اخوانى الاعزاء اعجب من كم المعلومات الرهيب لدى كل الاخوة الذين ادلوا بدلوهم فى موضوع الاسلحة الباليستية و التى ان صحت هذه المعلومات و التى كانت بهذه السهولة الكبيرة فى تداولها لكان الامر جد خطير و التى ينم عن احتمالين اولهم ان كل من كتب فى هذا الموضوع اما على اطلاع على هذا الموضوع او انه من العسكريين او ان هذه المعلومات متاحة للدرجة التى ينتفى معه مبدا سرية المعلومات العسكرية مما يعنى وجود خلل ما فى المنظومة العسكرية . وخاصة السيطرة على سرية الامعلومات.ثانيا وهذا هو الاهم فان اول ارهاصات ضعف خصمك هو الجعجعة بدون طحن فان من يفعل لا يتكلم ومن يتكلم لا يفعل انها مبدا التمويه العسكرى من ايام الفراعنة فالتمويه على قوتك وعدم كشفها لعدوك هو اول عوامل كسب الحرب فما بالك ان كان الامر لو صح فهو بهذه الدرجة من الانكشاف؟ثالثا منظومة التسليح مرتبطة بالعقيدة العسكرية لدى اى جيش وانظر الى الاسرائيليين والفرنسيين انهم وبالرغم اتساقهم الكامل مع منظومة الحضارة الغربية المسيحية وكونهم محميين تماما سياسيا واقليميا لكونهم ضمن تحالفات حقيقية قائمة ورغم كون فى حال تعرضهم لخط الاعتداء على سيادة الاقليمية لاراضيهم فنهم حتى ليسوا بحاجة الى تكبدهم مشقات التعبئات ولا حتى الدفاع او القتال بواسطة جيوشهم الوطنية فجيوش التحالف جاهزة دوما ومستعدة و لا مشكلة فى الامداد والتموين والتسليح ولا حتى اية نفقات عسكرية او غير عسكرية من اى نوع الا انك تجد فرنسا لا تطمئن الى مقاتلات جوية من حلف الاطلنطى ك اف16 و 18 وغيرها فتعمد الى انتاج مقاتلاتها بنفسها حتى وان كانت ليست بكفاءة اف16 مثلا كذلك اسرائيل فرغم مجانية تسليحها الامريكى والغربى تقريبا وبل عدم امكانية حجب اى تكنولوجيا رفيعة المستوى سواء مقاتلات اوغيرها من اسلحة الا انها تنحى كل تلك الهدايا السخية جانبا وتنتج طائراتها الكفير وان كانت ليست بمثل كفاءة الاميريكية وكذلك الامر بالنسبة للدبابة ميركافا وصواريخ ارو رشاشات عوزى.ان نفس الامر فعلته الهند فصنعت طائراتها وصواريخها دونما ضجيج و كذلك الصين وايران والسويد والبرازيل وقد كانت كلمة السر فى نجاحات كل هؤلاء هى الاصرار و الشجاعة والحزم والايمان بان ما حك جلدك مثل ظفرك اما ان تذهب الى الارجنتين الكاثوليكية لتتعاون معك لصنع سلاح يضرب احبابهم فهذا ضرب من العبطاو الاستعباط الذى يجب ان يبرا منه كل واهم

سلام عليكم.

مالك يا صاحبي زعلان كده.الموضوع ابسط من كده بكتير واسمحلي اشرحلك ازاي.

اولا انا مش شخص عسكري ولا حاجه (وان كان ده حلمي بس قدر الله وماشاء فعل)ومهنتي موضحه امام الجميع وطبعا ليك كامل الحق في انك تصدق او ما تصدقش لان كل اللي يربطني بيك هو كلام على شاشه.

ثانيا المعلومات اللي انا بقولها دي متاحه امام الجميع وما هياش سريه ولا اي حاجه ولو كانت سريه فانا ما كنتش هعرف اوصلها اصلا.انما السري بجد فما حدش يعرف عنه حاجه.

ثالثا ان الكلام اللي احنا بنقوله ده ما هواش جعجع بلا طحن ولا حاجه وهرد.عليك من كلامك يا صاحبي.(من يفعل لا يتكلم ومن يتكلم لا يفعل)

طيب بالله عليك يا صديقي ازاي انت بتقول المثل ده وراجع بتستشهد باللي اسرائيل وفرنسا الهند والصين بيعملواه؟طيب ما هم بيتكلموا اهو وبيقولوا احنا عندنا كذا وكذا وعلمنا كذا وكذا.ولا انت ايه رايك؟

عايزك تعرف يا صاحبي ان مسالة الاعلان عن بعض واكرر بعض اللي عندك دي مش جعجعه الدول بتلجأ لكده عشان تعرف الدول التانيه قدرها وتعرفهم هي قادره ترد بايه في حالة الاعتداء عليها.بعمنى اصح بتكسب احترام الغير ليها .

وعندك مثال امريكا تعبونا من كتر دعاياتهم عن الاف-22 في الافلام الاجنبيه واعلانات الشركات وكده تفتكر كل ده ليه؟عشان يعرفوا الدول التانيه مقدار ما وصلوا له من تقدم في هذا المجال وكمان يعرفونا ان مافيش حاجه بعيده عليهم.وبالمثل روسيا وانظمة دفاعها الجوي الرهيبه.طيب ما كل ده احنا عارفينه وهم بيتكلموا عنها.

يعني الخلاصه انك بالطريقه دي بتتقي شر انك تقع في نزاع مسلح بانك بتوري الناس اللي عندك وهم بيوروك اللي عندهم فكل واحد بيقول ايه (خلي الطابق مستور احسن)

رابع حاجه ودي اللي حبيت الفت نظرك ليها.بخصوص كلامك عن اسرائيل.فطائرة الكافير اللي انت بتقول انها اسرائيليه ماهي الى ميراج 3 معدله فقط يعني هم كل اللي عملوه فيها هو انهم اخدو الميراج وعدلوا عليها شويه وسموها باسم تاني تماما مثل ما تفعل ايران حاليا في اسلحتها.ولكن الحقيقه التي لا يمكن لاسرائيل الهرب منها هي انها لا تستطيع الاستغناء عن السلاح الامريكي وعن التكنولوجيا الامريكيه.ابدا.

بدليل اننا مثلا ما بنشوفش الكافير او النيشر بيستخدموا في قصف غزه مثلا مع اني دي بيئه مناسبه جدا لعملهم فلا وجود لدفاع جوي يقف في طريقه او لطائرات مقاتله تعترضهم اثناء اداء مهامهم ومع ذلك نجد الاف-16 والا-15 هما اللتان تصولان وتجولنا في سماء غزه.

ايضا مسالة الارجنتين اللي انت اشرت اليها عايز اقولك ان المشروع ده كان شراكه بين مصر والعراق والارجنتين وكان ماشي على قدم وساق لولا انه اكتشف من قبل الولايات المتحده وتم اقافه بعد الضغط على الدول الثلاثه.ولكن مصر بعد ذلك تابعت العمل في المشرو لوحدها.لان المساله هنا مش مسالة دين دي مسالة مصالح مشتركه لان مافيش دوله في العالم مش عايزه صاروخ بالستي مداه 2000 كم.

في النهايه اتمنى اكون عرفت اوصلك فكرتي يا صاحبي.

تحياتي ليك .

زميلك

TOP ACE

شكرا جزيلا جزيلا على ردك الجميل والغني بالمعلومات التاريخيه الشيقه.يا صاحبي.
وبعتذر لحضرتك اذا كان اسلوبي في الرد خلاك تفهم بعض نقاطه بطريقه غير اللي انا قاصدها.
واسمحلي اوضحلك الحاجات دي.

اولا يا صديقي انا ما جاش اصلا في بالي ان جملة (جعجه بلا طحن)دي موجهه لي او الى اي واحد من الزملاء اصلا لاني عارف حضرتك تقصد بيها ايه وكمان انا واثق من انك حضرتك على قدر كاف الخلق و والذوق فمش ممكن تكون بتقول حاجه زي دي على زملاء انت بتناقشهم في اي امر.
نيجي بقه للمهم بردو هرجع اقولك ان مسالة ان الدوله بتقول انا عندي كذا وكذا وبعمل كذا كذا ده عباره عن اسلوب من اساليب الردع وكسب احترام الدول المعاديه وزي ما ضربتلك امثله كتير زي امريكا وروسيا وكتير من دول العالم.يعني وعشان توضح الصوره انا دلوقتي لما اقول اني عندي صواريخ مداها 1000 كم وتقدر توصل لاسرائيل وكمان الصواريخ دي ممكن تزود برؤوس غير تقليديه مثلا.مش ده هيخلي اسرائيل تفكر كذا مره قبل ما تقوم بعمل عدواني عليا؟اكيد هتفكر الف مره قبل ما تعمل حاجه زي دي لانها عارفه في الوقت ده انت ممكن ترد بايه وممكن تعمل ايه ساعتها.او حتى ده اقصى ما عندها من معلومات وبكده انت بتقدر تقي نفسك شر الوقوع في مواجهه مع اسرائيل في الوقت الحالي الى ان تصل الى مرحله تكون فيها على ثقه من انك لو دخلت في نزاع مسلح مع اسرائيل هتقدر تعلمها الادب كويس.
ياريت تكون فكرتي دي وصلتلك يا صاحبي.

تاني حاجه اني فعلا لما قلت كلمة (زعلان) ما كانش قصدي اي حاجه ولله غير المزاح فقط واسف اذا كان وصلك اي انطباع تاني يا صاحبي.

تالت حاجه والاخيره هي مسالة الدين اللي حضرتك اتكلمت عنها.
فحضرتك كل اللي الامثله اللي انت ضربتها واستشهدت بيها (وطبعا انا معاك فيها)الا انها لا تمت للموضوع اللي كنت بكلمك عنه باي صله.

لانه لو كان فعلا الدين بيلعب دور في حكاية مصر والارجنتين لكانت الارجنتين اصلا رفضت تشاركنا او تساعدنا باي حاجه.مش كده ولا انت شايف حاجه تانيه.

طيب بلاش الارجنتين مش مصر دخلت مشروع ما كوريا الشماليه لتطوير صواريخ النوندونج البعيدة المدى؟طيب كان فين الدين وقتها.في حاجات مش دايما بيكون الدين فيها هو العامل الرئيس ولكن بتحكمها المصالح المشتركه وبينظر ليها من ناحية الاستفاده.

ياريت اكون عرفت اوضح وجهة نظري ورايي ليك.

وشكرا جزيلا مره تانيها على ردك الجميل.

سلامي.