القصة قصة حقيقية
======================================

اشترى شخص خط موبايل جديد .. و بمجرد ما حط الشريحة في التليفون لقي كمية كبيرة من الرسائل القصيرة بتوصل ورا بعضها ..
رسايل كتيرة ..
استغرب من مين تكون كل الرسايل دي إذا كانت الشريحة لسه جديدة و رقمي جديد !! ..

لاحظ إن الرسايل جايه كلها من رقم معين وبتواريخ متقاربة و مضمونها واحد : و هو إن فيه واحده بتترجى (مصطفى ميكونش زعلان منها) و (إنه يرجع لها) و (إنه يرد عالموبيل ويبطل تطنيش) ..



استنتج إن الخط كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها – الرسايل يعني – وصلت دفعة واحدة أول ما الخط اتفعّل من تاني ..
و عموماً - قال أعمل حذف للرسايل هاذي كلها لأنها شاغلة مساحة عالفاضي وطبعاً ملهاش أي فايدة بالنسبة له
لكن و هو بعمل حذف لقي رقم بتتصل .. هو نفس الرقم اللي باعث الرسايل .. قال أرد عشان أوضح حقيقة الالتباس وأنهي الموضوع ..
رد
و بمجرد ما قال (آلو) لقي واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ...
( يا مصصصطططففي واحشني قوي) ..
اتخض من الموقف وقلبه اتقبض .. حاول يفهّمها انه مش (مصطفى) اللي عايزاه وإني لسه شاري الرقم ده ولكن صوته وكلامه ضاع وسط توسلاتها وإصرارها إنه "مصطفى" ..

قفل السكة بعد ما عجز إن يفهمها
.وبطل يرد عالرقم هدا تماماً لأنه في كل مرة برد كان نفس الموال بيتكرر ..
و لما زادت الاتصالات والرسايل قرر يغير الشريحه ..
و قبل ما يشيل الشريحة من التليفون بثواني – وكالمتوقع - لقيت نفس الرقم بتتصل بنفس الإصرار ..
كان ممكن يشيل الشريحة و يخلص و يبقى الموضوع اتقفل ..
فضل يبص على الرقم لفترة و قرر إنه يرد ..

قال هرد على الست دي لآخر مرة ، آخر مرة بس ، و في المرة دي قال هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه ..

كان عايز يعمل كده عشان يريح أعصابها وعشان اللي هيشتري الرقم ده من بعده ميقعش في نفس المشكله الغريبة دي ..
رد ..
وكنت متوقع سيل من الصراخ والعويل كالعادة ..
ولكن المرة دي سمع صوت تاني ..
صوت بنت عمرها في حدود 15 أو 16 سنه ..
قالت له الكلام ده بالحرف :

" انا بعتذر لحضرتك بالنيابة عن أمي .. الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." ..
وقفلت السكة واتأكدت ان فى ناس بتموت كل يوم عشان عيالهم اللى ماتوا عشان خاطر مصر و ليبيا و سوريا
لا تخرج الا و انت داعي للامة الاسلامية
اللهم اق المسلمين شر الفتن ما ظهر منها و بطن
====================================[center]

قصة رائعة ومعبرة احسنت اخي واحييك على ذوقك الراقي
اللهم ارحم شهداء المسلمين يارب العالمين ياغفور يارحيم

ali bassim كتب:

قصة رائعة ومعبرة احسنت اخي واحييك على ذوقك الراقي
اللهم ارحم شهداء المسلمين يارب العالمين ياغفور يارحيم

شكرا لك اخي