بص ياباشا هى لو مكنتش سايبه اثر كانو مش هيعرفو اصلا انما مدام فى اثر بيحولوك اثناء الكشف الطبى لمستشار الى هو اعلى من دكتور وهو الى بيحدد اذا كانت هتاثر عليك فى المستقبل ولا لأ وان شاء الله خير يعنى متخافش هيعدوك طالما مش ماثره عليك عشان دى عمليه عاديه وكلو بيعملها

اما بالنسبه للطول فالحربيه بتاخد من فوق 170 سم ولو اقل من كده بتتحول جويه اثناء الكشف الطبى وتكمل الاختبارات الطبيه تبع الجويه يعنى انت كده ملكش حربيه ليك جويه بس

والمجموع بتاعك على فكره قليل قوى عشان الحربيه كانت واخده السنه الى فاتت من 55% وكمان لما بيكون العدد كتير بيعملو تنسيق تانى بعد مابيقبلو فى العرض العام الى هو اخر حاجه وبيقلشو كل الى جايب مجموع قليل يعنى شد حيلك السنه دى ان شاء الله

الواسطه ياباشاا ممكن تعديك فى الهيئه وممكن تعديك فى الرياضى كمان بس الطبى لا بيشددو عليه اوى وحكايه الفلوس سيبك منها عشان مفيش فلوس بتدفع وتعدى حد وكله نصب وانت متدخلش معتمد عليها حاول بس تظبط نفسك وجسمك واهتم بلياقتك وخير ان شاء الله

الف الف شكر يا ريس وشكر على النصيحة

وربنا يوفق الجميع انشاء اللة