أحمد الشيخ يكتب: رسالة من شهيد
الجمعة، 8 مارس 2013 - 10:06


يوم الثورة قلت حشارك.. مبقاش فارق
أم أموت إما أعيش والرأس مرفوع
ولقيتنى بهتف وبلالى
صوتى كان عالى ..كان مسموع
ضد الظلم وضد الجوع .. طبعا حقى وشىء مشروع
مش ممنوع
طالع سلمى .. ماسك علمى
فى سبيل حلمى.. حضحى بدمى
لسه بهاتى ضربوا اخواتى ..قلت الاتى :
خاين اللى بيضرب طلقة فى صدر أخوه
خاين يمكن طلقة تيجى فى ابنه فى أخته فى أمه
ويمكن أبوه
عليت صوتى .. امروا بموتى
لسة حنادى وأقول يا بلادى
عايز حقى وحق اولادى
جاتلى رصاصة .. بايد قناصة
جسمى اتنمل .. قلت حكمل
قبل ما اكمل جتلى التانية
هب فى ثانية ..رحت فى دنيا غير الدنيا
شفت مناظر ملهاش زى ..شفت الفرحة فى بكرة الجى
شفت سمانا تمطر ضى
شفت كتير و كتير و كتير
شفت المشهد فى التحرير .. شفت شباب حلفين تغيير
شفت الحب وشفت الخير .. شفت الناس عايشيين بضمير
شفت الحق ومفيش فرق .. غفير و وزير
شفت نزاهة .. شفت نزاهة و حرية تعبير
وخلاص تانى مفيش تزوير
شفت عدالة .. وناس شغالة
شفت الهندسة فى التعمير
شفت ولادنا فى قلب بلادنا
حققوا حلمنا بالتطوير
شفت حاجات .. وحاجات .. وحاجات
شفت جراءة فى قلب بنات
شفت ولاد وقفين بثبات
شفت حقوقنا ورجعت لينا
إحنا الشعب ومين يعادينا
عهد الظلم خلاص عدينا
وادى أحلامنا اهى فى ايدينا
شفت حضارة .. شفت ايدين مليانة مهارة
شفت بلادنا الغالية علينا
لكل شعوب الارض منارة
شفت سياحة ..شفت الناس عايشيين مرتاحة
شفت رقى وفن جميل .. علوا رايتنا جيل ورا جيل
شفت لباز .. وشفت زويل
قالوا حيشقوا الصحرى بنيل
قالوا حيقصروا وقت الليل
و يخللنا نهارنا طويل
شفت زراعة وشفت صناعة
وعقول بدرها بكل براعة
شفت رياضة و شفت الكورة
خلوا بلادنا فى اجمل صورة
هو ده أملى .. اللى عشانة انسال دمى
اوعى يا مصرى ترخص ثمنى
هو ده طارى و مفيش غيرة يبرد نارى
هو ده طارى وطار كل شهيد
سايبين بكرة فى ايدكم امانة بعهد جديد
عايزين مصر الغالية بلبس العيد
هو ده بس اللى حيرضينى
حتى فى موتى حبقى سعيد






المصدر

http://www1.youm7.com/News.asp?NewsID=971756&


وحديثى انا

الى كل مصرى يشعر بالظلم تشعر بالاهانة داخل و خارج بلادك تسعى للقمة عيشك مغتربا

تفقد الاهل و الاحباب تشعر بتخاذل المسؤلين عن استرداد كرامتك

اقول لك : تذكر قول الله تعالى فى سورة الشرح

ان مع العسر يسرا * ان مع العسر يسرا

و ايضا فى سورة الضحى

وللاّخرة خير لك من الاولى و لسوف يعطيك ربك فترضى

و الى الحكمة

فلما ضاقت و استحكمت حلقاتها فرجت و كنت اظنها لا تفرج

صبرا فالصبر اول مفاتيح الفرج و باذن الله سينصرنا الله على كل معتدى

داخليا و خارجيا الذين يسعون لتدبير بليل فى افشال ثورتنا و الهاب الفتنة بيننا

خشية منا و لكن الله خالق الخلق مطلع و يعلم السر و النجوى

و سنسترد كرامتنا و سيرد الله كيد كل معتدى و ظالم الى نحره

يقول تعالى ( و يمكرون و يمكر الله و الله خير الماكرين )


اختم حديثى بالتوجه الى ملاذنا هو الله عز وجل بان يحفظ كنانته و ينصرها

بحق ذكره لها فى كتابه العزيز الخالد الى يوم الدين

و الى الله نفوض امورنا عليه توكلنا هو حسبنا و نعم الوكيل