ازاى تعرف المصرى من بين 1000 واحد

- لو سألت سواق تاكس على عنوان وبدل ما يدلك قالك امشي ورايا.. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تقابل واحد وتسأله وعمره مايقول "ما أعرفش!" جينيوس مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-. و لما ركبه تخبط فى بعضها من الرعب و هو داخل القسم يعمل بطاقة الرقم القومى ........................ هو ده المصرى

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى الواحد (او الواحدة) ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تيجي تدفع الأجرة لواحد أول مرة تعرفه، يحلف عليك تخلي بأه

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه وعلى خفته


منقول

هههههههههههههه ايه والله صادق المصريين حبوبين جدا جدا جدا

اذا شفت واحد يمشي في شارع وراه 6 اطفال اعرف انه صعيدي مصري

اذا شفت واحد كلا يجيب ممتاز في الجامعة او المدرسة اعرف انه مصري ههههههههه

ولما تلاقى واحد ابن حلال زيك بيكتب منقول فى اخر الموضوع يبقى مصرى ....مع تحياتى

maxahmed كتب:

ولما تلاقى واحد ابن حلال زيك بيكتب منقول فى اخر الموضوع يبقى مصرى ....مع تحياتى

ولما تلاقى واحد زى حضرتك فكر فى موضوع منقول ده يبقى اكيد مصرى هههههههههه

zatouna كتب:

لو بتتفرج علي ماتش والمذيع عمال يرغي طول الماتش علي الفاضي والمليان حتي لو ذكر لك تاريخ كرة القدم كله
ولو ذكر في نهاية المباراة المخرج والمعد وجميع العاملين في الوحدة الناقلة للمباراة
يبقي اكيد مذيع مصري

ههههههههههههههههه شرفنى مروركم وسعدت بتعليقاتكم

zatouna كتب:

mohamed sa3d كتب:

اكيد محمود بكر
هههههههههههههههههههههههههههههههههههههه
والهى بتفرج عليه علشان اضحك بس

والله وانا راجل عسل

معاكم ----- الراجل ده مميز فى تعليقه

بسيب الماتش و اعد اضحك

بس الصراحة ----- الراجل ده بسم الله ما شاء الله

كنز معلومات رياضية و تحليلات ممتازة

لدرجة انه بينسى الماتش و بيجيب تاريخ الكورة من ساعة ما بدات

و مفيش مانع من حتة سياسة و حبة موضوعات عامة