو كان اليهود كنت خدت السلاح و رمحت رمح وموقفتش الا في تل ابيب ... لكن دول ناس لا يفرق معاهم عدو ولا حبيب

بصتله وضحكت وقبل ما يرد كانت الرصاصه داخله بين عنيه

مات معرفش مات ليه

وهو بيموت افتكر ابوه وهو بيقوله اوعاك يا ولد تموت جبان

ها يابوي ... ولدك مات راجل وممتش هربان

بس قبل ما اغمض عنيا كان نفسي اسألك سؤال

هو انا مت ليه يا بوي وعلشان ايه ؟؟؟؟؟؟؟؟

اَلَلَهُمَ أَرْحَمْ شُهَدَائِنَاْ فِىْ سِيْنَاْءْ