انا من طنطا وي محتاج انزل مدينه نصر الحي العاشر مستشفي الوفاء و الامل لو حد عارف عنوان المستشفي ديت بي التحديد يكون تمام اوي وي كمان اركب ايه عشان اوصل لي مدينه نصر الحي العاشر



انا عارف ان السؤال ملوش علاقه بي الموقع لكن انا اسف محتاج الرد من سكان القاهره بظبط

مستشفى الوفاء و الامل اصبحت ملك القوات المسلحة و ليست كما كانت قبل الثورة هذا ان لم تكن قد وصلتك المعلومة من قبل اما عنوانها فبمجرد السؤال عليها 1000 من يدلك عليها و عموماً هى تقع فى شارع ذاكر حسين بجوار مسجد السلام او مدرسة طلائع المسقبل.

منا عرفت انها تبع القوات المسلحه مهو انا رايح هناك عشان تدرب علي اجهزه رياضيه جديده بتستخدمه المستشفي ديت


عمومن انا هركب القطار وي هنزل محطه مصر هركب من رمسيس علي الحي العاشر وي بعد كدا اسئل هناك علي مكان المستشفي صح كدا يا جماعه ولا ايه الكلام

ينقل إلي تواصل الأعضاء
يرجي إختيار القسم الصحيح قبل كتابه الموضوع

وانتة جى انزل موقف عبود واتمشة شوية لحد موقف المظلات هتلاقى هناك ميكروباص رقمة 304 هينزلك قدمها عدل

ألا تعلمون إين علام يا دكتور ؟

طيب يا جماعه لو ركبت ونزلت رمسيس وي بعد كدا اروح موقف المظلات ده ازي

القاهرة دي متاهة ... ربنا معاك

بوص يا برنس انت يا اما تركب تاكسى ابيض ب 20 جنيها ياما تركب ميكروباص للعاشر

وقول للسواق انا عايز الوفاء والامل وها ينزلك وعندها با لظبط او انزل السابع عند الشبراوى
(بتاع الفول والطعمية)

واركب عاشر وبردوه هاتنزل

هناك لانها وسط طريق سابع عاشر هاتلاقى قدامها عمارة بيضة طويلة وبعديها جامع

اسمه جامع السلام وابليها مدرسة ال فيوتشر واخر سور المدرسة البريد وبعديها بوابة المستشفى

واى حاجة فى مدينة نصر قولى انا فى الخدمة

انا مش عارف اشكركم ازي يا جماعه علي المساعده ديت وي شكرا لكل من ساعدني

دلوقتي يا باشا كل الا هعملو هركب من طنطا مكروباص لي رمسيس وي بعد كدا هنزل رمسيس وي بعد كدا يا اما اركب تاكس العاصمه او اركب مكروباص لي الحي العاشر وي اقول لي السواق نزلني عند الوفاء و الامل كدا تمام ول الكلام ده في غلط

لا التاكسى الابيض ده مش تاكسى العاصمة ده تاكسى بالعداد وتمام الكلام الى انت قولتوا

والميكروبصات اسال عليه بتاعت العاشر فى رمسيس فين بالظبط

الله ينور عليك يا محمد انا رحت هناك وي علي الوصف بتاعك طلع الكلام ميه ميه وي الحمد لله وصلت المستشفي بسرعه رهيبه اشكرك علي النصيحه