انت من الافضل لك انك تدخل على موقع وزارة الدفاع > خدمات المدنيين > الكليات و المعاهد العسكرية
و ديه هتلاقى فيها كل الاختبارات
بالنسبة للنظر كل ما اعرفه ان الكلية الفنية العسكرية تسمح بالتقديم لها بالنظارة لكن الطب صراحة لا اعلم لكن تقريبا ممكن تقبل بالنظارة " لكن هتلاقى عندك فى الموقع رقم تليفون للاستفسار عن اى شئ فى التقديم للكليات العسكرية اتصل بيه احسن ليك
بالنسبة للتدريب على السباحة و قفزة الثقة فانا انصحك انك تروح كلية التربية الرياضية هتلاقى فيها تدريبات على السباحة و تقريبا ممكن تعرف تعمل قفزة الثقة فيه
بالنسبة للعقلة ممكن تجيبها من اى محل يبيع الاجهزة الرياضية و بالنسبة للبطن و الضغط ممكن يتعمل عادى فى البيت و بالنسبة للجرى فانزل اجرى فى اى مكان تقدر تجرى فيه و بالنسبة للتدريب عليهم فى كم من الوقت فديه حسب امكانياتك انت
لو انت مدرب جزئيا عليها من الاول ممكن تيجى فى اسبوع لشهر حسب قدراتك و شغلك انت
و بالنسبة للجرى فممكن تقدر تجيب كل ده فى خلال 1 الى 2 شهرين جرى يوميا المسافة المطلوبة و كل كام يوم تزود سرعتك شوية عن اليوم اللى قبلها
بس انا انصحك عشان تقدر تلحق ابدا من دلوقتى تتمرن عشان لما تصل الى الاختبارات الرياضية تكون فى اكبرجهوزية ممكنة تقدر توصل ليها
و اى استفسار اخر انا موجود لو اقدر انى اجيبك فيه
موضوع: استفسار ارجوكم الدخول 
الأربعاء 2 يوليو 2014 - 11:39
