كلامك يا اخ Ahmadyaya
صحيح وفى نفس الوقت مش صحيح ازاى
اولا موقع الضبعه هو الموقع الاكثر ملائمه فى الوقت الحالى
لان اى موقع جديد محتاج وقت لايقل عن (3-5)من الدراسه لجعله صالح لاقامه مفاعل عليه
تانى حاجه دلوقتى فى فعلا دراسات لاختيار موقع على البحر الاحمر يعنى لا تقلق مواقع البحر الاحمر عليها اهتمام
تالت حاجه اختيار موقع الضبعه فى الساحل الشمالى الغربى ليه مغزى معين وهو التنميه الشامله
مش عن طريق انتاج الكهرباء فقط ولكن ايضا عن طريق تحليه مياه البحر وزراعه اراضى الساحل الشمالى بالاف الافدنه ومن ثم اقامه مدن مليونيه وحياه متكامله فى الساحل الشمالى الغربى
ورابع حاجه ضرب اى مفاعل نووى تعرف يعنى ايه
يعنى كارثه بكل المقاييس لانه فيه يورانيوم ووقود نووى يعنى مفيش ولا دوله تستطيع ضرب المفاعل النووى المصرى بسهوله
لو على اسرائيل الموضوع سهل (على راى المثل المصرى اللى بيته من ازاز ميحدفش الناس بالطوب)يعنى معناه تضرب المفاعل المصرى هضرب المفاعل الاسرائيلى
تضرب مصنع مصرى هضرب مصنع اسرائيلى
تضرب مدينه مصريه هضرب مدينه اسرائيليه
العين بالعين والسن بالسن والعمق بالعمق
خامس نقطه مين قالك ان البحر الاحمر عربى خالص
لا طبعا امريكا واسرائيل وكل الدول الاوروبيه وروسيا والصين واليايان ليهم اساطيل بحريه
فى جنوب البحر الاحمر يعنى البحر المتوسط فيه غواصات والبحر الاحمر ايضا فيه غواصات
واخر نقطه مش معقوله لما نيجى نبدا ببناء اى مشروع قومى ويقف بعد كده لاى سبب سواء خوف من اسرائيل او اى حاجه لازم نكمل كل مشروعاتنا بكل قوه
والسلاااام ختاااام