سمعنا عن فيلم الذي يتكلم عن معركة الكبريتالذي كتبه احمد سمير في اول تجربة له ويُخرجه كل من "محمد خضر"،و"مازن سعيد" وانتهى فريق العمل من تصوير التريلر
https://www.youtube.com/watch?v=U-2cGQmrd9I&feature=player_embedded#!
وكان لي الشرف اناتحاور مع كاتب الفيلم احمد سمير بخصوص الفيلم حصريا لمنتدى الجيش العربي
كنت قد طرحت الموضوعفي المنتدى وكنا ننتناقش بخصوص الفيلم
فقلت: المهمانه لغاية دلوقت مفيش منتج وافق تاني انا بعترض على المؤلف الفيلم المفروض يعملوامحترفين ومخرج محترف
احمد سمير: السلام عليكم

أنا أحمد سمير كاتب الفيلم

أخى أحمد كشكى ، لماذا تعترض على اختيارىلعناصر الفيلم من مخرجين وممثلين وأنت لا تعلم عنهم شيئاً ؟

مازن سعيد وخضر تلقوا دراسات على أعلىمستوى خارج مصر مابين كندا وأمريكا وتلقوا تدريبات على يد أعتى المخرجين العالميين

الممثلين المختارين لأداء الأدوار تماختيارهم بعنايه على مدى أشهر من العمل لتناسب الشخصية الحقيقية للممثل الشخصيةالتى سيؤديها فى الفيلم .

أرجوكم قبل أن نعترض فلنترك الفرصة لشئ قديكون جميل وعلى مستوى راقى ليظهر لعل وعسى .
انا: متزعلشيا احمد حقك عليا بس انا شايف عشان اي فلم ينجح العامل الاول فيه الممثلينالمشهورين وتاني حاجة انا كان نفسي والله ان ادخل فلم يتكلم عن حرب اكتوبر بجد وعنالابطال اللي شاركوا بالتفصيل
بس انت في حاجة كلنا عارفينها كويس ان الفلم لما يعمله ممثل مشهوربينزل في موسم كويس بس لما يبقى لناس لسا ماشتهروش ينزل في موسم ما يعلم بيه الاربنا انت عارف ممكن الممثلين اللي انت اخترتهم يبقوا احسن من الممثلين المعروفينبس الناس اتعودت على حاجة مش عاوزة تغيرها
عشان كده
انا عايز اسألك انت لو نزلت الفلم ازاي تخلي الناس تدخل الفلم لناس مشمشهورين انا مش قصدي اي تقليل ولا حاجة والله بس انا عايز اعرف المتخصصين في مجالالسينما زيك بيعملوا ايه (مثلا) زي فلم اوقات فراغ محدش كان متوقعله اي نجاح ولكننجح انا عايز اعرف ازاي بتتصرفوا ؟
وتاني حاجة انت لقيتوا المنتج ولا لسة وياريت تبقى شركة انتاج متميزة؟
احمد سمير: أحمد حبيب قلبى أنا مبزعلش متقلقش وأنا رديت عليك علشانانت من الناس اللى بتساعد فى نشر الموضوع ودى إحدى طرق التسويق و الدعايه للفيلم .
هقولك التغلب على موضوع ان الناس جداد ده بيحصل ازاى .
انت أخدت مثال كويس أوقات فراغ اللى نجح الفيلم هو الفكره والورق اللىمكتوب صح و المخرج اللى قدر يطلع الفكره زى ما هى مكتوبه بالظبط ، أنا شخصياً شايفان كتيييييييييييييييييييير زيك مستنيين يشوفوا حاجه محترمه عن حرب أكتوبر وعلىمستوى راقى ومعايا اتنين مخرجين أساتذه فى المؤثرات البصريه والسمعيه .
التكاليف قليله علشان كلنا بنشتغل متطوعين ومش منتظرين فلوس ولا أرباح .
علشان كده النجاح التجارى مش فى حسبتنا خالص ، اللى يهمنا ان الفيلميلاقى ناس محترمه تتفرج عليه .
يعنى من الآخر الفيلم ده معمول علشان الناس المحترمه اللى زيكم تشوفهمش الناس اللى بتجرى ورا أفلام الشواذ و اشحنلى وأعرضلك .
مصر مش شواذ و مش بنات تشحنلها وتعرضلك .
ده اللى عايزين نوصله للناس .
يارب وجهة نظرى تكون وصلت .
انا: شكرا جزيلا انك فهمتني وشكرا على الكلام الحلو ده وانا هاحاولانشره في كل حتة
وانت عندك حق احنا للاسف بنعاني من حالة تردي او تاخر في كل حاجة ودهمش في مصر بس ده في كل الدول العربية كتير من الناس همها الاول هنحشش فين وهنسهرفي وهنشحن لاي بت تاخر جامد جدا
عشان احنا بنشجع الافلام دي والافلام المحترمة القليلة اللي بتنزل كلفين و فين اللي تبقى قدوة كويسة للناس
علشان الحاجة الوحيدة اللي محتاجنها علشان نتقدم قدوة يحتذي بها الناسفيعملوا اعمال غير تقليدية
تخلي وطننا في احسن حال وشكرا
انا: ممكن تكلمني عن الفلم؟
احمد سمير: شوف يا سيدى بإذن الله الفيلم هيتعمل بتقنيه عاليه زى اللىاستخدمت فى أفلام زى 300
وsaving private rayan
والوقائع اللى هتكون فى الفيلم وقائع حقيقيه 100 % و الأرقام اللى فيهوالتواريخ هتكون محققه ودقيقه للغايه .
أخدت فى كتابته سنه تقريباً وحالياً فيه ورشة عمل مكونه منى أنا ومازنوخضر ومعانا مجموعه من الشباب المتحمس جداً وخبرتهم عاليه فى التمثيل المسرحى و بعضهمشارك فى أعمال سينمائيه قبل كده .
عايز تعرف إيه تانى وأنا أقولك ؟؟
انا: ايه الشركة اللي هتنتجه؟
احمد سمير: كل اللى احنا بنعمله دلوقتى علشان تيجى شركه محترمه تنتجه
اتفاوضنامع ناس كتير بس كلهم ليهم شروط هتبوظ الفيلم
انا: ممكناعرف الشروط دي زي ايه؟
احمد سمير: زى زيادة مساحة العناصر النسائيه فى الفيلم ، و تغيير المخرج وإسناد الأدوار الرئيسيه لممثلين مشهورين و حاجات من دى كتير
انا:هو فيهافلام بعد كده؟
احمد سمير: بإذن الله هيبقى فيه معركة المنصورهالجويه وفى الخطه برضه المجموعة 39
انا: ليه فلممعركة الكبريت الاول وفلم 39 بعد مع انه دسم اكتر وفيه بطولات ومعارك اكتر
احمد سمير: اختيارى لكبريت لأنه قصة صمود تحت الحصار و صبر وناس قاعدهمتحاصره و عارفه انها هتموت ، السؤال هو ليه ؟؟ ليه الناس دى اشتركت أصلاً فىاللوا الرايح وده كان اسمه .
وازاى مكنش فيه فرق بين مسلم ومسيحى على الإطلاق .

ده جزء مهم من الرساله اللى عايزها توصل للشباب دلوقتى
حسام مشارك في المنتدي: ليه يا أستاد أحمد لا تراسل الاعلامي ابراهيم حجازي مقدم برنامج دائرة الضوء فهو من أبطال العبور و هو يتحمس للأفكار الوطنية ويساندها و تكون بردو دعاية كويسة خصوصا انه دايما بيردد انه نفسه يشوف فيلم عن حربأكتوبر قبل أن توافيه المنية
احمد سمير: حنا اتفقنا مع النايل لايف هييجوا يعملوا ريبورتاج عن الموضوع و أكيد حجازى هيشوف الريبورتاج ، بس احنا مش بنجرى ورا حد .
بمعنى أدق احنا ولاد ناس برضه يعني
انا: انت ماشاركتش في حاجة قبل كده
احمد سمير: لأ لأن ده مش مجالى فى الأصل أنا باحث و كاتب و بشتغل فىالموارد البشريه و الشئون الإداريه

أنا اتحمست أوي للفكرة دي لاننا أخيرا هنعمل حاجة نفتخر بيها و نفسي أوي كلنا ان شاء الله نساعدهم و يكون لينا فضل في نشر الفيلم و مساعدته علي الظهور

شكرا يا أحمد علي الحوار و نفسي باقي الأعضاء هما كمان يشاركوننا

هو فعلا شخصية محترمة وفيلم زى ده لما نشوفه هنحس بالفخر وان فعلا يوجد من لديه انتماء لهذا الوطن.....شكرا على الحوار

تشكر اخي على المجهود الشخصي وعلى الطرح الجيد.

ايه يا حماعة 4 ردود بس عايزين مشاركات اكتر

ان شاء الله الفيلم ينزل السوق بس فعلا غياب المنتج دي مشسكلة كبيرة مش صغيرة صعب ان الفيلم يكمل بالجهود الذاتية وبالنسبة لي موضوع النجوم اكيد في نجوم في مصر هيرضوا يشاركوا في الفيلم بس المشسكلة هتبقي هيتكروبو يشتغلوا تحت ايد مخرج صغير عموما انا مستعد اساعدهم يعني اخرج اكتب ابقي بطل مش مشكلة موافق ربنا يوفقهم و مايحصلش معاهم زي ماحصل مع الفيلم الي كان هينزل عن معركة ال2 ميج21 ضد 6 فانتوم بيقيادة المنصوري بس صحيح هي تكلفة الفيلم مش هتبقي عالية لو اتعملت بطريقة ال300 ولا كدا ارخص؟؟؟؟؟؟؟؟؟؟؟؟؟

يارب ينزل الفيلم عايزين نشوف حاجة محترمة انا هاحاول ابذل كل جهدي علشان اتواصل مع الاستاذ احمد سمير