أهلا وسهلا بك زائرنا الكريم، اذا كانت هذه زيارتك الأولى للمنتدى، فيرجى التكرم بالاطلاع على القوانين بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة المواضيع التي ترغب.
القبض علي صلاح دياب .. وانقلاب السلطة علي رجالها كما يقول الكذابيين
كاتب الموضوع
رسالة
ملآك
رقـــيب
الـبلد : العمر : 35المهنة : رجل أعمالالمزاج : أنطوائىالتسجيل : 27/08/2020عدد المساهمات : 284معدل النشاط : 299التقييم : 15الدبـــابة : الطـــائرة : المروحية :
موضوع: القبض علي صلاح دياب .. وانقلاب السلطة علي رجالها كما يقول الكذابيين الأحد 6 سبتمبر 2020 - 7:17
القبض علي رجل الاعمال صلاح دياب ما يتقبض عليه او يتسجن ادام غلطان فين المشكلة مش فاهم .. رجل اعمال متورط في سرقة اراضي الدولة وهي اهم قضية شغالة عليها الاجهزة الرقابية الان وحتي ٣٠ سبتمبر و بيتم تطبيق القانون علي الجميع بلا استثناء .. ودي مش اول مرة تحصل مع رجال اعمال في عهد الرئيس السيسي .. ولو عايز تعرف انها مش اول مرة ابحث عن الاسماء التي تم هدم الفلل الخاصة بهم في المنتزه و المعمورة و سحبها منهم وتغريمهم غير كده فيه عدد كبير من رجال الاعمال اتصالحت مع الحكومة ودفعوا الفلوس الي عليهم او اتنازلوا عن الاراضي للدولة وقاموا بتقنين الاوضاع . لكن الحاج صلاح فاكر نفسه انه كبير علي الدولة وانه يقدر من خلال علاقاته مع اسرائيل وامريكا في بيزنيس البترول و الغاز وعلاقته الوطيدة مع الامارات انه هيقدر يبلطج علي الدولة المصرية .. وفاكر ان المصري اليوم هتحميه و تخليه يجمع اراضي له ولعائلته تكفي مليون مواطن مقابل ان الجريده تكون مع النظام ومؤيدة له .. وميعرفشي ان الحسابات دي و الحورات دي مبقتشي موجودة في ظل حكم الرئيس السيسي لانه بالمعني الصحيح الراجل ملوش حاشية ولا له بلاط رئاسي ولا له رموز ولا عنده مسمي اسمه رجال الدولة او الحرس القديم بل يتعامل مع الجميع علي قدر اجتهادهم وعطاءهم وعملهم وقدرتهم علي مواكبة بناء دولة جديدة في وقت قياسي وليس وفق اي حسابات أخري .. انا بقول كده ليه ؟؟ عشان الي حاسبين صلاح دياب او غيره علي الدولة ده رايهم الشخصي ومجرد كلام باطل ليس له وجود وانا قولت قبل كده ان الدولة و الرئيس ليس لهم علاقة بشخصيات او مؤسسات او احزاب يحسبون نفسهم علي النظام .. فالنظام الحالي ليس له رجال او حاشية وانتهي هذا العصر دون رجوع فلما تسمع مجموعة من الخرفان بتقول الدولة وقعت في بعضها قولهم ده كلام لا يليق بحجم دولة مثل مصر و سياستها الحالية ده لان صلاح دياب لو في تركيا نفسها كان هيتسجن ولو في امريكا كان هيتم اعتقاله ولو في اوربا مكنشي هيكون له أثر .. انت مين عشان تاخد حق مليون مواطن مصري ومش عايز تقنن امورك و لا تتحاسب هو انت ماسك علينا ذلة حضرتك مثلا او كاسر عنينا صلاح دياب زيه زي اي رجل اعمال او مقاول او مسئول او شخصية عامة او مواطن مصري اثناء حصر اراضي الدولة تم اكتشاف انه يملك اراضي شاسعة من غير وجه حق و يعترض علي تقنين اموره ويرفض الجلوس لحل النازعات القائمة علي الاراضي التي يملكها .. فلما اتعرض الامر علي القيادات اتقالهم زيه زي اي حد في مصر ادام غلط يتعاقب ويطبق عليه القانون هو مش علي راسه ريشه و حق مصر هيرجع من كل واحد اعتدي علي ارضها وخد منها وغرف بدون وجه حق " حرامية اراضي الدولة " لن يتم التهاون معهم ولو في متر ارض واحد
- والتاني يقولك فتحوا لشفيق قضية اصل هو و صلاح دياب كانوا بيتعشوا واتسجلهم وقالوا كلام ضد النظام طيب مش عيب لما تكون رجال اعمال وبتشتغل مع امريكا واسرائيل و التاني فريق ووزير طيران ورئيس وزراء اسبق و بيوتهم مخترقة كده صوت وصورة امال لو مسكتوا البلد هتعملوا فينا ايه طبعا ده كلام ميتقالشي الا من اتنين يا واحد عبيط يا واحد خروف اولا الاتنين لم يتم اي مقابلات بينهم من قريب او بعيد منذ اكثر من ٧ سنوات و بخصوص صلاح دياب اتكلمنا ووضحنا اما بخصوص احمد شفيق الموضوع سهل جدا لجنة المراجعة بوزارة الطيران المدني عملت جرد بأنتهاء السنة المالية في ٣٠ يونيه الماضي الي بيعمله كل مؤسسات وشركات وهيئات العالم بنهاية السنة المالية وبعد الجرد تبين وجود اخطاء وفوارق و مشاكل كبيرة تصل الي حد الفساد ولما راحت الرقابة الادارية اثبتت وجود الاخطاء و الطبيعي انه تم تحويلها للجهات المختصة و تم استدعاء الوزير المختص وقتها وزير الطيران المدني و هو احمد شفيق للتحقيق معه في حيثيات القضية هو ده الموضوع بكل سهولة الي قنوات الخرفان شغالة عليه حورات واكاذيب وتدليس وكلام فارغ و يربطوا بين اشخاص ووقائع ملهاش علاقة ببعض عشان يعملوا موضوع وقصة و يقوموا بأثارة الفتن والدسائس مع الاستغلال الامثل لما تقوم به الدولة من تطهير ومحاربة سارقي الاراضي .. وكأن المفترض ان كل مواطن ياخد حتة ارض مش ملكه ويبني بدون ترخيض طيب انا عايز من خرفان تركيا يروح ياخد حتة ارض في تركيا ملك الدولة ويبني عليها من غير تراخيص وشوف هيتعمل فيه ايه هيتفشخ حرفيا شامي ومغربي .. طيب محمد علي بتاع اهلي وناسي عايزك تاخد حتة ارض ملك الدولة في اسبانيا وقولهم ده بتاعتي وهبني عليها من غير ورق اقسم بالله تتسحل هناك ويتم اعتقالك وحبسك وتغريمك غرامة مالية الي معاك كله ميقضهاش وبعدها تطلع من السجن ويتم ترحيلك .. اما في مصر لما نقضي علي العشوائيات ونحاسب السارقين و الفاسدين ونرجع حقوق الدولة الي هي حقوق المواطنين يبقي حرام علينا و دولة ظالمة و دولة قهر و ذل و عشان تكون الدولة حلوة المفروض كل واحد يعمل الي علي مزاجه تشوه البلد وتسرقها وتاخد اراضيها وتبني عليها و تخالف و تاكل حقوق الدولة الي هي حقوق الشعب في بطنك و يبقي بلدك كلها عشوائيات ومن غير خدمات ونفس الناس الي بتعيط علي قضية المخالفات قرفنا طول النهار شوفتوا تركيا شوفتوا امريكا شوفتوا اوربا ويقعدوا يعايرونا ويقولوا للناس شوفتوا الجمال و التنظيم و الشوارع و الخدمات و الطرق والبنية التحتية هو ليه معندناش في مصر كده ؟؟ ولما عملنا كده بيقولوا حرام ده ظلم يعني نفس الناس بتنتقدك علي الشيء و عكسه و المفروض اننا نصدقهم ونقتنع بكلامهم ونقول عليهم صح .. يحترم القانون في اوربا وينتقد تنفيذه في مصر .. شوفتوا وساخة اكتر من كده
القبض علي صلاح دياب .. وانقلاب السلطة علي رجالها كما يقول الكذابيين
موضوع: القبض علي صلاح دياب .. وانقلاب السلطة علي رجالها كما يقول الكذابيين 
الأحد 6 سبتمبر 2020 - 7:17
.. رجل اعمال متورط في سرقة اراضي الدولة وهي اهم قضية شغالة عليها الاجهزة الرقابية الان وحتي ٣٠ سبتمبر و بيتم تطبيق القانون علي الجميع بلا استثناء .. ودي مش اول مرة تحصل مع رجال اعمال في عهد الرئيس السيسي .. ولو عايز تعرف انها مش اول مرة ابحث عن الاسماء التي تم هدم الفلل الخاصة بهم في المنتزه و المعمورة و سحبها منهم وتغريمهم
امال لو مسكتوا البلد هتعملوا فينا ايه 
