الأقســـام الاداريـــة

بعد هدم 4 أضرحة فى قليوب : سلفيون يهددون بهدم ضريح الحسين.. و(المحامين) تطالب شيخ الأزهر بالتدخل

آخر تحديث:
الجمعة 1 ابريل 2011 10:10 ص
بتوقيت القاهرة
بدأت نيابة قليوب التحقيق فى واقعةقيام مجموعة من الجماعة السلفية بهدم 4 أضرحة فى قليوب، بدعوى أنها «حرام شرعا».

وقال
أعضاء فى الجماعة لـ«الشروق» إن هدم الأضرحة لن يقتصر على الأقاليم وحدها،
وإنما لابد أن يطول الأضرحة الكبرى فى القاهرة، مثل مسجد الحسين والسيدة
نفيسة وغيرهما، فـ«هذه بدعة».

وكانت مجموعة من السلفيين قد هاجموا
أربعة أضرحة فجر أمس الأول، وهدموها، فيما تصدى لهم مواطنون من قليوب قبل
هدمهم ضريح «سيدى عواد» أحد أكبر الأضرحة فى المدينة، واشتبكوا معهم،
وتمكنوا من الإمساك باثنين منهم (هما سيد حامد وماهر العريان)، وسلموهما
للشرطة.

وبحسب شهود عيان، فقد استخدم السلفيون الفئوس وبعض الأدوات البدائية فى الهدم، ووضعوا خرسانة أسمنتية مكان بعض الأضرحة.

وأعلن
أعضاء فى مجمع البحوث الإسلامية، التابع لمشيخة الأزهر، رفضهم واستياءهم
الشديد وإنكارهم البالغ لحوادث الاعتداء على بعض الأضرحة، و«محاولة البعض
الاستيلاء على بعض المساجد والمنابر وادعائهم أنهم مخولون فى إقامة
الحدود»، حسب بيان المجمع.

وأضاف أعضاء المجمع، بعد اجتماعهم أمس،
أن هذه التصرفات «محرمة شرعا ومجرمة عرفا وقانونا»، وناشدوا المسئولين أن
يتصدوا لـ«هؤلاء المعتدين وألا يمكنوهم من تحقيق أهدافهم وأن يحولوا بينهم
وبين ما يريدون»، مؤكدين أن الإسلام «برىء من دعوات الاعتداء على أضرحة
الأولياء».

وخلال اجتماعه أمس، رفض مجمع البحوث الإسلامية طرح فكرة
انتخاب شيخ الأزهر فى الوقت الحالى، معلنين تأييدهم لاستمرار أحمد الطيب فى
مسيرته الإصلاحية، ومؤكدين أن الطيب هو الشخص الوحيد المناسب لمنصب شيخ
الأزهر فى الوقت الحالى. واستنكرت رابطة المحامين بقليوب دعوة السلفيين
لهدم الأضرحة، وطالبت شيخ الأزهر وكبار علماء المسلمين بالتدخل، وإصدار
بيان بهذا الشأن.

وحذرت الرابطة من تكرار سيناريو أحداث العنف الذى
شهدته مصر فى سبعينيات القرن الماضى، وقالت فى بيان لها: لا نتحدث عن شرعية
أو حرمانية هذه الأضرحة بل نتحدث عن مواجهات قد تصل إلى حد إراقة الدماء.

http://www.shorouknews.com/contentdata.aspx?id=421166

فى غلو فى الموضوع وماخد اكبر من حجمه بعد هدم 4 أضرحة فى قليوب : سلفيون يهددون بهدم ضريح الحسين.. و(المحامين) تطالب شيخ الأزهر بالتدخل 91362

غريبه !!!
اشمعنى بعد الاستفتاء بقينا نشوف احداث يوميه من سلفيين وتركيز اعلامى كبير عليهم وعلى الاخوان
السلفيين كانوا موجودين فى مصر من 25 يناير لحد 19 مارس وما راحوش فى حته
اشمعنى بعد 19 مارس الكلام عليهم فى الصحف والتليفزيون والنت يوميا
السيخ محمد حسين يعقوب ماحدش كان بيجيب سيرته فى اى مكان والناس كانت تعرفه من محاضراته المسجله وقناه الناس بس
بعد ماقال غزوة الصناديق لقينا اسمه فى كل وسائل الاعلام وهجوم هستيرى عليه
اشمعنى دلوقت سمعوا محاضرته فى مسجد بامبابه واهتموا باللى بيقوله
بعد يوم 11 فبراير يوم التنحى كل اللى بيسموا نفسهم القوى الوطنيه قالوا ان الاخوان فصيل مهم فى المجتمع ولايمكن إقصائه
بعد يوم 19 مارس يوم الاستفتاء بقى الاخوان بيخلطوا الدين بالسياسه ويرشوا الناس ومتحالفين مع الحزب الوطنى وبيتفقوا مع عمر سليمان
بيتهيألى ان كده بقى الاعلام واللى بيسموا نفسهم سياسيين ومثقافين وحقوقيين بقوا مفقوسين
يعنى لازم توافق على رأيهم ومواقفهم او تستعد للهجوم الأعلامى

غريبه !!!
اشمعنى بعد الاستفتاء بقينا نشوف احداث يوميه من سلفيين وتركيز اعلامى كبير عليهم وعلى الاخوان
السلفيين كانوا موجودين فى مصر من 25 يناير لحد 19 مارس وما راحوش فى حته
اشمعنى بعد 19 مارس الكلام عليهم فى الصحف والتليفزيون والنت يوميا

لان الحزب الوطنى والنظام السابق يدعمهم وكانوا اداة لالهاء الناس وتحجيم الاخوان
واللعب بورقة الفتنة الطائفية ولفتوا الانتباه من البداية بقولهم ان الثورة فتنة وتضليل
وانا جنبى جامع يسيطر عليه السلفيين كانوا يقولوا عن الثورة كلام لا يعقل
وصل الى التلميح بالتكفير فما رأيك

السيخ محمد حسين يعقوب ماحدش كان بيجيب سيرته فى اى مكان والناس كانت تعرفه من محاضراته المسجله وقناه الناس بس
بعد ماقال غزوة الصناديق لقينا اسمه فى كل وسائل الاعلام وهجوم هستيرى عليه
اشمعنى دلوقت سمعوا محاضرته فى مسجد بامبابه واهتموا باللى بيقوله

لانه ببساطة اتكلم فى السياسة وياريته ما اتكلم
فقال ان من قال لا هو عدو الدين ولمح للدولة الدينية بحيث لما لاتكون فى صف رجال الدين
فأنت ضد الدين وكمان عايزه يسافر للخارج ويترك البلاد
ولاتقول لى انه كان يهزر فى موضوع السفر لانه كلام خطير لايحتمل المزاح

بعد يوم 11 فبراير يوم التنحى كل اللى بيسموا نفسهم القوى الوطنيه قالوا ان الاخوان فصيل مهم فى المجتمع ولايمكن إقصائه
بعد يوم 19 مارس يوم الاستفتاء بقى الاخوان بيخلطوا الدين بالسياسه ويرشوا الناس ومتحالفين مع الحزب الوطنى وبيتفقوا مع عمر سليمان

لان طريقتهم فى توجيه الناس بأسم الدين والاستقرار كانت طريقة ملتوية
وجعلت من يقول لا عدو للدين والاستقرار فكان النقد -فهمت

بيتهيألى ان كده بقى الاعلام واللى بيسموا نفسهم سياسيين ومثقافين وحقوقيين بقوا مفقوسين
يعنى لازم توافق على رأيهم ومواقفهم او تستعد للهجوم الأعلامى

لما تتوقف الدعوة السلفية والاخوان عن التلاعب بأسم الدين وتكفير الاخر وجعله ضد الدين
لن تتعرض لاى نقد وستكون مواجهات سياسية نظيفة

[ الحمد لله انكم لم تخيبوا ظنى فيكم يا شباب المنتدى الرائع ..والله اتمنى ان من المجلس العسكري ان يقيل شيخ الازهر وكبار رموزة لانهم شوهوا صورتة ويهدمون فى الاسلام. ربنا يهدى الصوفيين والله ياجماعة الاضرحة دى اكبر حام واكبر دليل علي التخلف والجهل .

]

بن لادن كتب:: [ الحمد لله انكم لم تخيبوا ظنى فيكم يا شباب المنتدى الرائع ..والله اتمنى ان من المجلس العسكري ان يقيل شيخ الازهر وكبار رموزة لانهم شوهوا صورتة ويهدمون فى الاسلام. ربنا يهدى الصوفيين والله ياجماعة الاضرحة دى اكبر حام واكبر دليل علي التخلف والجهل .

]

لا اختلف معك فى الرؤية لكن الطريقة خاطئة 100%
بالحوار لا العنف -لاحول ولاقوة الا بالله

alaa tamer كتب:: لان الحزب الوطنى والنظام السابق يدعمهم وكانوا اداة لالهاء الناس وتحجيم الاخوان
واللعب بورقة الفتنة الطائفية ولفتوا الانتباه من البداية بقولهم ان الثورة فتنة وتضليل
وانا جنبى جامع يسيطر عليه السلفيين كانوا يقولوا عن الثورة كلام لا يعقل
وصل الى التلميح بالتكفير فما رأيك

ده بأمارة ان السجون اتملت منهم وحتى اى حد كان بيربى دقنه ويصلى فى الجامع كل الفرود كان بيتراقب او يتاخد ومنهم ناس اعرفهم امن الدوله خدهم على انهم من جماعات سلفيه مع انهم مش تبع حد
انا ماعرفش جوامع مسيطر عليه سلفيين لكن باسمع لمشايخ سلفيين فى قنوات دينيه فضائيه ومحدش فيهم كفر حد ولا حتى قال ان اللى يقول لا يبقى عدو الدين زى ما انت كاتب
كل اللى قالوه انهم هيقولوا نعم ودعوا لمصر بالامان والاستقرار والخير

لانه ببساطة اتكلم فى السياسة وياريته ما اتكلم
فقال ان من قال لا هو عدو الدين ولمح للدولة الدينية بحيث لما لاتكون فى صف رجال الدين
فأنت ضد الدين وكمان عايزه يسافر للخارج ويترك البلاد
ولاتقول لى انه كان يهزر فى موضوع السفر لانه كلام خطير لايحتمل المزاح

السياسه مش حكر على برامج التوك شو وكمان الاستفتاء على الدستور مش مجرد سياسه ده مصير بلد والكل له الحق انه يتكلم فيه ويقول رأيه
فى الجامع والكنيسه والجامعه الكل اتكلم براحته وفال رأيه
يوم الاستفتاء فى شبرا شارع طوسون والشوارع الجانبيه منه كان فى قساوسه بيطلعوا العمارات ويخبطوا على المسيحيين ويخدوهم يقولوا لأ علشان ما يكسلوش او يروحوا متأخر
اما انه لمح لدوله دينيه فانا مش عارف لمح أزاى يعنى
اللى اعرفه انالسلفيين والاسلاميين بشكل عام ومنهم يعقوب فالوا ان الدوله الاسلاميه دوله مدنيه بمرجعيه اسلاميه
وقالوا ان الدوله الدينيه بمعنى ان ولاة الامر يكونوا من علماء الدين مش فى الاسلام
وايه الخطوره اللى ممكن تحصل من كلام زى اللى قالوه يعقوب
الانبا بشوى الراجل التانى فى الكنيسه بعد شنوده من كام شهر فال ان المسلمين ضيوف فى مصر وان القران محرف وماحدش فال ان ده كلام خطير غير محمد سليم العوا حتى شيخ الازهر والمفتى ماشفوش خطوره فى الكلام ده وإلا كانوا قالوا
لو كلام يعقوب خطير ولا حتمل المزاح يبقى كلام بشوى ايه

لان طريقتهم فى توجيه الناس بأسم الدين والاستقرار كانت طريقة ملتوية
وجعلت من يقول لا عدو للدين والاستقرار فكان النقد -فهمت
الناس مش قطعان اى حد يوجها زى ما هو عايز
معظم الناس المتعلمين تعليم عالى او متوسط او حتى اللى مش متعلمين بيفهموا كويس وبيعرفوا يوزنوا الكلام اللى بيسمعوه ويقتنعوا بيه او لأ
وخصوصا لو الكلام بالدين لان معظم الناس تعرف الحد الادنى من الدين اللى يخليهم ما يتوجهوش من حد
وإلا كانوا أتأثروا بكلام شيخ الازهر لما قال بان المظاهرات حرام او لما قال المظاهرات دعوى للفوضى
ياريت انت اللى تفهم ان ماحدش يقدر يوجه الناس فى مصر زى ما هو عايز لا الشيوخ ولا التوك شو ولا الحملات على النت

لما تتوقف الدعوة السلفية والاخوان عن التلاعب بأسم الدين وتكفير الاخر وجعله ضد الدين
لن تتعرض لاى نقد وستكون مواجهات سياسية نظيفة

الجماعات الاسلاميه والأزهر وحتى الكنيسه ليهم الحق انهم يقولوا رأيهم والناس تقتنع او لأ
زى ما قولت ماحدش يعرف يوحه الناس خصوصا عن طريق الدين لكن الهجوم الأعلامى سببه إختلاف المواقف بس
يعنى لازم رأى الاسلاميين يكون من رأى القوى السياسيه وإلا
بمناسبة المواجهات النظيفه جريدة الاهرام يوم 18 مارس كانت مليانه بالمقالات اللى بتقول لأ للتعديلات ومنهم اللى ربط الاستفتاء بدم الشهداء وبرامج التوك شو سابت كل ده ومسكت فى اعلان صغير للجمعيه الشرعيه على نفس الجريده بيقول نعم للتعديلات

1- يعنى انت عايز تقول ان الامن لم يسمح بالخروج بالمظاهرات من اجل كاميليا
وانه لم يعطى الضوء الاخضر للجماعات السلفية باللعب فى ملف الفتنة الطائفية
وعلى السجون فالنظام السابق كان يستخدم سياسة العصا والجزرة
يعنى مش كله شهر عسل
لو لاتعرف جوامع مسيطر عليه سلفيين تعال زور اللى جنبى -بلاش تجاهل الحقائق
وسعادتك تقول ان السلفيين قالوا ان من قال لا ليس ضد الدين امال اللى قاله يعقوب ده ايه
وقال بالنص اللى قال لا عرفوا قدر الدين وعرفوا قدر نفسهم -تسمى الكلام ده ايه
وان انت تنكر ان السلفيين قالوا ان الثورة فتنة فأنت تنكر حقائق

2-وعلى التلميح للدولة الدينية فالاستاذ يعقوب قال ان من ليس فى صف المشايخ شكله وحش ويسافر امريكا وكندا فأيه تفسير الكلام ده عند سعادتك
ومش معنى ان غيرى غلط اروح اغلط زيه -هو ليس قدوة لى
وعلى الدولة المدنية ذات المرجعية الدينية ده كلام الاخوان مش السلفيين
ولو حتى قالوا بعد ما قاله يعقوب يدخل فى نفسى الشك فى انه لو وصل الحكم
سينفذ كلامه

3-طبعا انت عملت حركة ظريفة اوى واتكلمت على النخب وتركت القرى والنجوع
اللى تكون 60% من الاصوات الانتخابية ودول سهل توجيهم
انا من اسكندرية ناس كتير قالت لى انها ستقول نعم من اجل المادة الثانية
عايز تنكر الحقيقة دى براحتك لانى ملاحظ اسلوبك هو انكار الحقائق وده مش ظريف

4-لا ليس لك الحق فى التلاعب بالاديان الحرية لها حدود وأصول
والا كل واحد يجيب مجموعة شيوخ وقساوسة يطبلوا له فى الانتخابات وتبقى هيصة
ولمعلوماتك كانت مطالب الثورة اللى جماعة السلفيين اللى بتدافع عنها كانت ضدها
اسقاط النظام يعنى الدستور معاه والشهداء سقطوا من اجل اسقاط النظام
وصلت الفكرة

ايوة ايوة هما فعلا سلفيين اللى ناويين يعملوا كده!

بأمارة اللحية و الجلبية القصيرة؟!

متفقوا بقى لله علشان نعرف نعيش بدل الإحباط اللى البلد كلها فيه ده!

qmemo كتب:: ايوة ايوة هما فعلا سلفيين اللى ناويين يعملوا كده!

بأمارة اللحية و الجلبية القصيرة؟!

متفقوا بقى لله علشان نعرف نعيش بدل الإحباط اللى البلد كلها فيه ده!

ممكن تقول لى مصدر الاحباط
والله الواحد فايق مش محتاجك علشان افوق
رد رد عملى ومفهوم وناقش نقطة بنقطة

عايز رد عملى و نقاش نقطة بنقطة؟

دى حاجة بسيطة خالص!

اولا تعالى اجيب لك المسألة من الأول علشان تفهم!

انت علشان تميز فرد او تحدد هويته, لازم تشوف لبسه و كلامه المجتمع اللى هو مشترك فيه, ساعتها تعرف هو مين.

زمان, ايام زمان كانوا السلف الصالح مطلقين لحاهم بالكامل و لم يكن احد يعير المسالة اهتمام اكثر من انها تمام شكله كالرجل, لدرجة ان الواحد فيهم اللى مكنش له لحية كان يتمنى لو كانت بتتباع, يشتريها! يارب يوصل تمنها 10 الاف دينار!, طيب فيه ايه بقى مش بيعيروها اهتمام و فيه ايه يدفع فيها كل ده؟ ماهو لما تفهم ان السلف الصالح كان عندهم العلم فى اوجه و ازهى عصوره, تعرف ان الموضوع مكنش ازيد من الوجاهة فضلا على انها عادة عندهم طبيعية, و النبى اقرها كسنة للرجل!

نيجى بقى لزمنا العجيب ده, اللحية فى ايامنا دى مش اكثر من شوية شعر بتسيبهم يكبروا بدل ما متحلقه!, يعنى مش محتاجه مجهود خالص, و اللى مابتطلعلوش بيحمد ربنا!, طيب اليومين دول بقت سنة عند الناس و عمت بلوى الذوق الفاسد و معظم الناس بقت حليقة و عندنا كلنا شكل الراجل الحليق عادى!, مش كده و لا ايه؟ ايه بقى الفرق؟ اقول تانى, اللى عايز يربيها مش بيغلب لأنى زى ماقلتلك شوية شعر بتسيبه يكبر ربانى! يعنى انت ممكن تبقى هباب من جوه و سايب دقنك, ممكن تبقى بتصلى و سايب دقنك, ممكن اى حاجة و تسيب دقنك! هل ده اليومين دول بيعبر عن حاجة خالص؟

إذا هاتقولى اصل السنة و السلف هما بس اللى مربيين اقولك لا!, عبدة الشيطان مربينها! القساوسة مربينها, الحشاشين مربينها, كله مربى و كله ليه فيها نظرة, صدقنى تربيتها مش بتحتاج مجهود!
الله امال احنا بنتكلم عن ايه؟, احنا دلوقتى المفروض نتكلم على اللى ربوها و قالوا انهم سلفيين! مش كده؟ انا اشتغلت 8 سنين وسط نموذجين, النموذج الأولانى كان مربيها سنة و عنده بلاوى زيه زى غيره بس ربنا ستير حليم, و النموذج التانى مربيها علشان يمشى شغله وسط الملتحين, و ربنا برضه ستير حليم.

اتنصحت نصيحة غالية قوى, اتقالى عايز تعرف اللى اخ من اللى فخ؟ اتعامل معاه فى فلوس, دى الحاجة الوحيدة اللى تكشفه

طيب بناء بقى على فهمك للكلام الكثير اللى انا قلته ده المفروض تخرج بنتيجة واحدة بس!, ان الفرد لا يعبر عن الجماعة و لا القلة تعبر عن امة!, امال ايه اللى يعبر؟ اللى يعبر هو المنهج اللى بيخلى كل دول يعملوا اللى هما بيعملوه!

يعنى لو رجعنا لموضوع هدم الأضرحة, الجدع فيكم يجيبلى فتوى بأجماع من علماء هذة الايام بضرورة هدم الأضرحة بدون إذن الحاكم!

حيث بقى انه مافيش, يتبقى عندى حاجة واحدة بس, لعبة وسخة اول واحد لعبها هتلر!, ضربنى و بكى و سبقنى و اشتكى, البس شوية من عندى شكل اى حد عايز افقعه علقة و اعمل نمرة كده, و اطلع بعدها اقول انا باخد حقى!

ها اى اسئلة؟

اتنصحت نصيحة غالية قوى, اتقالى عايز تعرف اللى اخ من اللى فخ؟ اتعامل معاه فى فلوس, دى الحاجة الوحيدة اللى تكشفه

حلوة الحكاية دى وخصوصا السرد بتاعك كان جميل بعد هدم 4 أضرحة فى قليوب : سلفيون يهددون بهدم ضريح الحسين.. و(المحامين) تطالب شيخ الأزهر بالتدخل 15042

بعد هدم 4 أضرحة فى قليوب : سلفيون يهددون بهدم ضريح الحسين.. و(المحامين) تطالب شيخ الأزهر بالتدخل 15042

بغض النظر عن من فعلها ولن يكشف ذلك الا تحقيق محترم
انا عايز رأيك عن ما قاله يعقوب وعلى فكرة ده اللى كنت عايزه منك من الاول
بس انت علقت على موضوع الاضرحة
وفى النهاية الفكر المتشدد اخى يخرج فى النهاية متعصبين وفى النهاية ايضا انت تعرف البقية......
وعلى فكرة الدعوة السلفية ترى ان تربية اللحية واجب ليس سنة كما كتبت

alaa tamer كتب:: يعنى انت عايز تقول ان الامن لم يسمح بالخروج بالمظاهرات من اجل كاميليا
وانه لم يعطى الضوء الاخضر للجماعات السلفية باللعب فى ملف الفتنة الطائفية
وعلى السجون فالنظام السابق كان يستخدم سياسة العصا والجزرة
يعنى مش كله شهر عسل

امن ايه اللى بيسمح للمظاهرات
يبقى على كده الامن هو اللى سمح بالمظاهرات الفئويه وبجمعة إنقاذ الثوره
ولو كلامك صحيح كان الامن سمح بمظاهرات علشان وفاء قسطنطين ايام النظام السابق
دلوقت كل اللى عايز يقول رأيه بيقولوه ويعبر عن نفسه سواء افراد او جماعات مش هى ديه الحريه والديمقراطيه ولا انت عايز ديمقراطيه تفصيل
وسياسة العصا والجزره هى سياسة القوى ضد الضعيف مش المتحالفين مع بعض
لو النظام السابق متحالف مع السلفيين بشكل عام يبقى ماكانش فى داعى للعصا والجزره وماكانش قفل قنواتهم الفضائيه
وده مايمنعش ان فى اللى تحالف مع النظام السابق بشكل فردى من السلفيين والاخوان والازهر والكنيسه

لو لاتعرف جوامع مسيطر عليه سلفيين تعال زور اللى جنبى -بلاش تجاهل الحقائق
وسعادتك تقول ان السلفيين قالوا ان من قال لا ليس ضد الدين امال اللى قاله يعقوب ده ايه
وقال بالنص اللى قال لا عرفوا قدر الدين وعرفوا قدر نفسهم -تسمى الكلام ده ايه
وان انت تنكر ان السلفيين قالوا ان الثورة فتنة فأنت تنكر حقائق

قلت انى ماعرفش جوامع سلفيين بمعنى ما روحتش جوامع زى ديه مش بمعنى إنها مش موجوده
وكلام الشيخ يعقوب واضح ما تفسروش زى ما انت عايز
عدد كبير من اللى قالوا لأ كان فى دماغهم الماده التانيه من الدستور بس
ولو انكرت ده يبقى انت اللى بتنكر الحقائق
كلامه يعنى ان اعداء الماده التانيه والاسلام عموما يعرفوا حجمهم الحقيقى فى المجتمع
بالنسبه للسلفيين ما اعرفش منهم غير اللى فى القنوات الدينيه الفضائيه ودول يعتبروا رموز السلفيين
ماحدش من اللى شفتهم حرم المظاهرات المصريه او العربيه
لكن فى منهم اللى اتكلم عن شروط الخروج على الحاكم فى الاسلام وساب الحكم على كل حاله للناس
اللى حرم المظاهرات شيخ الازهر اللى مبارك معينه فى بيان للأزهر يوم 23 يناير
ثم بعد تفويض مبارك لعمر سليمان قال فى القناة الأولى ان المظاهرات دعوه للفوضى

2-وعلى التلميح للدولة الدينية فالاستاذ يعقوب قال ان من ليس فى صف المشايخ شكله وحش ويسافر امريكا وكندا فأيه تفسير الكلام ده عند سعادتك
ومش معنى ان غيرى غلط اروح اغلط زيه -هو ليس قدوة لى
وعلى الدولة المدنية ذات المرجعية الدينية ده كلام الاخوان مش السلفيين
ولو حتى قالوا بعد ما قاله يعقوب يدخل فى نفسى الشك فى انه لو وصل الحكم
سينفذ كلامه

بدايه كلامى - اللى انت فاكره دفاع عن السلفيين بالذات -كان عن الهجمه الاعلاميه المسعوره على الاسلاميين عموما مره تحت اسم الاخوان ومره سلفيين ومره متشددين
وطلما ان الاثنين غلطوا تفسر بإيه التركيز على كلام يعقوب وتجاهل كلام بيشوى
الدولة المدنية ذات المرجعية الإسلاميه ده مش اختراع من الاخوان
ده نظام واسس الدوله فى الاسلام وفى كتب كتير عن الدوله فى الاسلام
واللى شوفتهم فى القنوات الدينيه من رموز السلفيين قالوا نفس الكلام وحتى قبل 25 يناير بسنين
وعموما لما اشوف ان السلفيين او اى جماعه تانيه بتحاول توصل للحكم -خصوصا لو بطرق ملتويه-هابتدى اشك
لكن انا شايف دلوقت ان ناس تانيه هى اللى بتحاول توصل للحكم من غير صندوق انتخاب وبيتكلموا عن جمعيه تأسيسيه ومجلس رأسى
هما دول اللى اقلق منهم دلوقت

3-طبعا انت عملت حركة ظريفة اوى واتكلمت على النخب وتركت القرى والنجوع
اللى تكون 60% من الاصوات الانتخابية ودول سهل توجيهم
انا من اسكندرية ناس كتير قالت لى انها ستقول نعم من اجل المادة الثانية
عايز تنكر الحقيقة دى براحتك لانى ملاحظ اسلوبك هو انكار الحقائق وده مش ظريف

الظاهر ان انت لسه عايش فى زمن الحركات والشكيك فى اى رأى مختلف
فين النخب اللى اتكلمت عليها بالعكس انا ضد كلمات زى النخب والمثقفين والقوى السياسيه
انا قولت متعلمين عالى ومتوسط وغير متعلمين فى الأرياف والمدن معظمهم ناس واعيين وبتفهم وماحدش يعرف يوجههم
ولو 60% من الشعب سهل توجيه يبقى انت بتقول نفس كلام عمر سليمان ان الشعب مش مستعد للديمقراطيه دلوقت
والحل يبقى فرض الوصايه من القوى السياسيه مدعومه من الاعلام على الشعب الجاهل سهل التوجيه
الحقائق مش ملكك علشان تقرها و تتهم غيرك بإنكرها اللى ملكك هو رأيك الشخصى ومشاهداتك بس
فى ناس كتير قالوا نعم علشان الماده التانيه بس مش كتير بالنسبه ل 14 مليون قالوا نعم
ولو شيلتهم اقدام اللى قالوا لأ علشان الماده التانيه برضه هتلاقى ان التوجيه بنعم او لأ ما كانش له اثر كبير
وده رائى الشخصى ومش هاقول عليه حقائق

4-لا ليس لك الحق فى التلاعب بالاديان الحرية لها حدود وأصول
والا كل واحد يجيب مجموعة شيوخ وقساوسة يطبلوا له فى الانتخابات وتبقى هيصة
ولمعلوماتك كانت مطالب الثورة اللى جماعة السلفيين اللى بتدافع عنها كانت ضدها
اسقاط النظام يعنى الدستور معاه والشهداء سقطوا من اجل اسقاط النظام
وصلت الفكرة

واللى بيحدد اصول الحريه بقى هى برامج التوك شو واليوم السابع ومصراوى واللى زيهم
سحب حق ابداء الرأى بدعوى التلاعب بالدين مرفوض بالنسبه لى
لان ده مدخل لجعل جهه واحده هى اللى لها الحق فى الرأى الشرعى والافتاء
الاعلام قبل وبعد 25 يناير يهاجم اى تيار دينى غير الازهر
والمجتمع الاسلامى مالهوش مؤسسه دينيه واحده هى اللى ليها الحق فى الفتوى
كل اهل العلم ليهم الحق فى إبداء الرأى الشرعى بالدليل والناس تقتنع او لأ
عندنا الجماعات الاسلاميه والمؤساسات التعليميه والازهر الكل يقول رأيه بالدليل
اما التلاعب بالدين بمعنى محاولة توجيه الناس باسم الدين
رائى زى ما قولت انه ماكانش له تأثير كبير يبرر الهجمه الاعلاميه الهائله اللى غراضها الوحيد تشويه المخالف فى الرأى
بدليل ان فى جهاتين حاولوا يأثروا على الناس بأسم الدين بعض الاسلاميين والكنيسه
لكن الهجوم الاعلامى على الاسلاميين عامه تحت اسم الاخوان والسلفيين دون الكنيسه يبقى ايه السبب
وزى ما قولت اللى انا شفتهم ضد الثوره كان شيخ الازهر مره انها حرام ومره انها دعوى للفوضى
https://www.youtube.com/watch?v=GatSSKDNwbY
وطبعا بيان الثلاث كنائس بعدم خروج المسيحيين فى المظاهرات
وماحدش له الحق يتكلم باسم الثوره والشهداء
الثوره كانت فى كل مصر فى السويس واسكندريه والاسماعيليه والمنصوره والمحله وكل احياء القاهره
لكن دلوقت اللى بيتكلم باسم الثوره ناس من ميدان التحرير بس باعتبارهم النخب
والنظام والدستور سقطوا والاختلاف هو طريقة وضع الدستور الجديد
الشعب لما يقول رأيه بيقوله من خلال الصناديق طالما مافيش تزوير
مش هايقوله من خلال رؤساء تحرير وكاميرات تليفزيون

@alaa tamer

ماشى, هو فيه نقطتين طالما انت ذكرت موضوع الوجوب

1-اللحية فرض عين على كل مسلم عاقل بالغ بإجماع الأمة الأربعة المشهورين, الأختلاف الوحيد جه فى هل تطلق على طول و لا لغاية قبضة؟
2-فيه مسألة فى حكم عموم البلوى, و لأنى مش متخصص مقدرش اشرحه و لا اسرد فيه

بالنسبة بقى لموضوع الشيخ محمد حسين يعقوب, لما تقترب من الناس دى, تعرف انه مش فاضى يتكلم مع حد, يعنى عايز تساله بينك و بينه يبقى انسب وقت وهو داخل الحمام او وهو خارج منه! لانه بعد كده يا فى قناة, يا فى درس فى مسجد, فى رعاية اهل بيته, يا فى تجارته.

اللى بيحصل انه بيعتمد على حد المفروض انه ثقة, و الثقة ده ممكن يضلل يعنى يتقال له دول بيعملوا و بيسووا و بيقندلوا, إلاخ إلخ, و الناقل اصلا مضلل!

فايقوم الشيخ يجهز رده بناء على الأخ المساعد الثقة.

طيب خليه قالها عمد!, هو ملاك؟ الراجل اعتذر لما الناس نبهته ان اللى عمله ده مييصحش؟

محدش عمل كده ليه فى يحيى الجمل لما كفر بوحدانية الله عز وجل و اشرك به؟ كفر ازاى؟ اقولك...لما يقول ربنا لو دخل قدام ربنا ياخد 70% يعنى دلوقتى بقى معايا اتنين ربنا!, واحد اخذ 30% و التانى 70%!

هاتقولى, ماهو اعتذر قدام النيابة!, هاقولك شفت انت بتقول ايه؟ قدام النيابة يعنى قدام قاضيه, يعنى وهو خايف!, هاتقولى و اشعرفك انه خايف؟! هاقولك ماهو طلع قبلها فى برنامج و اتسأل عن الموضوع ده و معتذرش! بالعكس ده قال الكلمة عجبت ناس كثير قوى!

بلاش ده كله شوف الفيديو ده

قولى بعدها عايز اى حد مايردش زى الشيخ محمد حسين يعقوب ازاى!

السلفي الحق يعلن براءته من هذه الفعلة، بهذه الكلمات استنكر العلامة السلفي الكبير الدكتور محمد عبد المقصود، هدم الأضرحة على أيدي بعض ممن ينتسبون للدعوة السلفية بمصر.
وشدد الشيخ عبدالمقصود احد ابرز قادة السلفية، وأحد مرجعاتها العلمية الكبري، على أن هدم الأضرحة ليس من الاسلام في شئ.
وناشد
الدكتورمحمد عبدالمقصود السلفيين الحق بإعلانهم براءتهم من هذه الفعلة،
قائلا إن ما فعله هؤلاء الشباب يعد مصيبة كبري ستؤخرنا سنوات إلى الوراء،
ونحن لانريد ان يتأسف الناس على النظام البالي الذي وضع هؤلاء في السجون.
واضاف
الشيخ عبالمقصود في تصريحه الذي أوردته صحيفة الأهرام، أن الاسلام برئ من
هذه الافعال لان إنكار المنكر منوط بألا يؤدي إلى منكر أشد، فإن أدى إلى
ذلك كان محرما.
وذكر الدكتور محمد عبدالمقصود، أن القرآن نهى عن سب
"اللات والعزى" آلهة المشركين في عصور فجر الإسلام، حتى لايسب المشركون
الله تعالي، وذكر قوله تعالى "ولاتسبوا الذين يدعون من دون الله فيسبوا
الله عدوا بغير علم"، معلقًا: ما بالنا بهذه الأفعال المنافية للدين.
وفيما
يتعلق بقضية "قطع أذن" أحد الاقباط بمحافظة قنا، قال الشيخ عبدالمقصود: "
ليس في الشرع عقوبة تقطع فيها الاذن إلا علي سبيل القصاص، و"الأذن بالأذن"،
مؤكدًا أن من يقوم بهذا الأمر هو ولي الأمر وليس آحاد الرعية.
يذكر
أن الشيخ محمد عبد المقصود عفيفي، وُلد عام 1947، بمحافظة المنوفية، وتخرج
من كلية الزراعة ثم حصل على درجة الماجستير والدكتوراة من كلية الزراعة
جامعة الأزهر، ويعمل عبدالمقصود دكتور مهندس بمعهد البحوث ووقاية النباتات،
وشارك في العديد من المؤتمرات العالمية.

» مصر بتعلى يوم بعد يوم شيخ الأزهر يوافق على إنشاء فرع لرابطة خريجى الأزهر بماليزيا
» متظاهرو السفارة : سنفجر ضريح أبو حصيرة
» تغطية أحداث سوريا "موضوع موحد "
» الاحتلال الإسرائيلي يخطر بهدم مساكن في الاغوار الشمالية
» ضريح محمد علاء مبارك يخلو من الزائرين بعد تنحى جده عن الحكم

الأقســـام الاداريـــة

الأرشيف

مواضيع عامة

بعد هدم 4 أضرحة فى قليوب : سلفيون يهددون بهدم ضريح الحسين.. و(المحامين) تطالب شيخ الأزهر بالتدخل

بعد هدم 4 أضرحة فى قليوب : سلفيون يهددون بهدم ضريح الحسين.. و(المحامين) تطالب شيخ الأزهر بالتدخل

مواضيع مماثلة

مواضيع مماثلة