بسم الله الرحمن الرحيم


ملحوظه للجميع حق النسخ والنقل للرد علي ضعاف العلم والجهله في اي مكان دون الرجوع للكاتب والله يعلم اني بكتب الكلام ده علي الكيبورد نقلا


ادعولي

ثانيا .. النظام عباره عن حلقات لان الوثائق مهوله

هبتديها بصافحه ونناقش وبعدين صفحه وهكذا لحد مندخل في وثيقه اخري

الوثائق منقوله منسوخه لا يوجد فيها تعديل



في الوقت الي من 35 سنه اسرائيل كانت بتمري جنودها في مهلكه الثغره عشان تشكك في النصر المصري بمسرحيه

ولتضحك علي عقول العرب وتمسح كبريائهم ان لا كبر ولا طاقه ولا امل في اي دوله عربيه انها تهذم اسرائيل

والكلام وصل صريحا علي لسان احد جنودها

اقتباس كلامه

اقتباس :

يجب ان يعلم العرب انهم خسرو في حرب يوم كيبور لان اذا اقطنعو انهم هذمونا سيعيدون الكره ويهاجمونا مره اخري ......

الكلام واضح اليهود ارادو ان لا نقطنع ولا يدخل عقلنا ان يمكنه هذيمه اسرائيل ولا قبل لنا باسرائيل وان النصر كان هذيمه حتي لا نعيده


للاسف هذا وصل لناس كتير جدا واصبحو اسرائيلي الفكر ولا يرددون

الا جملتين

1- اسرائيل دوله عظمي لا نستطيع محاربتها

2-حرب اكتوبر كانت هذيمه ولا يجب ان نكرر ما حدث


ولكن التاريخ واالحاضر اثبت للجميع ان اذا صونت كرامتك وبلدك صانك ربك

ولا عزه لشخص لا يوجد بعقله الا الانهزاميه و العجز



الكلام الي هينشر هنا تقريبا لم اجده علي النت !! واستغربت

وانا مردتش انقل من كتب ولا مصادر ولا تاليف او اراء ناس

لان ببساطه كلها تعبر عن رئيهم مع احترامنا لكل الكتب والمراجع


ولكن اردت نشر الحقيقه المجرده ( الوثائق) بحذفيرها بكل كلمه

سواء مصريه او اسرائيليه ومنها نري جيدا الحقيقه المجرده

وهننشرها من وثائق قبل الحرب لوثائق بعد الحرب واثناء الحرب

من اجتمعات تجسيلات محاضر سريه وكل ذلك

هنبتدي من قبل الحرب


المحضر السري.. لاجتماع المجلس الاعلي للقوات المسلحه


24 اكتوبر ..1972 الساعه التاسعه مساء حتي الساعه الثانيه عشر وربع



مكتب الرئيس السادات بلجيزه


النص الكامل من المحضر السري

الرئيس:

في سلسله الاجتمعات اللي باعملها علشان الموقف النهارده .. الحقيقه.. كان لابد ان اجتمع بيكم.. لانني اعتقد ان

المرحله تحتم ان نقعد ونستعرض الظروف والموقف بلكامل ... وخصوصا وان السنه الماضيه منذ اجتماعنا في اكتوبر

الماضي لغايه اليوم حصلت تطورات كثيره جدا تؤثر علي الموقف . وتكاد ترسم خط السير الذي لا مناص منه .. في

اكتوبر الماضي(1971) لما جمعتكم في الواقع كان بعد زيارتي للاتحاد السوفيتي وكان فيه لو تذكرو وقفه بيننا و

بين الاتحاد السوفيتي طول صيف 71 ... وانتهت بان احنا اتفقنا علي النقاط في موسكو 11 و12 اكتوبر وبعد

اجتماعي في موسكو جمعتكم وقعدنا تكلمنا وشرحنا الموقف كله ولم اكن سعيدا في ذلك الوقت .. هذه هيا الحقيقه و

لكن كما قلت لكم كان في نقاط خلاف اساسيه مع السوفيت خلال رحلتي الاولي في مارس 1971 الي موسكو ولو

عدنا الي محاضر الاجتمعات 1و2 مارس مع الزعماء السوفيت نجد اننا لم نتحرك في نقطه الخلاف الاساسيه ان

النقطه الاساسيه في الخلاف كما قلت لهم انتم حاطيني ورا اسرائيل بخطوتين ومع ان المفروض اكون متفوقا علي

اسرائيل فانني لا اطلب هذا اطلب ان اكون متساويا معها .


وساعه منيجي للنقطه ديه دائما بنقع في خلاف وبيجي جريتشكو ويطلع النوته ويقول: عندكم كذا دبابه وكام طياره

الكلام الي بيلجأو اليه دائما وندخل برضه في مناقشات وعلي خصائص الطيرات الي عندنا يعني دائما كنا نيجي في

النقطه الاساسيه دي وبطلعو كشف السلاح زي ما قلت لكم في 1-2 مارس 1971 واضح تماما في المحضر نحن

مختلفون قلت لهم مش معني اننا نكتب كده في المحضر انني هارجع مصر وها اقول انا مختلف مع الاتحاد السوفيتي

لا قلت لهم ان احنا اصدقاء وممكن نختلف وممكن بعد فتره نتفق سوا المهم كل واحد منا يفهم موقف التاني وجيت انا

فعلا بعد الرحله ديه بتاعت.. 1-2 مارس جمعت اللجنه التنفيذيه العليا في ذلك الوقت وبعديها اجتمعت بيكم وكان معايا منهم

محمد فوزي وشعراوي جمعه كانو معايا في الوفد حضروا المبحاثات كلها وقلت لهم الي جري بصراحه وقلت لهم

ولكن ليس معني هذا احنا بنقطع او ان الخلاف نطلعه علي السطح دلوقتي لا ماجاش ابدا هذا الاوان ومش مصلحتنا

ومش مصلحه لا شعب ولا قوتنا المسلحه ان احنا نطلع الخلاف علي السطح انهارده ده لان ده خلاف يكفي ان احنا

بنحطه قدمنا في اتصلتنا الجاريه مره واتنين وتلاته .. يااما بنعدي هذا الخلاف يا اما ... ولكن انا باعتبر انه

بلحجات الي عطوهلنا في ذلك الوقت 1-2 مارس انه من الممكن نخش جوله اخري وجوله اخري لصالح المعركه

ولصالح البلد ...في اكتوبر كانت احداث السودان وقعت في الصيف زي ماانتم فاكرين وكان فيه وقفه تماما بيننا وبين

الاتحاد السوفيتي وبعدين اختلفنا في اكتوبر وواضح في المحضر



ولكن جه بريجينيف وقال انه حوالي 80% من الصفقه يسلم قبل نهايه 71 وانا قلت لكم في ذلك الوقت علي

الحاجات الي وافقو عليها والحجات الي هاتجيلنا قبل نهايه 71 والحجات الي هاتجيلنا في 72 وقلت لكم

(exactly) (بلظبط) جهزو انفسكم عشان زي منا كنت بنادي ان 71 لابد نحسم فيها وكانت محل مناقشه معاهم

برضو في اجتماع اكتوبر وفي اجتماع مارس ايضا وبقول لهم منطقي والنتيجه وخيمه عليكم وعلينا كانو بياخدو

الحجات ديه بشئ من الاستخفاف شويه بمعني هما متصورين كانوا انه ممكن الامور تمشي بلطريقه اللي هما بيفكرو

فيها ..



جات اكتوبر ونوفمبر ودخلنا في ديسمبر وجات وقعت معركه الهند وكان واضح لي يوم ما حصلت معركه الهند يوم 8

-9 ديسمبر 71 كان واضح لي تماما انه مش ممكن نقدر نعمل اي عمليه في سنه 71خاصه وان الصفقه الي اتفقنا

علي انها جايه لنا هتيجي قبل نهايه 71 وكان ساعتها في 9 ديسمبر وحتي التعاقد لم يتم عليها انا تصورت انهم مش

هيستنو التعاقد زي محصل في سنه 67 هايبعتو علي طول وبعدين نتعاقد فكان واضح في ديسمبر وساعه ما ابتدت

معركه الهند كان واضح ان الموقف مش ممكن هنقدر نواجهه وهوا انه هيحصل حاجه قبل نهايه ..71 ...فيوم 10

ديسمبر مباشره استدعيت السفير السوفيتي عندي وقلت له واضح تماما ان 71 انتهي خلاص احنا اناهرده 10 ديسمبر

ابتدت امبارح معركه الهند عمليا انتهي 10 -71 طيب وبعدين؟ ارسلت للقاده السوفيت كل ده وانا في حسابي باحسب

انه احنا اصدقاء ووممكن ان نختلف لكن الخلاف ممكن ان احنا نحصره بقدر الامكان ونكمل المشوار فقلت له ابعت

للقاده السوفيت وقلهم انا عايز اجي لكم موسكو قبل نهايه 71 ليه ؟ علشان نحاول نعالج الموقف في بيان نطلعه في

اجراء نتخذه علشان نعدي سنه 71 لانني ارتبطت بذلك وانا كنت عندكم في موسكو مرتين بل في اكتوبر السنه دي وبعلن

وانت سامعين كلامي وانناقشنا في هذا ان 71 حسم ومحصلش حسم افترضت بقيام معركه الهند مافيش حسم مش


هاقدر اعمل حاجه في 71 وانت داخلين فيها طرف قلت لهم قبل نهايه ديسمبر سنه 71 انا عايز التقي بهم في موسكو

وماكنش عندي حرج ابدا اني اسافر لتالت مره موسكو مع اني كنت قبلها في اكتوبر جاني الرد من هناك في اخر

ديسممبر اواخر ديسمبر ان الاجتماع في 1-2 فبراير 72 لان جدول مواعيد القاده السوفيت من هنا لغايه 1-2

فبراير كذا وكذا وجاب جدول المواعيد وووووو الخ





-------------------------------------





النقاش

بعد قرائه اهم ما جاء في الصفحه الاولي ووضع تحته خط في نظري نستخلص الاتي

1-مماطله الاتحاد السوفييتي في مد مصر بلسلاح (كان الاتحاد السوفيتي لا يريد حرب ولا يريد تحرير ) وكان
يعطينا سلاح دفاعي في معظمه وده دليل علي عدم الدعم الحقيقي كا دولتين متحالفتين

2-مصر كانت تعلم انها علي مقربه جدا جدا جدا من اسرائيل في بعض الافرع او معظمهم وتتفوق في فرع خاص وهوا القوات البريه وسنري في باقي الاجتماع الحديث مع القاده

غير ما اراد ان يردد البعض النغمه الاسرائيليه ان لا قبل ابدا للعرب بمحاربه اسرائيل بسبب الاسلحه المتخلفه وقعدو يرددو المقوله الغبيه التي لا يصدقها الا جاهل

بدل ان يرددو ان اي معده في ايد جندي ماهر تتساوي مع المعده الاعلي والاراده فوق كل شئ


3- مصر من قديم الازل من اول بدايه علقتها مع روسيا وهيا تعلم انها علاقه مقرفه والاتحاد السوفيتي لا يقدم ولا يؤخر وقبل ان تنتهي الحرب وكما يقول البعض تحولنا للغرب قبل بدايتها بسنين اساسا والقاده المصرين يعملون جيدا ويقولن ان الاتحاد السوفيتي اول شئ سنتخلص منه اول ما تخلص القضيه



4-البعض قعد يردد ان العمليه الحرب برمتها سياسيه وان مصر من اول النكسه لم ترد الحرب وانها ستصبح مثل البعض تبيع كرمتها ولكن للاسف فلواضح من الاجتمعات بين القاده السريه ان الحرب والحسم كان اهم شئ والهدف الاول والاخير كل سنه والله وحده الذي يعلم ان وقتها سوف يتاخر وناتي علي نفسنا ونتحمل ل 73 ونسترد كرمتنا كامله
ولكن مبدا الحرب كان من بعد النكسه مباشره لا جدال

وغير ناس كتير لم نتحمل اهانه كرامتنا لوقت اطول كان كل شهر يعدي علي القياده المصريه والشعب والجيش نصمم ونرديد ان تقوم الحرب غدا ولكن قدر الله وما شاء فعل

بسم الله الرحمن الرحيم

صفحه جديده

تكمله جزء من بقيه الاجتماع ....



تكمله--الرئيس يتكلم---الكلام ده كان في ااواخر ديسمبر الحقيقه انا كدت في اواخر ديسمبر

اني اقول للسفير طيب شكرا واعلنه القررات ...

لكن يعني الواقع زي ما قلت لكن اتا حريص علي المعركه من الناحيه وحريص علي صداقه الاتحاد السوفيتي من

ناحيه تانيه .. لسه فيه امل يعني ما قطعتش الامل الحقيقه... ليه؟ انا في تفكيري قلت الناس دول مستنين اجتماع

موسكو بتاع عشرين مايو 72 .. وانا عارف اسلوبهم في هذا وانا طول الخمس سنين اللي بعد العدوان..من67

باتعامل انا شخصيا معاهم في قضيتنا .. في اثناء وجود عبد الناصر كنت انا متولي المسئله بلكامل وماكنتش بتخرج

عنا احنا الاتنين ..بس.. فانا عارف اسلوبهم يعني لعلمكم برضه عشان تكونوا علي بينه لما عملت المبادره انا في

فبراير 71 عملت المبادره الحقيقه اساسا.. لعده عوامل... العامل الاول فيها كان اني عارف ان الاتحاد السوفيتي مش

هيسعفني .. مش هايديني في الوقت الكافي .. وكان ايمها احنا بنتكلم علي وقف اطلاق النار من عدمه في فبراير ..

وكان مؤتمر الحزب الشيوعي بتاع موسكو هينعقد في 31 مارس 71 فانا عارف ببساطه وبحساب عارفه بقالي 4

سنين خمس سنين معاهم ان قبل انعقاد هذا المؤتمر مش هيديني حتي من الي احنا متفقين عليه .. وكان ذلك في

الوقت القسم الرئيسي من الاتفاقيات هيا بطريات الصواريخ عشان الصعيد ..ومش ممكن ابتدي اكسر وقف اطلاق النار

وسدود الصعيد ماجتش لسه بطريات صواريخ عشان ادافع عنها ومعروف عمقنا في الصعيد...



فوزي جاني يوم



وقال لي خلاص يا فندم الروس بعتو لنا قالو ان المركبين اللي جاييين بلبطريات واحده 18 فبراير وواحده في 22

فبراير ... قلت لا اسف يا فوزي مش هاييجي قبل مؤتمر الحزب الشيوعي الي هينعقد في 31 مارس وقبل ما

ينتهي المؤتمر في ابريل بعد ذلك تيجي البطريات.. قبل كده مفيش حاجه ابدا ..قال لي يا فندم ده اخطروني رسميا

بميعاد 18 الي 22 فبراير قلت له ولا حاجه جايه .. وده اسلوبهم انا عارف.. وهذه طريقه تعاملهم .. فا الحقيقه

كانت مبادرتي اساسا تهدف الي انه.. طيب انا ايه اللي تاعبني؟.. انا اللي تاعبني ان انا مش عايز خسائر في العبور

.. وعشان كده عملت المبادره انه اذا كانت اسرائيل انسحبت مرحله اولي بتعبر قوتنا بنفتح قناه السويس بندي 6 شهور

وقف اطلاق نار رسمي .. بعد ال 6 اشهر اذا اسرائيل ما انتهتش الي حل معانا قوتنا الي عبرت تقاتل وتكمل واجبها

..االللي انا باقصده من هذا انه كارت ناجح مع اوربا الغربيه وللعالم كله بلنسبه لفتح قناه السويس ..الحاجه التانيه

التانيه انه انا عايز اخلص من عمليه السيف اللي محطوط علي رقبتي .. في العبور .. واري اننا سنتعرض لخسائر

ضخمه اذا كان لابد اني اعبر قبل ما الروس يدوني الحجات الي انا عايزها .. وقلت يعني يمكن الامريكان يسمعو

و.....و......و....... لو لا انهم بعد ذلك ضحك عليهم اليهود لانهم قالو للامريكان ان المبادره ليست الا بدء

التنازلات المصريه .. استنو عليهم هييكملو باقي التنازلات.. قلت لنيكسون انا بعت لك قلت لك ان المبادره ارتباط

كلام ومصدقتنيش وعليه النهارده انا مش مستعد اتكلم ابدا في هذا الموضوع.. الحقيقه انا ايامها عملت هذه المبادره

علشان في العبور اتجنب الخسائر الضخمه اللي لازم تحدث نتيجه عدم امدادي بما اريد .. الشئ الثاني كان.. او

السبب التاني للمبادره ..الحقيقه..انه ضاق الوقت ..انا عارف انه زي ما قلت لكم انه في 31 مارس كان مؤتمر

الحزب الشيوعي قبل هذا التاريخ مفيش حاجه حتي من الي اتفقنا عليها هاتيجي وبطريات الصعيد وغير بطريات

الصعيد ..حتي اي قطع غيار او حاجه مش هاتيجي قبل ما ينتهي المؤتمر بتاعهم في ابريل .. وده حصل فعلا

..البطريات مجتش الا في ابريل ..

احد اعضاء المجلس: ابريل..

الرئيس: اه ماجتش الا في ابريل ..مع انه زي ما قلت اخطروا فوزي بان مركبين واحده في 18 وواحده 22 فبراير ....



--------------------------------



ايضا تم التظليل علي اهم الاشياء واهم النقاط في نظري

1-القياده المصريه كامله لم يكن في وجدنها غير الحرب والتحضير للحرب (جديا) وننتظر فقط اكتمال الصفوف لنقدر علي الحرب بشكل جيد
وده يكذب كلام البعض الي قعدو يألفو ويقولو مصر دخلت حرب مش مستعدلها و يرردون الكلام الاسرائيلي بان ما حدث كان حظ فقط ولم يكن للعقليه العربيه ولا الاراده دور ابدا

حتي ان الاراده ورفض الخنوع والزل وصل ان القياده كانت تريد ان تتخذ قرار الحرب بمجرد اكتمال الحد الادني من الصفوف وليس كا البعض نقعد نخزن نخزن ونقول بنستعد ولا هوا في استعداد ولا نيله


2-كذب الادعئات بان الاداره المصريه كانت تريد العمليه السلميه ولم تحارب الا عندما لم تجد مفر فقط!

والحديث عند القاده من سنوات قبل الحرب ان كل سنه كان هناك خطه ومشروع حرب ولكن تشاء الظروف للتاجيل حتي جاء عام 73 وهنري بعد ذلك كيف كان كلام القاده ان حتي لو لم تكتمل الصفوف بنسبه 100% في بعض الافرع يجب ان نحارب ونضحي من اجل مصريتنا وارضنا وديننا

3-ان الزريعه الي اتخذها البعض في ترديد كلام الاسرائيلين بان المصرين لم يريدو الحرب وان المصرين يعلمون ان لا يوجد الا هزيمه وووو وان المصرين قبل الحرب كانو مسلمين للعمليه السلميه

حديث القاده داخل الاجتماع التاريخي اكبر دليل ان ___(كل عمل سياسي كان هدفه خدمه العمل العسكري فقط )___ وان هدف الحرب كان هوا الهدف الاسمي والتحرير فقط وان كل ما ظهر من مبادرات مصريه كا مبادره السادات الي بيتكلمو عنها في الصفحه ديه كانت كلها لخدمه الحرب وبحديث واضح من السادات مع القاده نفسهم ان المبادره لوقف اطلاق النار وانسحاب اسرائيل من الشاطئ لفتح القناه لم يكن للتهليل او لشئ سوي لخدمه هدف العبور والحرب وان تقل الخسائر المتوقعه في العبور فقط لا غير


4-التضليل السياسي قبل الحرب نجح نجاح مبهر لدرجه ان اسرائيل وامريكا اقطنعو بلتسليم المصري فعلا ولكن .... الحقيقه تظهر في الاجتمعات السريه التي تحدد مصير مصر

5-بدون كلام واضح سؤ الاتحاد السوفيتي وسيئاته وحركاته من عدم المسؤليه واللعب بلقضيه فقط لمصلحته وعدم النظر ابدا لمصلحه من يسميهم شركائه



قريبا صفحه اخري