كـــشــــــــــــــــــــــــــــــــــف الهيئــــــه (اهم كشف)
(رعب طلبه الكليه الحربية
)
مع انه اختبار عادى خالص
المهم
المطلوب منك :
قميص ابيض نصف كم (ياريت ميكونش كم علشان منظرك هيبقى وحش وانت تانى الكم ) .. بنطلون اسود قماش .. شراب اسود .. جزمه سودا)
كل المطلوب منك
تظبط لبسك كويس يكون مظبوط عليك ومتنساش الفانله البيضه تحت القميص لان اللواء عصمت مراد بيعتبر اى طالب مش لابس فانله انه صايع
*لبسك مكوى ومتظبط (ظبط نفسك من الاخر )
عاوز تلبس ساعه ابس مش عاوز عادى
.............................
اوووووووعى تتأخر اليوم ده بالذات (الباب هيتفتح 6 هيتقفل 6ونص ) ولا تقولى حظر ولا بتنجان هم ملهومش دعوة
هتدخل تتجمع مع الطلبه فى انتظار حضور اللواءات
ملحوظة مهمه جداااااااا:
حافظ على لبسك بكل ماعنندك ميتبهدلش ميتوسخش خلى بالك لانك ممكن تتأخر فى الانتظار
..............................
لما يحين الوقت للدخول على المدير
هتقعدو على كراسى قدام غرفه المدير
مجرد متطلع سلم المدير انت متراقب بكاميرات مراقبه وهو شايف كل حاجة جوا
حافظ على هدوئك ومتطلعش همس
فى عريف هيظبطكو وهيقولكو هتقولو ((سبع حاجات))
1*اسمك رباعى
2*رقم قيدك
3*شعبتك (ثانوى او دبلوم او ازهرى)
4*النسبه المئويه (اوعى تكون غلط)
5*مجموعك الرياضى (هتاخده من العريف اللى واقف)
6*موقفك من الجويه (يا اما ..غير مرشح جويه .. استكمال كشف جويه دا لو انت لسه بتكمل الكشف .. غير لائق جويه ده لو سقطت فى الكشف الطبى لجويه )
7*رغباتك (يعنى عاوز تدخل ايه فى القوات المسلحه (حربيه او جويه او فنيه عسكريه او دفاع جوى او معهد فنى او بحريه )
............................
اول ماتقرب من الباب اقف كويس جدااا انتباه ايدك جنبك وصوابعك مضمومه لانك متراقب بكاميرا دى بقى شايفك جوا اللواءات كلهم وشايفين وقفتك وزميلك جوا (فخلى بالك من وقفتك)
*وانت داخل متدخلش دخله عسكريه ادخل ماشى عادى خالص زى مابتمشى
*هتلاقى من 6 الى 14 رتبه قاعدين قدامك اوعى تتهز هييجى يوم وتبقى مكانهم ان شاء الله
*هتقف فى المكان المحدد ليك علامه على الارض انتباه فارد جسمك وايدك جنبك وضاممهم وراسك شامخه وجسمك ثابت وواثق فى نفسك
*هيديلك امر تتفضل تقول السبع حاجات بصووت وااااااااضح (مش عالى اوى) صوت يكون واضح وصوت راجل
اوعى تلقلق او تتهته وانت بتقول السبع حاجات
(((هيسألك فى اى اى حاجة ايا كانت **عواصم او مساحات او معلومات عامه )))
ملحوظه مهمه جداااااااا::
اللى تعرفه قوله واللى متعرفهوش قول معرفش يافندم (متفتيش)
اهم شىء الثقه فى النفس
*مش شرط يسألك ممكن ميسألكش خالص (عادى)
*هيقولك اتفضل (تتفضل تخرج ماشى ماشيتك العاديه خالص لحد برا ومتتكلمش مع اى حد وانت خارج خااااالص اوعى!! لانك متراقب وبيفضل شايف مشيتك لحد ماتخرج
......................................
وبكدا انتهى كشف الهيئة ياشباب
وربنا يوفقكم جميعا ان شاء الله
ادعولنــــــــا
المصدر : صفحة
حــربية + جــوية + بحــرية + فنيــة عســكرية = خيــر اجنــاد الارض
موضوع: كل ما يخص كشف الهيئة 
الثلاثاء 27 أغسطس 2013 - 17:16
