انا طالب منكم النصيحه جدا لانى نفسى ادخل الكليه الحربيه ضباط متخصصين بس لاقيت الموضوع ده طب على دماغى زى الكابوس حسيت ان كل اللى هاعمله هيتهد
انا اولا بخاف من الارتفاعات جدا حتى لو مشيت على سور علوه مترين بس بحس انا مش عارف اكمل مشى واحس انى هاقع هاقع مع ان فى ناس عندها حته الفوبيا دى
وكمان انا قلبى ضعيف او خفيف بس ناس كتير كده حتى فى الجيش مش معقول كل اللى فى الجيش قلبه جامد
هل ممكن الحاجتين دول ممكن ده ياثر وقت الدراسه او ساعه ماهابقى ضابط مثلا وبقول لنفسى هابقى ضابط ازاى وانا قلبى خفيف وبخاف امشى على سور ارتفاعه مترين؟؟؟؟!!!!!
وخصوصا انى بفكر اخد فرقه مظلات بعد ماتخرج وبخصوص المظلات هى مخيفه اوى ولا هى اول مره بس...وهل حد مات فيها يعنى المظله مفتحتشى معاه سواء الاولى او الاحتياطيه
ارجو منكم الارشاد والنصيحه لانى برضه مش عارف ايه شكل الدراسه فى الكليه وخصوصا انى سمعت ان فيها فرقه صاعقه كمان ولا لما ابقى ضابط هاعمل ايه هاشتغل بتخصصى انا بكالوريوس تجاره ولا فى تخصص تانى ميدانى مشاه مثلا وساعتها مفيش حاجه اسمها مانفعش....اقرر من دلوقتى بدل ماندم وازعل لان الموضوع ده مصيرى وحاسم بدل ماخش ومنفعش واكلف نفسى مصاريف وتعب على الفاضى وغير كده شكلى ادام الناس ولو حسيت انى مش هانفع مش مشكله خالص مش هزعل لان كل شىء قسمه ونصيب وطالما انا مش قد شىء معملوش او مادخلوش وفرص العمل امامى كثيره
آسف للاطاله ولكن لاهميه الموضوع وشكرا لكم
دمتم بود