abnmoussa كتب:

اخوتى ..ابدأ اليوم اول مقالة نشرت لى فى اكبر مجلة سيارات فى مصر "عربتى" يوم 25/12/2007 فى عمودى الأسبوعى بعنوان "ابن موسى وسيارة المحروسة" فى بداية الحملة القومية لإنتاج سيارة مصرية 100% والتى كنت اقودها من خلال المجلة.
واليكم المقالة تحت عنوان " لو بطلنا نحلم نموت " والتى اختار عنوانها استاذنا الرائع عمرو مجدى مدير تحرير المجلة والمشرف العام.
كل شعب بيصنع حلمه على قد سنه وعينه على سلم المجد لأجل يسطر لبلاده تاريخ حضارة بين الخلايق .. ولكل شعب حلم شكل ..فيه ناس حلمها تكفى نفسها أكل..........................
وفيه ناس حلمها تطول السما وتقعد فوق القمر و الشمس ...................
وفيه ناس لاكده ولاكده ...........................
اهم عايشين وبس..................
يضرب له حجرين ............
ويسلطن ببرشمتين ...........
وعليهم كوبيتين ...............
ويحبس بعدها المسائل بقرعتين ...................
يمز فيهم بكام رقصتين من موزتين آخرلهط..............
بعدها..............
بعدها يتسطل ويتهطل ويروح نااااااااااااااايم مشخر زى الجحش .
المصرى زمان نحت الصخور والجبال نحت ، وفى قلبها عملوا للملوك قبرها وخبوا معاهم سرهم تحت .. صنعوا مجدهم وسابوا لخلفهم حضارة تفكرهم باللى عملوه جدودهم لأجل يرفعوا روسهم دايما بين الخلايق فى كل عصر وعلشان يكملوا مشوارهم فى العلا والمجد.. ولو كانوا يعرفوا ان خلفهم حيركنوا ويبلطوا فى الخط ..ويحبسوا نفسيهم فى حارة سد فيها ساكن الفقر والجهل ..آه لو كانوا يعرفوا كده بس..وآل إيه بيفرجوا للخلايق حضارة اهاليهم وهم مدين ايدهم للرايح واللى جى من غير خشى ولا حياء ولادم .. وفرحانين قوى بالفهلوه والشطارة ونظام تشترى ياخواجة كلب؟؟؟؟؟؟؟ ناسيين ان الخواجة ده هو اللى باع لهم من زمان نفس الكلب ابن الكلب .. وإيه ؟؟؟؟؟؟؟؟؟ متواكلين على ذكراهم فى اغانيهم وهز بطن نسوانهم وبس .. لو كان اجدادهم يعرفوا كده.. لو يعرفوا كل ده لكانوا حرقوها ونسفوها نسف .. لأجل ما يخلوهم يحترموا نفسيهم ويبدأوا من تانى وعينيهم على صنع إيدهم مش على صنع ايد حد.. المصرى زمان كان سيد الأرض ولحد دلوقتى بتتحنى الخواجات لحضارته وشطارته..بس ياخسارة عينيهم بتسأل إيه العبارة ياخلق ؟؟؟؟؟؟؟؟؟؟؟؟؟؟؟ ويشاوروا عليهم ويقولوا معقول ياناس الخلق ده خلفهم ؟؟ ده خلفة عار وندم وشؤم.
وانا ياناس من بقية الخلق وواحد من خلفة اصحاب الحضارة والمجد .. ونفسى اعمل حاجة بجد .. نفسى نعمل حاجة بجد..تعالوا نحلم بحلم على قدنا لينا ولولادنا من بعدنا .. يعنى مثلا نكفى نفسنا أكل ونزرع أرضنا ونعمرها بالخير وبلاش يأس وهم .. وفى الصناعة نعيد ايام الريادة والمجد ونطور نفسنا وناخد بعلم الغرب اللى نقلوه منا زمان بالتهليب والسلب ولسه مابطلوش سرقة ولادنا ..ولاد بهية الشطارة الذكية العبقرية.. بلاد كتيرة بعدنا قامت من نومها قبلنا وتصوروا .. بيصدرولنا دلوقتى أكلنا وحاجات كتير ملهاش حد.. مش حاجة بذمتكم تكسف وتوكس.. كده ولا لأ.. اللى عملوه الأفنديه لافيه سحر ولادجل ولاملاغية ..ولا فيهم كلب ابن كلب عايش على لهط المهلبية..اللى عملوه الأفنديه نتيجة العرق والأمل والسهر والدم.. حلمهم حققوه بأيدهم وحفروا الصخور وطلعوا بنفسهم سلمهم للمجد مش سلم أى حد.. ليه كل واحد فينا مايحلمشى حلم ع القد.. ويمسك جرس فى إيديه وينادى به على الخلق.. لأجل مايساعدوه فى تحقيق حلمه وحلمهم ونرجع به مع بعضهم إيام الريادة والمجد.. ماأحنا عملناها قبل كده فى السد.. ولا خلاص نسيناااااااااااااا وراااااااااااااااحت علينا ..صدينا ومابقاش لينا حل ؟؟؟؟؟ .. وعشان كده انا اخترت حلمى.. واخترت له أسمه ورسمه.. وبعد الحلم اخترت الجرس اللى حأنادى به ع الخلق وجرسى هو قلمى وعمودى فى مجلة شقية مصرية.. طموحة وبنت أصل.. لقطوا شبابها طموحى ودعونى أكتب على صدرها حلمى وأدق على جرسى وإيديه فى إيدهم وسوا حنروح نصحى الخلق .. العملية مش عملية نصنع عربية ياخفيف وفيه ناس مش لاقيه الرغيف والعربيات ملية الشوراع والحوارى والرصيف.. العملية اننا نفتح باب أمل جديد وأبواب رزق ملهاش حد وبكده حنجيب الرغيف وع الرغيف مليون رغيف مش حاف ياسيدنا بظلط ورمل ولكن بشهد وعسل لذيذ.. عايزين نعمل كده لأجل نشغل الشباب العاطلين اللى مالين الشوارع و القهاوى و الرصيف ..يضربوا براشيم بأسماء مالهاش عدد وطيرين على سحاب البانجو والحشيش.
عايزين نورى الناس صنع بلادنا فى صناعة جد مافيهاش هجص.. فيها التخطيط لازم يكون على اصوله مش بس فى الصناعة ولكن فى جذورجذور جذوره .. تخطيط بفن من تعليم لسياسية لإعلام لإقتصاد لفن .. حتى السلوك حتى القوانين ويتلغى من قاموسنا أنا أبن مين ياخفيف.. دقة ونظام زى عقارب الساعة مافيش الاثنين تيجى قبل الواحد.. كلنا حنبقى فى طابور واحد عشان نعمر،عشان نكبر،عشان نعيد لبلدنا الريادة والمجد ونبعد بقى عن الريالة والزبالة ياعم.. ونشوفكم الأسبوع الجاى.
ابن موسى

ايه يا اخي ابن موسى ده انت بتقول معلقة ادهالك حد من معارضي الحكم ولا ايه ولا ده فيلم؟؟؟؟؟

هو احنا كل حاجه جاية مننا نرميها على الحكومه والرئاسة وخلاص؟؟؟ بس ياترى احنا ملايكه؟؟؟
....
اكيد لا ايوا اكيد لا
انا بغلط وانت بتغلط وكلنا بنغلط
عندنا مثلا موظف كسلان مش عايز يعمل حاجه ده العيب منه ومن ضميره يعني بيعطل البلد كلها!! صح ولا لأ
طيب الموظف الكسلانده لما حد يساله عن سبب التاخر هيقول العيب مش مني !!!
طيب امتى يا جماااااااااااعه هنفووووووووووووووووق من النومه دي كل واحد يرمي الغلط عبى اللي جنبة !!!!

ومعلش انصحك تروح للدستور او تنشر قصتك الخيالية في ملحق (النهارده اجازه)

وبعدين معلش الكلام اللي انت مألفة قليل الادب وميستاهلش الواحد يعتبر بيه وانهو ده هوا اللي هيصلح مصر!!!!
وهيقلل من شانك كتييييييير