الأقســـام العسكريـــة

السلام عليكم

انا خريج كليه الاداب قسم اللغه العبريه بتقدير جيد جدا وانا الثالث على الدفعه (الاول والثانى بنات)
من المعلوم عننا ان كثير منا بيتاخد ضابط 3 سنين
وعندما سألت المقدم (التربيه العسكريه) قالى ان قسمك مرغوب فيه جدا فى الجيش وزى ما قالى "دول ما صدقوا يلاقوكم"
طيب
انا قرأت الكثير عن كليه الضباط الاحتياط لكن هناك بعض الاشياء لا اعلمها

السؤال الاول:
ما هو نظام التدريبات فى الكليه (بشكل عام) ؟؟ هل التدريب يقتصر على التمارين البدنيه والنشان فقط ام يتخطى ذلك للتدريب على الاعمال القتاليه والمهمات والاقتحامات وهكذا ؟؟؟؟؟؟؟؟؟

السؤال الثانى :
الاحظ فى الصور ان كثير من الضباط (قبل تخريجهم من الكليه) بليلبسوا لبس صاعقه وفى ناس مش بتلبس يعنى بتلبس عادى.. فانا عايز اعرف ايه النظام
هل يتم تحديد السلاح للطلاب اثناء دراستهم .. ام ماذا
؟؟؟؟؟

السؤال الثالث :
ما هو سلاحى فى الجيش كونى متخصص فى اللغه العبريه ؟؟؟؟

السؤال الرابع :
مقدم التربيه العسكريه قالى ان الضابط الاحتياط ممكن يكمل بعد التلات سنين سنه واحده بس وبعد كده بيطلع... انا مش عارف انا فهمت الكلام غلط ولا لأ... ؟؟؟؟؟؟؟؟

السؤال الخامس:
لو انى اردت ان اكمل فى الجيش بعد التلات سنين ؟؟ ما هو المطلوب (باعتبار تخصصى بالطبع) ؟؟؟؟؟

ملحوظه :
ارجو ان لا يرد عليا احد ويقولى الجيش وحش وصعب وبيطلع عينك .. الخ.. لسبب بسيط لانى الحمد لله نشأتى وتربيتى ووضعى يجعل من الجيش وقسوته مسأله تعود فقط..
وارجو ان لا تكون الاجابات شديده الاختصار

اتمنى تكون اسئلتى خفيفه عليكم

ايه يا شباب
انتوا فين !!!
هو انا اسألتى صعبه اوى كده

اسال Egyptian @rmy بعد له رسالة ليزور استفسارك يمكن يكون عنده معلومة لانه زيك اداب عبرى

اسف يا اخي للتأخير بص يا غالي
بالنسبة للسؤال الاول انت بتبقي حاصل علي علوم ميدانية ومهمتهم انهم يعلموك علوم عسكرية يعني قتال وتلاحم واستراتيجية كل ما يخص العسكرية في 6 شهور

السؤال التان
بتبقي فرقة الصاعقة فرقة اختيارية ممكن تحصل عليها او لأ اما حسب السلاح الي انت رايحه او حسب رغبتك لو كنت سلاح مشاه

السؤال التالت
بص انت لو كنت لغة تانية غير عبري ممكن تكون اسلحتك محدودة لكن دلوقتي في مصر مفيش سلاح او كتيبة او فرقة الا لما تلاقي فيها ظباط يجيدون العبرية يعني من الصعب جدا جدا تحديد السلاح

لسؤال الرابع والخامس
بعد ال 3 سنين حسب رغبة واحتياج الجيش يعني ممكن يكمل وممكن ميكملش علي حسب الاحتياج طبعا ورغبتك
لكن لو انت عاوز تكمل دائما في الجيش ممكن تسحب ملف الظباط المتخصصين وتحول بدل ما انت ظابط احتياط تبقي ظابط دائم بالقوات المسلحة
بييجي في شهر 11 بيتم الاعلان عن قبول دفعة جديدة من الظباط المتخصصين انت بتطلب انك تقدم وبيدوك اجازة عشان تقدم وبتسحب ملف وو نجحت بتبقي ظابط دائم في القوات المسلحة لو لقدر الله محصلش نصيب ممكن تقدم السنة الي بعدها
معاك لحد 28 سنة

اتمني ان اكون افادتك يا اخي
لكن رجاء انا طالب عبري فرقة اولي وحلمي ان اقدم ظابط متخصص لو تقدر حضرتك تتابعني وتقلي اخر المستجدات مع حضرتك
وشكرا جدا
תודה