zero@fear كتب:

اه يا هوبا
امل هما طلعو نظريه ان امريكا هي الي عملت كده عشان تكون ذريعه لغزو العالم الاسلامي

المخابرات الالمانيه والمصريه بلغت امريكا

وفي الموضوع ^ لو قريته كله هتلاقي مكتوبه المعلومه

ده احنا كدة عندنا مخابرات خطيرة اوى و جامدة جدا
ولله فرحتنى يا زيرو ربنا يخليك

انا بعشق حد اسمه عمر سليمان بس ياخسارة كبير مش لو صغير شوية كان هوة الي مسك الحكم بعد الريس

و الله في موضوع تاني عن عمر سليمان بيقول انة مرشح لخلافة الرئيس حسني و اعتقد انة يستحق حكم مصر عن جدارة

karem كتب:

و الله في موضوع تاني عن عمر سليمان بيقول انة مرشح لخلافة الرئيس حسني و اعتقد انة يستحق حكم مصر عن جدارة

بس يا مان على الرغم من انه شخص ممتاز بس سنه كبير 80 سنة

العمليات الخاصة كتب:

اللواء عمر سليمان ولد عام 1936 يعنى يبلغ من العمر 71 عاما تقريبا وليس 80 وكما نعلم ان المخابرات تعتمد على الخبرة والعقل معا ولا ربط لها بالمرحلة السنية

ما اقصده يا اخي عمليات ليس كعمله رئيس مخابرات فانا من عشاق هذا الرجل بس انا مختلف على انه يمكن يكون الرئيس القادم مع اني اتمنى ذلك بس زي ما نتا قلت 71 سنة كبير على الرئاسة

abnmoussa كتب:

اخوتى الأعزاء..اهلا بكم..عندما نتكلم عن عمر سليمان فأننا نتكلم عن رجل بمعنى الكلمة ..رجل تعلم ان يعمل فى صمت تام ولاتجذبه الأضواء كثيرا مثل صلاح نصر الذى كان يعشق ان يكون فى دائرة الضوء دائماوبأى ثمن ..كانت لتلك الصفات الحميدة اثرها فى اسناد مبارك له الملفات السياسية الساخنة سواء مع الأخوة الفلسطنيين او السودانيين او الليبيين والمدهش انه نال احترام الجميع ونجح بأمتياز فى مهامه..فهو رجل المهام الصعبة فى ظل عدم وجود نائب لرئيس الجمهورية وعدم وجود ثقل سياسى عربى لجمال مبارك الذى لديه فى الوقت الحاضر حنكة اقتصادية تفوق حنكته السياسية .
عمر سليمان .. هو بالفعل من يرشحه الكثير لتولى الرئاسة بعد مبارك حيث اننا كدولة لازلنا دولة حكمها عسكري بمعنى انه لابد من يحكمها يكون رجلا عسكريا وبالطبع لايمكن نقل السلطة ببساطة للحكم المدنى فالأمر يحتاج الى مراحل متتعددة لاتغضب الجيش وتثير الشحناء والبغض بين افراده فتقوم الأنقلابات وتعود العجلة للوراء..لذا فأنا ارى ان اختيار جمال مبارك برغم تحفظات الكثيرين..ارى انها نقله ممتازة للديمقراطية فى مصر لأنها تنهى ارتباط شخصية الرئيس بالآلة العسكرية ..بعدها ستكون مصر على اعتاب ديمقراطية حقيقية وحكم مدنى تام وسيكون من اليسير اختيار رئيس مدنى وان نرى فى مصر رئيس سابق..اما اذا اعترض الجيش على جمال مبارك فالرجل الأمثل لتولى الدفة وايضا لتحويلها للأتجاه المدنى هو رجل المستحيل السيد عمر سليمان ..واعتقد ان عمره الذى يناهز السبعين ميزة كبيرة وليست عيبا لأنه تعنى ببساطة ضمان عدم استمراره مدة طويله جدا فى الحكم اى سيكون لديه الدافع ليخلد اسمه بجانب السادات الذى انهى بروتوكول اختيار رئيس الدولة من الضباط الأحرار واختار مبارك من جيل اكتوبر كمرحلة انتقالية جديدة وسيخلد اسمه كأول رئيس مصرى ينهى الحكم العسكرى فى مصر لصالح الحكم المدنى..اشكركم.
ابن موسى

كلامك جميل يا ابن موسى بس فيه جزء انا اختلف معاك فيه بشكل مريع
ياراجل عايز تجيب لنا جمال مبارك حرام عليك بجد دا انا لما قرأت الجزئية دى و تخيلت ان دا حصل السكر عندى كان هيعلى

الايمان كتب:

شكراً يا اخ م.فوزى على هذا الموضوع
ولكن
هل تعتقد ان ما به من معلومات يعتبر صحيحاً
أم أنه نوع من التلميع الاعلامى لعمر سليمان
لتهيئة الناس لشىء ما ؟؟؟
ولذلك نحتاج لمعرفة كاتب الموضوع حتى نعرف
الاجابة على هذا السؤال .

اخى وليد .. فى ظل عدم وجود خيارات .. من تقترح غيرة .. حتى وان كان الامر تلميع اعلامى .؟
ارجو ان يصلك سؤالى بالشكل المقصود .

الراجل ده دكر بكل معنى الكلمه انا عن نفسى لو اترشح رئيس هنتخبه 100 مرة على الاقل و هو ماشى بشعار نحن نعمل فى صمت ده الى بيخلى المخبرات تتقدم مش امريكا الكلام بيتنشر فى الجرايد و كل الناس تعرف