انا لم ادخل التجنيد ولن ادخله و لكني اتمني ان اكون بدلا منك
صدقني انت محظوظ و لن تدرك ما اقوله لك الا بعد ان تدخل الجيش المصري
يجب ان تفتخر بنفسك
و يجب ان تستمع لكلام الاخ عمليات خاصة

العمليات الخاصة كتب:

الجيش مفيش فيه اى حاجه تخوف يا اخى الفاضل انت بتدخل وبيكون معاك زملاء سواء مؤهلات عليا او متوسطه الكل داخل القوات المسلحه سواسيه مفيش بينهم اى فرق ابدا
ولنفترض انك دخلت الصاعقه واتعلمت ازاى تدافع عن موقع او تحرر موقع او تقوم بعمليات خلف خطوط العدو هل ده يعتبر شئ عادى بالنسبه لك؟؟ ولا شئ تفتخر بيه لانك هتبقىمن الناس اللى معدودين على الاصابع اللى يقدرو يعملو اللى انت بتعمله ده؟؟ونفترض انك دخلت سلاح المدرعات واشتركت فى المناورات التى تجريها القوات المسلحة المصريه مع مختلف الدول ولقيت نفسك فى معركه شرسه اشبه الى المعركه الحقيقيه ومطلوب منك التعامل مع اكتر من هدف وتلقى نفسك بتحقق الاهداف المطلوبه منك بنجاح مش ده يحسسك بالفخر ان البلد مسلماك امانه ومفيش عليك رقيب غير ربنا وضميرك؟؟؟ صدقنى اخى الفاضل الخدمة فى القوات المسلحة من اشرف المهن على وجه الارض لانك بتكون درع وسيف للوطن

كلام مظبوت والله العظيم 100% دا شرف بس فى ناس بتهرب من التجنيد دول الى ميستهلوش يعيشو فى مصر اساسا

لسي بدري عالجيش بالنسبة الي بس باتمني اني اخش صاعقة ان شاء الله دا شرف عظيم

انا طولي حوالي 174 ووزني 65 كيلو

بلعب سباحة و متفوق فيها و جسمي رياضي

اقدر ولا طولي دا مشكلة في ناس بتقولي اني قصير شوية ؟؟؟؟؟؟

تقريبا كله هيخش...هتتعلم تبقي راجل بجد......اول ما دموعك تنزل اعرف انك كنت الاول لسه مش راجل بمعني الكلمه.......هتكتشف نفسك و امكانياتك اللي لسه متعرفهاش.......هتتطلع و تبص علي اللي بيحصل في البلد انه شغل عيال ........و اي حد بيلعب مع الجيش خسران...هتلاقي ناس رفيعه قوي و قصيره و بيعملوا حجات محدش بيعرف يعملها و سلملي علي الجيم........انا دخلت و عديت و اترقيت لدرجه عريف مجند مهندس...........و لما حصلت البلبله اللي في البلد كانت عادي بالنسبه لي..........هتكون راجل أوي و هتستحمل كل حاجه حوليك.....الصاعقه بيكون ليها مندوب و محدش بيعرفوا واقف وسطيكواوانت بتعملوا الاجراءات و هو اللي بينقي..و بردو الحرس الجمهوري

طيب انا عندي سؤال دلوقتي انا نظري ضعيف عندي قصر نظر وطولي 175 ووزني 50 كم ولو مدخلتش ممكن انشل وانا في كليه هندسه قسم كهربا وسؤال تاني انا لسه مبتدا في الخبرات العسكريه والواحد كل يوم بيستفيد منكم وكان نفسي اعرف هو فيه في مصر تخصص تصميم سلاح تبع هندسه ثانيا لو عايز احضر دكتوراه في علوم الاسلحه هل موجود في مصر واسف علي الاطاله وياريت تجاوبوني في اقرب وقت وشكرا

يانهار ازرق يا جدعاااااااان الواحد لما بيشوف الناس بتتكلم عن مواصفتها وهم الي داخلين الجيش بيتحصر علي نفسه

انا طولي 185 سم ووزن 75 كيلو (خاسس كتير عن ايام التمرينات) ده غير النظر 6علي9 و6علي6 عادي (مش حاد) في اخر سنة في تجارة خارجية ان شاء الله

يعني كل الي محتاج اشد شوية في ااالاكل وارجع اتمرن تاني وابقي بغل بشري وارشق في ا سلاح الكائنات الفضائية الي شوفناهم في الشارع

وفي الاخر ماليش جييييييييش وحييييييييييد يعني ابن عمي يتجند قوات جوية وكان اقل مني بكتيييييييييير وانا مادخلش الجيش حراااااااااام

ايه يا جماعه الردود اللي يقول نفسي ادخل صاعقه واللي يقول حرس جمهوري واللي واللي ...
الكلام سهل وانت جالس علي النت بس الحقيقه صعبه جدا جدا بس المهم كله بيعديها ويصبح واحد تاني خالص غير اللي دخل الاول.
من الاول كده وبدون الدخول في تفاصيل هتعيش اصعب ايام حياتك بدون اي مبالغه ودي عن تجربه بس في الاخر كله انت وحظك ويبقي المثل الشهير في اوساط المجندين المصريين
( الجيش جيش ولو فوق السرير) يعني مهما يكون حظك حلو في الجيش هتكون ايامك اصعب الف مرة من الحياة المدنيه وكفايه كدا قلبت علي المواجع

بس ياhopa822000 لما يكون الواحد نفسه في حاجه بيأديها علي اكمل وجه و على دأي المثل حب ما تعمل حتى تعمل ما تحب غير لما تكون داخل غصب عنك انا نفس ارشق في اي سلاح من الجامدين الصاعقه السيل اي حاجه بس مش الحجات السهله اصلي بحب التحدي و الواحد عاوز يحس انه راجل بجد مش كلام و الجيش هو الي بيحدد انت راجل ولا مان بس سؤال هو كل الي الو اطوالهم دول ف كليات اصلي لسه فس اولى ثانوي و طولي ١٦٩ يعنى تقريبا ١٧٠ ووزني ٥٩ يعني تقريبا ٦٠ مش عارف كل حاجه عندي واقفه على واحد ليه و ربنا يوفقني و انا لعبت رياضات كتير (كوره ، ملاكمه ، كراتيه) فا يااااااااااااااااااااااااااااااااااارب ادخل الي نفسي فيه و يدخل كل واحد الي نفسه فيه 

لسه مجربتش الله اتمنا لك التوفيق