حكاية من تأليفي لنضحك قليلا
فى يوم تقديم اوراق التجنيد ذهب الشاب السيس الى مكتب التجنيد
وبعد ما يقارب 5.....دقائق من الانتظار يقول للظابط
"لو سمحت يا عمو مفيش هنا تكييف او عصير فرش"
فيرد الظابط عليه "ايه يا سوسو تعبي من 5 دقائق"
وبعد فترة جلس الشاب السيس يبكي
فسأله احد المتقدمين عن سبب بكائه
قاله "اصل الجل نشف وشعري اتنعكش
وريحتي بقت كلها عرق ده انا حتى كنت رايح اقابل حبيبتي بعد التقديم
كده هضطر اروح استحمى"
طبعا استهزء بيه
وبعد التقديم تم قبوله (لا اعرف جزئية الاختبارات جيدا)
وفي اول يوم له من حياته العسكرية يقوظه المشرف فى ميعاد مبكر
فيقول الشاب السيس "ايه يا ماما انا مش عايز اصحى دلوقتى سيبني لحد ما الشمس تروح"
فيقول له الظابط "قوم يا حيلتها امك فى البيت . قوم قبل ما احبسك"
فيقوم واثناء ارتداء الملابس يقول للظابط "لو سمحت يا عمو.....قصدي يا افندم
ممكن ابدل الجزمة دي بجزمة شمواه او جلد طبيعي والزي العسكري يكون حرير"
فيرد عليه "اه ان شاء الله لما نبقى نروح ندرب فى مارينا . يلا البس يا حيلتها"
بعد ان يلبس وبجهز يذهب مع افراد وحدته للافطار فيقول للمشرف
"ممكن يا افندم اكل كرواسون او كورن فلكيس اصل انا مش متعود على الاكل ده ويا سلام
لو معاهم لو معاهم كباية قهوة بالكريمة"
فيعنفه الظابط ويقول له "افطر يا سوسو يلا"
وبعد الافطار واصفاف الجنود لبداية التدريبات
ويبدأ الظباط بالقاء التعليمات عليهم
فيقول هو "ممكن اروح اجيب شمسية اصل دماغي وجعتني من الشمس
ومعاها كرسي خشب اصل رجلي وجعتني"
فيرد عليه الظابط "وممكن كمان شاشة lcd وموبايل ومياه ساقعة"
فيرد عليه "تبقى مشكور يا افندم"
فيصرخ الظابط فى وجهه "انتباه يا عسكري"
ثم يتجه الى منصات التدريب المختلفة
وطبعا لا يستطيع تنفيذ معظمها وبعد يوم طويل
وقبل النوم يقول ويكلم زملائه "انا تعبت اوي النهاردة تخيل انهم طلبوا مني ان انط جدار طوله متر
وكانوا عايزني ازحف على بطني واوسخ البدلة والاكثر من ذلك كانوا عايزيني اجري مسافة 50 متر"
فيضحك عليه زملائه ويذهبون للنوم
وبعد قضائه فترة التدريب وتعيينه فى الجيش اعلنت حالة الحرب
ففي اثناء توجههم الى ميدان المعركة يقول للقائد
"هو صحيح يا افندم
الجيش اللى هنحاربه هيكون حريمي ولا رجالي"
فيرد الظابط باستغراب "ودي هتفرق يعني"
فيقوله "طبعا هتفرق لانهم لو رجال هيكون صوتهم عالي وخشنين وريحتهم وحشة
انما لو حريمي هيبقوا ناعمين وصوتهم حلو"
فيضحكوا عليه وبعد الوصول الى مكان المعركة
فيقول للقائد "ياريت يا افندم يكون الجيش اللى هنحاربه يكون حريمي وافضل لو كانوا بالبكيني"
فيسكته وبعد ربع ساعة من بدء القتال وكان وقت المساء يقول
"يا افندم انا عايز اي فواكه اكلها او عصير اشربه" وكل هذا اثناء ضرب نار مكثف
فلا يرد عليه القائد لانشغاله فى القتال
واثناء فترة الغروب "يا افندم انا هروح دلوقتي عشان انا تعبت هاخد بريك صغير
اتفرج على التلفزيون واكل فاكهه واشرب عصير واحاول اجي لكم بلليل بس لو مجتش يبقى انا نمت
وياريت ما تكملوش الحرب لحد ما ارجع عشان عايز اشوف هتخلص على ايه
يتركه القائد يذهب ليرتاحوا منه

وان شاء الله هحاول اكملها لاحقا ولو حد عنده اضافة ياريت يحطها

ههههههههههه

كمل يا باشا

ههههههههههههههههه

الكلام ده لو عالحقيقة هياخد الشهادة البمبى من قبل ما يدخل اساسا



تخيلوه بالأفارول

ارجوك اخي اكمل القصة انا متشوق

انا عرفت انت تقصد مين ده الجيش الاسرائيليى صح وده مجند فيه ههههههههههه

سأحاول ان اكمل من تأليفي برضه

بعد ان تركه القائد ليذهب ليفاجأ بعد مسافة 100 متر
بجنود العدو وهو لا يعرفهم فيشاهدونه ويأخذوه واثناء اسره يقول لهم
"هو انتوا اللى هتروحوني لماما . الحمد لله يا رب ياريت لو حد فيكم
معاه تليفون يعطيه ليا عشان عايز اكلم الجيرل فريند بتاعتي"
فتواجد مع احدهم بالصدفة التليفون فاعطاه اياه ليضحكوا عليه بعد ان عرفوا
انه شاب سيس
فيتصل بها ويقول لها بطريقة غرامية غير آبه بالموجودين
"وحشتيني اوي اوي اوي . نفسي اشوفك"
فترد هي "انا سمعت انك فى الحرب هتقدر تقابلني"
فيقول "اه اصل انا خدت بريك وهكمل الحرب بكره او ممكن ابقى اقدم
اجازة مرضي وارجعلهم كمان اسبوع ولا حاجة"
فتر هي "طب انت هتيجي امتى"
فيقول "انا زماني جاي اهه . اتعرفت على ناس صحابي mens وهيروحوني لماما"
بعد ان اغلق معها الهاتف كلهم ضحكوا عليه وهو لا يعلم حتى الان انهم جنود الاعداء
وبعد الوصول الى الموقع وهو يستغرب
ادخلوه مباشرة للاستجواب
فاجلسوه على جهاز كشف الكذب لاخذ المعلومات
وهو يصرخ بصوت ناعم (هوه سيس طبعا) "انتوا مين انا عايز اروح لماما
لو ماما عرفت اللى انتو عملتوه فيا هتقطعكم"
ضحكوا عليه كالعادة
فدخل عليه الظابط الذي سيحقق معه وقبل ان يبدأ الظابط فى الكلام
قال له السيس "ياريت يا عمو تقولي انا بعمل ايه هنا"
فيقول له الضابط باستهزاء
"يعني انت مش عارف انت جاي هنا ليه"
فيرد عليه هو
"اصل انا قابلت ناس لابسين زيك كده وقالوا ليا انهم هيروحوني لماما"
فقال له الظابط "اعتبر نفسك فى ترانزيت على ما تروح لماما"
فيقول له الشاب السيس "طب ياريت يا عموا تجيبوا ليا كرسي هزاز ويا سلام
لو كان قطن وياريت تشيلوا الحاجات اللى انتو راطينها عليا دي (يقصد حساسات الجهاز)
وياريت كمان تجيبوا ليا غداء حلو كده اصل ان بقالي كتير ما اكلتش اكل حلو"
فيقول له الظابط باستهزاء مرة اخرى "تحب اجيبلك المنيو وانت تختار منها اللى تحب تاكله"
فيرد عليه بالايجاب
فيقول له الظابط "اخرس بقى وجاوب على الاسئلة اللى هسألها ليك دلوقتى"
فيبدأ الظابط بطرح الاسئلة
"س: ايه علاقتك بالجيش اللى انت كنت بتحارب معاه"
"ج: هما ضحكوا عليا وقالوا لي ان احنا رايحين نتفسح خصوصا وان انا
من اول ما اتجندت ما خرجتش فسحة"
"س: نقطة الحرك بتاعتكم كانت فين"
"ج: انا اعتقد انها كانت منطقة على البحر او على النيل اصل كان فيها مياه"
"س: يعني انت مش عارف تميز بين النهر والبحر"
"ج: لو ذقت المياه ممكن اعرف"
فيكمل اسئلته بعد ان بدأ يغضب منه اكثر
"س: ايه نوعية السلاح وحجم السلاح الموجود فى نقطة التحرك بتاعتك"
"ج: انا شفت اسلحة غريبة كده كنت بحسبها رشاشات ميه طلعت بترش رصاص"
"س: ايه نوعية المدرعات اللى كانت تتحرك معاكم وعددها كام"
"ج: انا شفت مدرعة اعتقد انها فيراري او اودي وكان في واحدة كمان اعتقد انها كانت بورش
واعتقد انهم كانوا 5 حتى انا كان نفسي اسوق واحدة لاني عمري ما شفت الموديل ده فى
السوق قبل كده"
فبعد كل هذه الاسئلة يثور الظابط
"انت مش بتفهم يا تيييت وتييييت يا ابن التيييييت تيييييت عليك"
فيرد عليه الشاب "انت بتشتم ماما انتا اللى تييييت ومامتك تييييت"
فيأمر الضابط ان يعذبوه قليلا
فيدخل عليه احد الجنود حاملا فى يده دمية تويتي ويبدأ فى تقطيعها امام الشاب السيس
والشاب يصرخ ويقول "يا جبان هو ذنبه ايه انت معركتك معايا انا سيب تويتي فى حاله"
كل هذا والناس فى المكان يضحكون
ثم يحضر اكياس دم ويلقيها على الار امام الشاب السيس فيقول
"دم يا ماما دم"
"ثم يحضروا بعد ذلك فأر ليغمى عليه من الرعب

واحاول ان شاء الله اكمل لأن دماغي وقفت عند كده

ههههههههههههههههههههههههههههههههههههههههههههههههههههههه
هموت من الضحك كمل يا معلم

+تقيم وش يا معلم
17+1= ؟ هغششك 18

هههههههههههههههههههههههههههههه مش ممكن فى حد كده مستنين الباقى

3araby كتب:

هههههههههههههههههههههههههههههه مش ممكن فى حد كده مستنين الباقى

ياريت لو تساعدني وتكملها معايا لانها ظهرت فى دماغي فجأة

ههههههههههههههههههههههههههههه


الله ينور يا مصطفي تقييم + و ياريت تكمل بسرعة .