السلام على كل اعضاء المنتدى الكرام ..... أنا فى غاية السعادة بجد علشان سجلت فى هذا المنتدى الأكثر من رائع
أحب اعرفكم بنفسى أنا اسمى إسلام , طالب فى تانية ثانوى عام و بعشق الحاجات العسكرية منذ صغرى ونفسى بجد ربنا يكرمنى و ادخل فنية عسكرية ..... بس عايز أعرف من حضراتكم ما هى شروط الالتحاق و القبول بهذه الكلية , و ما هى الختبارات التى يتعرض لها من يرغب بالاتحاق ....
و ممكن تقولوا لى شوية نصائح لكى أكون مؤهل باذن الله لدخولها ......

هتدخل جميع الاختبرات الطبية العادية الى فى كل كليات الجيش و الشرطة

زائد الكشف الرياضى و هو كالأتى 1. اختبار قفزة الثقة من ارتفاع 7,5 متر في الماء .
2. السباحة 50 متر وحساب الزمن .
3. عدو 100 متر وحساب الزمن .
4. الوثب من الثبات وقياس المسافة .
5. الشد لأعلي علي العقلة وحساب العدد .
6. الجري 1500 متر وحساب الزمن .
7. المشي على عارضة التوازن .
8. تمرين الانبطاح المائل مع ثني ومد الذراعين (الضغط) وحساب العدد.
9. تمرين الجلوس من الرقود مع تشبيك الكفين خلف الرأس (تمرين البطن) وحساب العدد.
10. الجري المتعرج مسافة 90 متر وحساب الزمن

و لمساعدتك فى الدخول انصحك تجرب المركز الرياضى الدولى هيعدك كويس للتصرف تحت الحياة العسكرية و هيساعدك فى التدريب فى كشف الهيئة و هوا مركز معتمد من الحيش على فكرة http://www.wab-online.com/home.html
الرابط اهو و ربنا يوفقك

بجد و الله مش عارف اشكرك ازاى , غير أن أقول لك ... جزاك الله بكل حرف كتبته خيرا , و رزقك خير مما تتمنى .
بس انا اسف لو حد رد على موضوعى و أنا لم اقم بشكره ده هيكون خارج عن ارادتى لان النت مش متاح عندى بصورة دائمة ....

بالنسبة للمجموع , الفنية العسكرية بتقبل من كام

the ghost كتب:

بالنسبة للمجموع , الفنية العسكرية بتقبل من كام

تشمل شروط الالتحاق بالكلية الفنية العسكرية الحصول علي شهادة الثانوية
العامة شريطة أن يكون الطالب درس الفيزياء والكيمياء ومادة الرياضة “2″
والقسم العلمي للثانوية الأزهرية والشهادات المعادلة وبمجموع لا يقل عن
90%.

جزاك الله خيرا , و لكن معلش عندى سؤال تانى , الاختبار الطبى و الرياضى بالفنية العسكرية زى اختبارات الكليات العسكرية الاخرى ولا مختلف .....

يا ناس حد يرد عليا , هو أنا سؤالى تافه لدرجة دى

the ghost كتب:

جزاك الله خيرا , و لكن معلش عندى سؤال تانى , الاختبار الطبى و الرياضى بالفنية العسكرية زى اختبارات الكليات العسكرية الاخرى ولا مختلف .....

نفس الاختبارات ، لانك لاتقدم اوراقك للكلية الفنية العسكرية ، بل تقدم اوراقك للكليات العسكرية والسادة المسئولين هم الذين يحددون لك الكلية التي ستنضم لها في حالة قبولك باذن الله ، وربما ترشح لاختبارات الكلية الجوية اثناء الاختبارات.

جزاك الله خيرا
كده انا الحمد لله عندى فكرة عن الاختبارات و شروط القبول بفضل ربنا ثم فضل حضراتكم , و ان شاء الله ساواصل استعدادى لدخول الكلية الفنية العسكرية , دعواتكم لاخوكم بالتوفيق ان شاء الله....

عندى اسئلة تانية يا شباب , ممكن حد يذكر اقسام الكلية الفنية العسكرية وطريقة الدراسة بها (المنهج العلمى + التمرينات الرياضية ) ومصاريف السنة الدراسية , وانا سمعت ان الطالب المتقدم للفنية العسكرية بيتعملوا اختبار لتقييم القدرات الذهنية الكلام ده صح ولا لأ , وفى حاجة تانية بعض الناس بتقول ان مجموع القبول بيكون 85% ايه صحت المعلومة دى , والمواصفات العامة للدخول مثل الطول مثلا , انا طولى 170 فما اكثر ....

انا طالب مصري ادرس في الامارات وحصلت على نسبه وقدرها 93,6 % واريد الالتحاق بالفنية العسكرية ,,
فهل تختلف الشروط عن الطلاب الدارسين في جمهورية مصر العربية ؟؟
ومتى تكون فترة التقديم للالتحاق بالكلية

وشكراااا

عندى سؤال لو سمحت هوما السادة المسؤولين هوما الى يختارو الكلية الى هيدخلها المتقدم ولا المتقدم بعد لما ينج بيختار الكلية