سؤال وارجو الجواب من ذوى الخبرة .....

انا روحت كشفت كشف عادى تخصص انف واذن وحنجرة وهناك سألت الدكتور هل عندى اى حاجة ممكن تأثر عليا فى اختبارات الكليات العسكرية قال لى انك عندك اعوجاج الحاجز الانفى من الداخل ولكن هذا لا يظهر على الانف من الخارج فكنت عايز اسأل هل الموضوع ده يستدعى جراحة ولا اقدم واتوكل على الله مع العلم انى علم رياضة و جايب فوق ال 90% فى تانية ثانوى .

مش معقول حوالى 90 مشاهدة ومفيش ولا رد . حد يرد بالله عليكم اى رد

خلى بالك برده..لازم تتأكد..لان انا كنت في التأمين الصحي بيقولولي انت عندك اعوجاج الحاجز الانفي ده..و بعد فترة عملت اشعة مقطعية على الانف او بالاخص الجيوب الانفية و طلع ان المشكلة لا في الجيوب الانفية و لا في الحاجز ولا اللحمية..كانت في الاغشية المخاطية...انصحك بعمل اشعة مقطعية علشان تبقى متأكد و مرتاح..لان لو اللي قالك كان من التأمين الصحي..متقطنعش اوي بكلامه..خصوصا لو الكشف كان بمجرد النظر...انصحك بعمل اشعة مقطعية للتأكد..و بعد كدة تقبل او لا..دي حاجة على ربنا...و اعلم انعسر ان تحبو شيأ و هو شر لكم و عسى ان تكرهوا شيأ و هو خير لكم..و الله اعلم.

معظم الناس لديهم هذا الاعوجاج فيىالحاجز الانفي ولا اعتقد انه يؤثر على الصحة العامة
ولكن اذا كان ظاهر انتبه فربما ياخذوه عذر خصوصا مع كثافة الاقبال وبالتوفيق .

جزاكم الله خيرا يا رجاله بعدد ما كتبتوه من احرف .....

الموضوع مش مأثر عليا خالص بالنسبة للتنفس (انا بتمرن بجرى عادى جدا) . لكن الدكتور نصحنى بالعملية وهى كده خلاص رسيت على العملية .

لاتعمل عمليه اذا لم يؤثر عليك لايؤثر هو مجرد انحراف ثلثه ارباع الشعب عندهم انحراف

صقر البيده كتب:

لاتعمل عمليه اذا لم يؤثر عليك لايؤثر هو مجرد انحراف ثلثه ارباع الشعب عندهم انحراف

هو مش مأثر اه والدكتور كمان قال لى ممكن تعدى بيه عادى لكن برده الدكتور ممكن يطلعك بسببه وعلشان كده خلينى فى المضمون احسن يعنى اعمل العملية . انا معنديش ادنى استعداد انى منجحش لا قدر الله فى الاختبارات وعلى المرء ان يأخذ بالاسباب وانا بعمل كل اللى عليا علشان احقق هدفى وهو دخول احدى الكليات العسكرية لانى بصراحة مش شايف نفسى فى اى مجال غير المجال العسكرى ده المجال اللى اقدر اخدم فيه بلدى واثبت فيه نفسى لان انا مش عايز شغل اجيب منه فلوس وخلاص لأ انا عايز اعمل حاجة ليها معنى واقدم فيها خدمة مثالية لبلدى وجزاك الله خيرا اخى الكريم انت وكل الرجالة اللى ردوا