طيب استناني اما اتاكد من المعلومات دي تاني(معلوماتي)وهرد عليك بكره ان شاء الله.

ماشي.

انا رديت بس في موضوع السوخوي-35 بتاعك عشان انا شايف انه مرتبط اكتر بنقاشنا.بالنسبه لحكاية ال OLS-35 دي خليني ادور فيها شوية وبعدين ليا رجعة تانيه معاك يا صاحبي.

رجعتلك يا صاحبي.بالنسبه لحكاية ال OLS-35  فهو ليه مديات مختلفه في الكشف بحسب البصمه الحراريه للهدف فساعات بتكون 90 كم وساعات 50 وساعات 30 وكده.

اما بالنسبه لحكاية الراداري فاللي قريته عنه انه زي ما في الصوره بيقدر يكشف الاهداف اللي مقطعها الراداري 3 متر مربع من مدى 400 كم.ولكن زي ما انت عارف ان مقطع الاف-22 الراداري ما هواش 3 متر مربع طبعا.هو اقل من كده بكتير لانه تقريبا اقل من 1 من عشرة متر مربع.فاكيد مش بيكشفها من مدى 250 كم زي ما انت كاتب في موضوعك عن السوخوي-35 والصوره اللي انت جايبها.

ولا انت ايه رايك؟

بالزبط انا متفق معاك تماما يا باني.

بس مختلف معاك في نقطة كشف الرابتور للسوخوي-35 لان السوخوي اصلا الروس راعوا في تصميمها ان مقطعها الراداري يكون صغير برده يعين الاف-22 هتحتاج تقرب منها عشان تكشفها.

وبصراحه يا رابتور الصوره اللي انت جايبها دي صعب يعتد بيها كدليل على قوة الرادار لانها كاتبه ان المقطع الراداري للاف-22 3 متر مربع ولو ده صحيح يبقى الطياره ما هياش شبحية ولا حاجه.ولو برده كده فعلا يبقى ايه لازمة التعقيد والتصميم الهندسي الجامد ده؟

انت متاكد من ده يا ددلي؟

لان على ما افتكر ان المقطع الراداري بتاع طياره زي الاف-15 ويارب ما تخونيش الذاكره انه تقريبا 5-6 متر مربع.وطبعا دي اصلا تحميلها خارجي وتصميمها مافيهوش حاجه عشان التخفي وبتطير بالحارق اللاحق.يعني اذا ما خانتنيش الذاكره.

فهل من المنطقي ان الاف-22 لما تفتح ابواب الذخائر المقطع بتاعها يرتفع للمساحه دي؟

انا دخلت الاف-15 عشان استدل بالمنطق على ان المقطع الراداري صعب يبقى بالمساحه اللي انت ذكرتها دي لمجرد ان الطيار فتح ابواب الذخائر.يعني طياره كامله وما فيهاش تقنيات كتيره للتخفي ومقطعها الراداري بيوصل زي ما انا قلت كده اذا كان كلامي صحيح.

فمش من المنطقي ان لمجرد فتح ابواب الذخائر المقطع الراداري ينط من 1 من ميه الى 3 متر مربع.