في ثانوي كان فيه مادة اسمها (التربية العسكرية ) لكن مكناش بنتابع اي حاجة عنها و في اخر السنة كان فيه امتحانين واحد عملي و بيتم فيه الضرب ببنادق الرش (ضغط الهواء) و امتحان نظري و قبل الامتحان حفظونا نشيد القوات المسلحة و اجزاء البندقية الرش و اجزاء ال AK47 و جت ورقة الامتحان و كانت عبارة عن تقريبا علي حسب ما اتذكر سبع اقسام كل قسم عن نوع من انواع الحروب و من ضمن الاقسام الحرب النووية و الحرب الكيماوية و الاسئلة كان اغلبها عن كيفية التصرف في تلك المواقف كشعب او كجبهة داخلية .... لكن مخدناش كتاب او اي حاجة للمادة دي .... ممكن حد لو يعرف يجيب لنا
المقرر بتاع المادة دي خصوصا لو كان في ثانوي حكومي هيكون بياخد المادة دي
ممكن يروح للضابط و ياخد منه الكتاب و يرفعهلنا ...... هتبقي خدمة كبيرة
جدا و ليييه مني تقيييييم (اول تقييم ايه)

لالالالالالالالالالالالا انا ضذ وضع نسخة من الكتاب في المنتدى خاصة اذا كان كتاب بمحتوى جديد اكيد انتو فاهمين عليا

لا يا اخي الكتاب ليس به اي اسرار هو مجرد تعليمات عن كيفية التصرف في حالات الحروب بالنسبة للمدنيين علي ما اتذكر في الحقيقة لم اري الكتاب انا دخلت الامتحان علي طول و فوجئت بالكلام المكتوب خصوصا اني لم اكن اعرف اي شئ عن الجيش سوي انه انتصر في 73 .... و لكني تذكرته

انا اعرف اخي ان الكتاب ليس به اسرار

حتى سعر الخضر والفواكه معلومات مهمة

انا عندى الكتاب ده بس بتاع حرب 73 كان بيدرس فى الجامعات فى انواع الحربو وانواع الطيران بتاع العدو سعتها وانواع طيرنا عشان الناس تعرف ان الطيران ده هيضرب ولا لا وحجات كتير وازاى تبقى محارب وعندى كمان الرسالة الى اتبعتت للجيش الثالث الميدانى لما حصروهم

اكيد حضرتك معاك الكتاب لكن قديم و هيبقي صعب كمان تعمله سكان و ترفعه عشان ميتبهدلش ... لكن لو عرفت ترفعه تبقي عملت خدمة كبيرة جدا ... لان كتاب زي ده لازم يتنشر لان معظم الناس عندها احباط من الحرب مع اسرائيل و كل ما الموضوع يتفتح يقول لك هيدونا واحد نووي يجيبونا الارض و احنا مش قدهم .... عشان كده فكرت ان العلم هو السبيل الوحيد للقضاء علي الظاهرة دي و ان الناس لازم تعرف ان السلاح النووي لا ينهي الحروب وحده و ان هناك دفاعات ضد الهجوم النووي او الكيميائي او اي نوع من اسلحة الدمار الشامل... و شكرا اخ خالد خليل

العفو اخ خالد بس الكتاب مش على الكمبيروتر انى ارفعوا وغير كده معلش عشان الامتحنات فمبعدش كتير بعد الامتحنات قولى انت بس على طريقة ات عارف انا ممكن اصورو بالمبيل بيطلع صور الكتابة حلوة واحطو بس انشاء الله زى مقولتلك فى الاجازة ان شاء الله عشان هياخد وقت ماشى ؟

خد وقتك طبعا انا كمان عندي امتحانات و مطحون و ان شاء الله لو انت عندك سكانر او تعرف واحد صاحبك عنده ممكن تعمله سكان علي الكمبيوتر و بيطلع بعد كده PDF بس هو اكيد هياخد وقت ... و مش لازم تتعب نفسك انا هدور علي الكتاب باكتر من طريقة و لو عرفت اوصله هاغرق بيه النت لاني تعبت من الاحباط اللي الناس معيشانه فيه .... و ربنا يوفقك في الامتحانات ان شاء الله

ماشى وانا كمان لو اعرفت ارفعوا بس بعد الامتحان انشاء الله هرفع وربنا يوفقك فى الامتحنات