كم تثير اعجابي هذة المقاتلة
"بصراحة أعتقد ستقضي علي أي طموح أمريكي في المنطقة"


قاهر 313
================================
كم اعجبني هذا الشبح الايراني وصراحة هذة المقاتلة بكل امانة ستمسح بكرامة المقاتلات الغربية والشرقية الارض _ده اذا كانت ...بتمشي علي الارض من الاساس _

عشان بقى نخلص من وجع الدماغ والصداع بتاع الصفيحة (ايوة الصفيحة) الايرانية اللي اسمها قاهر

الناس المضللين بالاعلام الايراني الكاذب والغشاش والمدلس من الدرجة الاولى واللي بيقارنوها بالاف-18/35 وكلام غريب جدا
سؤال بس هي ايران بتلحق تصنع المقاتلات دي كلها امتى ؟؟؟

يعني صاعقة واذرخش وشفق وقاهروشاهد وطيارات بدون طيار
بسم الله ماشاء الله ده غير اللي هانسمع عليه بعد كده وكلهم بيبقوا ورا بعض وفي زمن قياسي بيبيضوا مش كده ؟!!! على كده الاوروبيين والامريكان والروس والصينيين يقفلوا مصانعهم ومهندسيهم وفنييهم ينزلوا في شارع الهرم يشتغلوا صبيان عوالم وتباعين على الميكروباصات صح ؟!!!

يعني امريكا اللي بتعتبر صاحبة افضل تكنولوجيا عسكرية في العالم واكثرها تطورا بتقعد سنين طويلة تطور في المقاتلة وتتعرض لمشاكل وعثرات لحين اخراجها للنور مالهاش اي لازمة خالص وتروح تشتري من ايران والفرنسيين اللي بيطوروا في الرافال من سنين يشتروا من ايران وروسيا اللي بتطور في الباك فا والسو-35 من سنين تروح تشتري من ايران
واسرائيل نفسها تشتري من ايران !!!!!!
يبقى مصر كمان تشتري من ايران والاف-16 اللي عندنا ننزلها للعيال يلعبوا بيها في العيد وفي مولد النبي وصلي على النبي اللهم صلي عليه يارب !!!

- نتكلم بقى جد شوية وكلام علمي مش كلام مرسل وعاطفي لا يسمن ولا يغني من جوع ونشوف كده القاهر دي اي ظروفها وربنا يرحمني من قهرتي السودة :

- الكاوتش لامؤاخذة عبارة عن كاوتش عربيات متثبت بمسامير وبراغي وفين اصلا ماص الصدمات وانظمة الهبوط المعروفة والموجود في اي مقاتلة ؟!!! ده منظر ؟ : http://mod.ir/sites/default/files/images/f313.5.jpg

- الهيكل نفسه من انعكاس الاضاءة عليه يدل ودلالة واضحة على انه تم طرقه وسحبه ولحامه عند عم عبده السمكري .. اه والله !! ودي معمولة بمعجون هنا ؟ :
http://im34.gulfup.com/dK411.jpg
وهنا :
http://im31.gulfup.com/KEZy1.jpg
ودي مترقعة بمسامير
http://mod.ir/sites/default/files/images/f313.9.jpg
وده منظر هيكل طائرة تدريب بدائية حتى ؟ :
http://im32.gulfup.com/X3q21.jpg
انا نفسي افهم دي هاتطير ازاي واذا طارت هاتناور ازاي !!!

- فتحة دخول الهواء للمحرك المتغطية بالاحمر في اول صورة فوق على الشمال ضيقة جدا جدا .... دي لو طارت مستحيل تتخطى حاجز الصوت ولو بالطبل البلدي وفتحة عادم المحرك في الاسفل على اليمين تدل على انه محرك صاروخ ذو سرعة تحت صوتية Subsonic لا يتعدى ال0.7 او ال0.8 ماخ وطبعا مع كوم الصفيح والاضافات اللي اسمها مقاتلة واللي اكيد اثقل بكثير من هيكل الصاروخ يبقى المحرك اخره 0.4 ماخ واصلا ده منظر فتحة محرك وللا حتى تصميم هندسي :
http://mod.ir/sites/default/files/images/f313.7.jpg
؟؟؟ طيب لو الطيار استخدم الحارق اللاحق Afterburner بالمنظر ده الهيكل هايسيح
اه والله هايسيح !!! وفين اصلا مخارج العادم والريش الخاصة به كما في الصورة : http://www.f-15e.info/joomla/images/stories/illustrations/export/f15k/overview_engines.jpg ؟؟؟

- زجاج قمرة القيادة والله الكبايات امو جنيه ونص على الرصيف زجاجها انقى وانضف منه مليون مرة ومش عارف بالمنظر ده ازاي هايتحمل المناورات العنيفة High G Maneuver لو حصلت اصلا ولو الطيار لحق يعملها قبل مالزجاج يتكسر ويموت بحسرته ....

- قمرة القيادة دي بقى معجزة الله صلي على النبي ... دي قمرة قيادة مقاتلة وللا تابلوه عربية فيرنا ؟!!! فين شاشة التهديف الشفافة المعروفة في اي مقاتلة HUD Head-up Display ؟؟ فين عصا التحكم الجانبية Throttle Stick اللي لازم تكون موجودة بجانب الاساسية Flight Control Stick ؟؟ فين معدات الكرسي القاذف ؟؟ يعني الصفيحة لو الشاسيه فيص منها وهي طايرة والطيار حب يخلع هاينط بإيه ؟؟؟ فين المقعد القاذف ؟!!! هاتولي مقعد قاذف !!!!! بالذمة اصلا دي كابينة قيادة مقاتلة وللا كرسي في طيارة لعبة للاطفال من اللي في كارفور ؟!!! ده كابينة المحاكيات الخاصة بالطائرات انضف منها مليون مرة والله ..... بالذمة ده منظر ؟ : http://theaviationist.com/wp-content/uploads/2013/02/Q-313-4-460x320.jpg

دي صورة لمحاكي طيران صيني :
https://i.servimg.com/u/f76/12/96/61/99/milit496.jpg

كابينة قيادة الاف-16 بلوك-40 :
https://i.servimg.com/u/f35/12/45/34/01/f-16c213.jpg

كابينة قيادة الاف-15 اي سترايك ايجل :
https://i.servimg.com/u/f35/12/45/34/01/1e10.jpg

رادار الاف-16 بلوك-52 من النسخة AN/APG-68(V)9 الشديد التطور :
http://www.es.northropgrumman.com/solutions/apg68/assets/apg68v9_highres.jpg

طبعا الصفيحة الله اعلم برادارها ده اذا كان فيها رادار من اصله !!!

- فين نقاط تعليق الاسلحة ؟؟؟ وماحدش يقولي دي في بطن الصفيحة مافيش اي مداخل للاسلحة نهائيا !!! فين المدفع الرشاش ؟!!

- فين بودات الاستطلاع والتهديف وخلافه ؟!!

بود التهديف والاستطلاع المتطور Sniper X والقادم مع الاف-16 بلوك-52 :
http://farm6.staticflickr.com/5144/5624032086_780b841859_z.jpg

بقى دي :
http://4.bp.blogspot.com/_ja676MG45Zg/Sx0kEur-XsI/AAAAAAAABEM/wHJgAs8zTVU/s1600/f-16block52.jpg
تتقارن بالصفيحة ؟!!! لا حول ولا قوة الا بالله

طبعا اللي هايجيبلي الفيديو ده ويقولي ماهي طارت اهيه يا ادمن :
https://www.youtube.com/watch?v=r2PHCalUZbc&feature=player_embedded

هاقوله اه طايرة بالعجل بتاعها نازل كده عادي طيب خد ده وادعيلي واهي كلها طيارات وبتطير

https://www.youtube.com/watch?feature=player_embedded&v=U5qBIGXSZrA#at=262
وخد ده كمان وفيه نفس صوت الطيارات الحقيقية :
https://www.youtube.com/watch?v=iIe56AxQXPA&feature=player_embedded#at=256

- واما نقطة انها شبحية ف......................

وطبعا يتضح انه التصميم الايراني كان بيحاول يقلد دي :
http://www.ufo-contact.com/wp-content/uploads/2011/05/Boeing-Tacit-Blue-in-hangar.jpeg
طائرة Bird of Prey وهي مشروع امريكي لشركة بوينج انتهى في 1999 وطبعا سرعتها لم تكن تتعدى ال480 كلم/ساعة بحد اقصى لأنه التصميم والحجم لا يسمحان بأكثر من ذلك
================================

- ياسادة يا افاضل عيب والله العظيم عيب اوي اننا نصدق هذا الهراء والخيال والوهم الايراني ... ياسادة ده احنا صنعنا حلوان-300 من الستينيات وتصميمها وقدراتها كانوا اكثر تفوقا من الميراج-3 الفرنسية آنذاك ... ياسادة يا افاضل هذه الصفيحة والله خسارة فيها الكي-8 التدريبية تطلع تسقطها
http://cdn-www.airliners.net/aviation-photos/photos/3/5/0/1822053.jpg واخرها رصاص من مدفع الاباتشي ده الاباتشي نفسها غالية عليها
ياسادة يافاضل ايران كل ماتفعله انها تأتي بما لديها من اسلحة امريكية عفى عليها الزمن منذ السبعينيات وتقوم باعادة طلائها مع وضع بضعة تعديلات في الهيكل ويقولون صنعنا وانتجنا ... ياسادة يا أفاضل الصينيين المتطورين بمراااااااااااااحل عن الايرانيين ويكادون يلحقون بالركب الاوروبي والامريكي والروسي لم يصلوا بعد لكامل التقنيات في الطيران والشبحية

- معلش يا أدمن الايرانيين على الاقل بيحاولوا ... اه بيحاولوا مش عيب لكن مايضحكوش على عقول الناس بهذه التفاهات ... مايضحكوش على الناس ويقولوا المقاتلة الشبحية والقدرات الخرافية والمتطورة ... يقولوا نموذج طيران ماشي ... نموذج تدريبي ماشي ... نموذج تجارب ماشي ... لكن مقاتلة شبحية وجيل خامس يبقى حسين هو اللي يرد مش انا ... احنا في مصر عارفين حدودنا كويس اوي وبنقول اننا بنحاول بقدر المستطاع وبنبذل الجهود لتصنيع مقاتلة او توطين صناعتها واللي اتصنع عندنا معروف سواء كي-8 او الفاجيت بشراكة فرنسية او مروحية جازيل او طائرات تدريب اساسي ... لكن ماجيبناش هيكل وحطينا عليه شوية توابل وقلنا مقاتلة شبحية وجيل خامس وسرحنا في الخيال رغم القاعدة التصنيعية العسكرية الحترمة التي نمتلكها .... ماجيبناش دبابة واعادنا طلاءها ولسناها بلوفر شتوي وقلنا الدبابة المصرية الوطنية مثلما فعل الايرانيون مع دبابة الام-60 الامريكية .... ماجيبناش نظام التور-ام الخاص بالدفاع الجوي واعدنا طلاؤه وحطينا عليه شوية كلام عربي وقلنا صناعة محلية زي ماعمل الايرانيين !!!! ده اسرائيل نفسها اللي تعتبر دولة ذات تطور عسكري على اعلى مستوى ماعملتهاش وماطلعتش قالت احنا صنعنا مقاتلات ... ده اخرهم هايصنعوا اجنحنة الاف-35 والافيونيكس بتاعتها وتقولولي قاهر الايرانية ..... !!!
================================

للأمانة الموضوع منقول عن Admin 4
https://www.facebook.com/pages/Guns-weapons/262692497193270?ref=stream

بصراحة كان ليا هدفين من الموضوع الأول نقد موضوعي للطائرة
لا لا
أستغفر الله
هدف واحد وهو التقييم رقم 100
ونضحك عليها شوية
ههههههههههههههههههههههههههههههه

ركب ... ركب البربغندا