مساء الخير .. أنا عارف أن عنوان موضوعي وسؤالي ممكن يكون غريب شوية .. بس أنا بفكر أدخل السنادي الكلية الحربية بعد ما أخلص الثانوية عامة .. المشكلة أني مش عارف أنا داخل علي إيه رغم أني حابب أدخل كلية عسكرية .. بس مش عارف أعمل إيه ولا الحياة عموماً بتبقي إزاي في الكلية .. حابب حد يفهمني أكتر عن الكلية الحربية وكمان لاني محتار جداً بين كلية حربية أو أني أدخل أداب عبري .. وهل لو دخلت إعلام أو أداب عبري أقدر بردو ألتحق بالكلية الحربية ولا لآ .. مستني ردكم ونصائحكم وشكراً :)

الكلية الحربية >> يتم فيها قبول واستيعاب طلبة حربيين مستوفين للشروط التي تحددها الكلية .. بعد ذلك يتم اختيار الطلبة المستوفون للشروط للمثول واجراء المعاينات (معاينة شخصية .. كشف طبي .. لياقة بدنية )

بص هوا بالنسبه للكليه فأول سنه بتكون 3-4 شهور بس بس بيكونو اصعب الفترات علشان التجهيز النفسى و بالاخص ان اللى بيدى الاوامر هما طلاب من سنه 4 الاخيره فابيطلعو فيهم اللى اخدوه وباقى السنين بيبقى فى دراسات وحاجات غير الاعداد البدنى بس طبعا انت داخل علشان تخدم بلدك يبقى لازم نستحمل اعلى مرمطه
و ليا ابن صديق والدى فى الدفاع الجوى بيقول رغم انها مش زى الحربيه بس فى ناس اتعقدت لدرجه انهم بيجيبو لهم اطباء نفسيين يعنى اللى داخلها يكون ادها و اد الحياه العسكريه
وربنا يوفئك و يوفئنى و كل اللى عايزين يدخلو اى كليه عسكريه ان شاء الله

بالتوفيق ان شاء الله .. وربنا يحقق رغبتك وتدخلها