الخطا ليس خطا الرئيس الريس ورث فساد بالهبل مش هيتصلح في 4 سنين او 6 شهور فياريت محدش يجيب الخطا علي مرسي والحكومة علشان حصل ازفت وانيل من كدة من عهد مبارك مرسي كما اقول ورث فساد والبلد مليانة فساد من عهد المخلوع

لك الله يا مصر لكي الله يا مصر وفعلا هما حضروا الحصة الاولي في الجنة وكمان كانوا طلبة ازهر واول حصص عندهم قران كريم وفي صور تقطع القلب لطالبة راسها مش موجودة وماسكة المصحف في ايدها والله اللي بيحصل ده حرام انا تقطعت لهؤلاء الاطفال وغير اللي ولاده الصبيان ال3 ماتوا وواحد تاني بناته الاربعة ماتوا وابنة اخوه انا تقطعت معهم وزمانهم دلوقتي مع سيدنا ابراهيم في الجنة بيحفظهم القران الكريم خصوصا لما تعرف ان اقل طفل كان حافظ 18 جزء من القران

egy.police كتب:

الي حصل في 30 سنه في عهد مبارك ..تقريبا حصل في خلال 6 اشهر في عهد مرسي
من اول يوم تولي فيه الرئاسه وكل يوم مصيبه او كارثه شكل ..كل محافظه يزورها تتبعها كارثه كل بلد يزورها تتبعها كارثه في نفس البلد
كانت اسيوط اخر محافظه زارها كل كارثه تحدث تكون احداثها موجعه للقلب ويموت فيها العشرات بطريقه بشعه ...ربنا يستر علي باقي المحافظات ويرحمنا برحمته
المشكله انه ملوش اي حسنه الواحد يفتكروا بيها ومفيش اي تقدم في اي مجال من المجالات اقتصادي ثقافي عسكري اجتماعي علمي وكل يوم حال البلد بتسوء اكثر فاكثر ..ده احنا من كتر ما بنرجع لورا قربنا نخبط في السودان

اوك عايز تقلب الموضوع سياسى براحتك وانا معاك لاخر الخط

30 سنة حصل فى 6 اشهر فقط ده ايه الفتاوى دى هو احنا لسه خلصنا من بتوع الفضائيات

وحلوة موضوع كل يوم مصيبة وكل بلد يزورها تحصل كارثة
طب ان شاء الله كنت عايزه يعمل ايه يروح يقف بدل عامل المزلقان
ولا عايزه يغير من ثقافة شعب
انا اول واحد 5 سنين دراسة طول عمرى بنزل مخالف يعنى من الناحية العكسية وعمرى ماطلعت سلم المحطة غير 10 او 15 مرة فقط
تحب اقولك عن خبرة 5 سنين قطارات ايه اسباب الحادثة
واساسا القطار ده 165 5 سنين بركب فيه والنهارده ركبت فى واحد سبق اسمه 87 بيطلع من اسوان ( مراكز مميزة ) واللى قطار الحدثة خزن فى اسيوط
والمفروض كان يوصل ملوى الساعة 7:20 بالضبط ولكنه بسبب التخزين بيوصل 7:45 دقيقة بالضبط

اللى بيحصل ياسادة
القطر بيطلع من المحطة اول ماالمسافة بتكون 10 دقايق بيبعت اشارة للمحطة اللى بعديها فاشارات المزلقان بتشتغل سواء صوت انذار او اشارات ضوئية لمدة 5 دقايق والعربات بتعدى عادى بعد كده بيتم قفل سكة المزلقان
لغاية ماتفوت 5 دقائق اخرى ويعدى القطر يعنى الفترة كلها 10 دقايق من وصول الاشارة للمحطة ووصول القطار

عامل المزلقان لما بيلاقى الطريق زحمة على الصبح بيفضل فاتح الطريق لغاية ما تعدى العربيات كلها او تخف الزحمة شوية وقبل القطر بدقيقة او اثنين بيقفل السكة
وطبعا ساعات بيجامل واحد معرفة
خلاص فهمت ولا اقول تانى
موضوع حسناته وسيئاته بقى ماتتدخلش فيها
قدامك صندوق الانتخابات بعد 4 او 5 سنين زى ما هيكون فى الدستور العجبة بتاعنا وروح براحتك ادلى بصوتك واللى يمنعك اقلع مداسك واديله على دماغه مش هى دى الديموقراطية
انما تيجى تقول مش عارف ايه يبقى تسكت احسن علشان دماغى مصدعة ومش ناقص
على فكرة لو عاجبك حسنى ممكن تروح تزوره فى السجن وتقعد هناك وخليه يحكمك براحتك مافيش مشكلة

وطبعا لازم تحذف كلمة نخبط السودان من الموضوع ومالكش دعوة باى دولة تانى دى خلافانا ماتدخلش او تسبب اى خلافات بينا وبينهم

egy.police كتب:

أنا ثورجى كتب:

يغور ايه بس كان المخلوع غار لما حدث قطار الصعيد

الي حصل في 30 سنه في عهد مبارك ..تقريبا حصل في خلال 6 اشهر في عهد مرسي
من اول يوم تولي فيه الرئاسه وكل يوم مصيبه او كارثه شكل ..كل محافظه يزورها تتبعها كارثه كل بلد يزورها تتبعها كارثه في نفس البلد
كانت اسيوط اخر محافظه زارها كل كارثه تحدث تكون احداثها موجعه للقلب ويموت فيها العشرات بطريقه بشعه ...ربنا يستر علي باقي المحافظات ويرحمنا برحمته
المشكله انه ملوش اي حسنه الواحد يفتكروا بيها ومفيش اي تقدم في اي مجال من المجالات اقتصادي ثقافي عسكري اجتماعي علمي وكل يوم حال البلد بتسوء اكثر فاكثر ..ده احنا من كتر ما بنرجع لورا قربنا نخبط في السودان

طبعا لارم تقول كده ما انت شرطة
الكل ىعرف الشرطة