اولا انا شاب مصرى ووطنى جدا يعنى يهمنى وطنى قبل كل شىءلذا فانا ارجو من خبراء المنتدى ان يطمنونى ويطمنو اى واحد مصرى عن وضع القوات الجوية المصريةلان بجد اللى انا سمعته مايطمنش خالص واللى انا سمعته ان احدث مقاتلة مصرية هى ف16 بلوك 42 يعنى حتى مش 52 وده شىء يرعب خاصة وان عدونا الاول والابدى اسرائيل لو فكر ف حرب هتبقى حرب جوية ف المقام الاول وايه حقيقة الصفقات الروسية من الميج29 اس ام تى والسوخوى 35 هل هى اشاعات ام حقائق ام حقائق عليها ستار من السرية؟؟؟؟؟؟ وشكرا ع فكرة ده الموضوع الاول ليا

بسم الله الرحمن الرحيم


بص يا ابو حميد أنا بقولك أطمن لانى مصرى زيك و بحب البلد جدا وضع القوات الجوية حاليا

المقاتلات :
-----
1- مقاتلات اف 16 بلوك 42 مزودة بستودعات تصويب ليزرى ( لانترن)
2- مقاتلات ميراج 2000 مطورة للطراز ميراج 2000-9
3-مقاتلات فانتوم اف 4 مطورة ايضا
4- مقاتلات ميراج 5 مطورة حديثا و اضاف التطوير الاخير ده قوة كبيرة لها
5- مقاتلات ميج 21 مطورة حديثا فى اوكرانيا و هى تستطيع حمل الصاروخ الروسى ار 73
و اضاف التطوير الاخير قوة ايضا للمقاتلة

============================
المستقبل :
-----
مصر تسعى فى الفترة القادمة بالاهتمام فى المقام الاول بالقوات الجوية و القوات البحرية و تطوير القوات الجوية عن طريق ادخال مقاتلات حديثة من الجيل الرابع ++ الى الخدمة مع احلال المقاتلات المتقادمة من طراز ميغ 21 بمقاتلات متطورة ستكون غالبا من الكتلة الشرقية بأعداد كبيرة و سوف يتم طلبها بمواصفات خاصة لتلبى احتياجات القوات الجوية و المقاتلات المقترحة من الجيل الرابع ++ هى الاف 16 بلوك 60 او الرفال او اليوروفايتر او العملاق السوخوى 35 او الاف 18 سوبر هورنت الرائعة اما المقاتلات المتوقعة بدل الميغ 21 هى الميغ 29 اس ام تى 2 او الاف سى 1 الصينية أو الميراج 2000-9 .

أطمن يا احمد كل مايقال عن صفقات غير مؤكد
وان شاء الله قريب نسمع اخبار جميلة خصوصا بعد ما اوباما هيمسك يوم 20
و هيبان كل حاجة و متنساش ان عندك اعقد شبكة دفاع جوى فى الشرق الاوسط و العالم.

شكرا ياهوبا ع المعلومات الرائعة دى ولو عندك المزيد عن المستقبل القريب عن الصفقات اللى سيعلن عنها ارجو ان تفيدنا وتطمنا اكتر واكتر